സിഡ്‌നി ടെസ്റ്റിനുള്ള ഇന്ത്യന്‍ ടീം തയ്യാര്‍, യുവതാരം അരങ്ങേറും; സര്‍പ്രൈസായി രണ്ട് മാറ്റങ്ങള്‍
ഓസ്‌ട്രേലിയക്കെതിരെ മൂന്നാം ടെസ്റ്റിനുള്ള ഇന്ത്യന്‍ ടീമിനെ പ്രഖ്യാപിച്ചു. നാളെ സിഡ്‌നിയില്‍ നടക്കുന്ന ടെസ്റ്റില്‍ നവ്ദീപ് സൈനി അരങ്ങേറ്റം കുറിക്കും. നേരത്തെ ടി നടരാജന്‍ കളിക്കുമെന്ന് വാര്‍ത്തകളുണ്ടായിരുന്നുവെ്ങ്കിലും അതുണ്ടായിയില്ല. ഉമേഷ് യാദവിന് പകരമാണ് സൈനി കിളിക്കുക. മറ്റൊരു മാറ്റംകൂടി ടീമില്‍ വരുത്തി. മോശം ഫോമില്‍ കളിക്കുന്ന മായങ്ക് അഗര്‍വാളിന് പകരം രോഹിത് ശര്‍മ ടീമിലെത്തി.
ശുഭ്മാന്‍ ഗില്‍: മെല്‍ബണില്‍ വരവറിയിച്ച ശുഭ്മാന്‍ ഗില്‍ സിഡ്‌നിയിലും ഓപ്പണറായി കളിക്കും. അത്രത്തോളം കെട്ടുറപ്പുള്ള ഇന്നിങ്‌സാണ് രണ്ട് ഇന്നിങ്സിലും ഗില്‍ പുറത്തെടുത്തത്.
രോഹിത് ശര്‍മ: ആദ്യ രണ്ട് ടെസ്റ്റിലും നിറം മങ്ങിയ മായങ്ക് അഗര്‍വാളിന് പകരം രോഹിത് ശര്‍മ ക്രീസിലെത്തും. ടീമിന്റെ വൈസ് ക്യാപറ്റന്‍കൂടിയാണ് രോഹിത്.
ചേതേശ്വര്‍ പൂജാര: ആദ്യ രണ്ട് ടെസ്റ്റിലും പ്രതീക്ഷക്കൊത്തുയര്‍ന്നില്ലെങ്കിലും സിഡ്‌നിയിലും പൂജാര മൂന്നാം നമ്പറിലെത്തും. സിഡ്‌നിയില്‍ മികച്ച റെക്കോഡുള്ള താരമാണ് പൂജാര.
അജിന്‍ക്യ രഹാനെ: മുന്നില്‍ നിന്ന് നയിക്കുന്ന ക്യാപ്റ്റന്‍. പരമ്പരയില്‍ ഇതുവരെ ഏറ്റവും റണ്‍സ് നേടിയ ഇന്ത്യന്‍ താരമാണ് രഹാനെ.
ഹനുമ വിഹാരി: ആദ്യ രണ്ട് ടെസ്റ്റിലും മോശം പ്രകടനമായിരുന്നു വിഹാരിയുടേത്. വിഹാരിയില്‍ ഒരുപാട് പ്രതീക്ഷയുണ്ട് ടീം മാനേജ്‌മെന്റിന്. അതുകൊണ്ടുതന്നെ ഒരിക്കല്‍കൂടി വിശ്വാസമര്‍പ്പിച്ചു.
റിഷഭ് പന്ത്: മെല്‍ബണില്‍ വമ്പന്‍ സ്‌കോര്‍ നേടിയില്ലെങ്കിലും ടെസ്റ്റില്‍ മാറ്റമുണ്ടാക്കാന്‍ പന്തിന്റെ ഇന്നിങ്‌സാനായിരുന്നു. താരത്തില്‍ നിന്ന് വലിയ ഇന്നിങ്‌സാണ് ടീം മാനേജ്‌മെന്റ് പ്രതീക്ഷിക്കുന്നത്.
രവീന്ദ്ര ജഡേജ: മെല്‍ബണിലെ അര്‍ധസെഞ്ചുറിയോടെ ബാറ്റ്‌സ്മാനെന്ന നിലയിലും ഓള്‍ റൗണ്ടറെന്ന നിലയിലും ടീമില്‍ സ്ഥാനം ഉറപ്പിച്ച രവീന്ദ്ര ജഡേജ ഏഴാം നമ്പറില്‍ ഉറപ്പിച്ചു.
രവിചന്ദ്ര അശ്വിന്: അഡ്ലെയ്ഡിലും മെല്‍ബണിലും പന്തുകൊണ്ട് അത്ഭുതം കാണിച്ച അശ്വിന് പകരം വെക്കാന്‍ ഇന്ന് ഇന്ത്യന്‍ ടീമില്‍ മറ്റൊരാളില്ല.
ജസ്പ്രീത് ബുമ്ര: സിഡ്‌നിയിലും ബുമ്രക്കാണ് ഇന്ത്യന്‍ പേസ് ബൗളിംഗിനെ നയിക്കേണ്ട ചുമതല. നിര്‍ണായ വിക്കറ്റുകള്‍ സമ്മാനിച്ച താരമാണ് ബുമ്ര.
മുഹമ്മദ് സിറാജ്: മെല്‍ബണില്‍ അരങ്ങേറ്റത്തില്‍ തിളങ്ങിയ മുഹമ്മദ് സിറാജാണ് രണ്ടാമത്തെ പേസര്‍. ഷമിയുടെ അഭാവത്തിലാണ് സിറാജ് ടീമിലെത്തിയത്.
നവ്ദീപ് സൈനി: അരങ്ങേറ്റത്തിനൊരുങ്ങുകയാണ് സൈനി. നിശ്ചിത ഓവര്‍ ക്രിക്കറ്റില്‍ മോശം പ്രകടനമായിരുന്നു താരത്തിന്റേത്. ടെസ്റ്റില്‍ തിളങ്ങുമെന്നാണ് പ്രതീക്ഷ.
ടീം ഇന്ത്യ: രോഹിത് ശര്‍മ (വൈസ് ക്യാപ്റ്റന്‍), ശുഭ്മാന്‍ ഗില്‍, അചേതേശ്വര്‍ പൂജാര, അജിന്‍ക്യ രഹാനെ (ക്യാപ്റ്റന്‍), ഹനുമ വിഹാരി, ഋഷഭ് പന്ത് (വിക്കറ്റ് കീപ്പര്‍), രവീന്ദ്ര ജഡേജ, ആര്‍ അശ്വിന്, ജസ്പ്രീത് ബുമ്ര, മുഹമ്മദ് സിറാജ്, നവ്ദീപ് സൈനി.
