അവതാര്‍ സിനിമയിലെ കുന്നുകളിലേക്ക് പറക്കുന്നു, ലോകത്തെ ഏറ്റവും ഉയരമുള്ള ഈ ലിഫ്റ്റ്
ലോകത്തെ ഏറ്റവും വലിയ ലിഫ്റ്റില്‍ വീണ്ടും സഞ്ചാരികളുടെ തിരക്ക്; 'അവതാര്‍' സിനിമയ്ക്ക് പ്രചോദനമായ ചൈനയിലെ ഴാങ്ജിയാജി ഫോറസ്റ്റ് പാര്‍ക്കിലാണ് ഈ പടുകൂറ്റന്‍ ലിഫ്റ്റ്.
കൊറോണ വൈറസ് നാശം വിതച്ച ചൈനയിലേക്ക് വീണ്ടും ടൂറിസ്റ്റുകളുടെ ഒഴുക്ക് ആരംഭിച്ചതോടെ ലോകത്തിലെ ഏറ്റവും വലിയ ലിഫ്റ്റില്‍ ആള്‍ത്തിരക്കു കൂടി.
ജയിംസ് കാമറൂണിന്റെ 'അവതാര്‍' സിനിമയ്ക്ക് പ്രചോദനമായ ചൈനയിലെ ഴാങ്ജിയാജി ഫോറസ്റ്റ് പാര്‍ക്കിലാണ് ഈ പടുകൂറ്റന്‍ ലിഫ്റ്റ്.
തെക്ക്കിഴക്കന്‍ ചൈനയിലെ ഹുനാന്‍ പ്രവിശ്യയിലെ വൂളിങ് യുവാന്‍ പട്ടണത്തിലുള്ള പാര്‍ക്ക് കൊവിഡ് കാലത്തെ മാന്ദ്യത്തിനു ശേഷം വീണ്ടും സഞ്ചാരികള്‍ക്ക് തുറന്നു കൊടുത്തത്.
ലോകത്തെ ഏറ്റവും വലിയ ലിഫ്റ്റില്‍ വീണ്ടും സഞ്ചാരികളുടെ തിരക്ക്; 'അവതാര്‍' സിനിമയ്ക്ക് പ്രചോദനമായ ചൈനയിലെ ഴാങ്ജിയാജി ഫോറസ്റ്റ് പാര്‍ക്കിലാണ് ഈ പടുകൂറ്റന്‍ ലിഫ്റ്റ്.
'അവതാര്‍ കുന്നുകള്‍' എന്നറിയപ്പെടുന്ന ഇവിടത്തെ ഉയര്‍ന്നുപൊങ്ങിയ മലനിരകളുടെ ഉച്ചിയിലേക്കാണ് ഈ കൂറ്റന്‍ ലിഫ്റ്റ് സഞ്ചാരികളെ കൊണ്ടുപോവുന്നത്.
12000 ഏക്കറിലായി മൂവായിരത്തോളം സൂചിമലകളാണ് ഇവിടെയുള്ളത്. നോക്കെത്താ ദൂരത്തോളം അതു പരന്നു കിടക്കുന്നു.
ഈ ലിഫ്റ്റില്‍ കയറിയാല്‍ 88 സെക്കന്റുകള്‍ കൊണ്ട് നിങ്ങള്‍ക്ക് 1000 അടി മുകളില്‍ എത്താനാവും. ഇതു തന്നെയാണ് സഞ്ചാരികളെ ഇവിടേക്ക് ആകര്‍ഷിക്കുന്നത്.
'അവതാര്‍ സിനിമ'യിലെ നാവി ജനത ജീവിക്കുന്ന സാങ്കല്‍പ്പിക ഭൂമിയ്ക്ക് പ്രചോദനമായത് മധ്യ ചൈനയിലുള്ള ഈ വന്യജീവി സങ്കേതമാണ്.
മൂന്ന് ഡബിള്‍ ഡെക്കര്‍ എലിവേറ്ററുകളാണ് ഇവിടെ പ്രവര്‍ത്തിക്കുന്നത്.
ലോകത്തെ ആശ്ചര്യത്തിലാഴ്ത്തിയ അവതാര്‍ കുന്നുകളുടെ സമീപദൃശ്യങ്ങള്‍ സഞ്ചാരികളിലേക്ക് എത്തിക്കുന്നതാണ് ഈ എലിവേറ്ററുകള്‍.
കൊറോണക്കാലത്തിനു മുമ്പ് ശരാശരി 14,000 പേര്‍ പ്രതിദിനം ഇവിടെ എത്തിയിരുന്നതായാണ് കണക്ക്.
കൊവിഡ് രോഗം തടയാനുള്ള നിയന്ത്രണങ്ങള്‍ മറ്റെല്ലാം പോലെ ഇതിനെയും ബാധിച്ചു.
ബെയോങ് അഥവാ ഹണ്‍ഡ്രഡ് ഡ്രാഗണ്‍സ് എന്ന പേരിലറിയപ്പെടുന്ന ഈ ലിഫ്റ്റുകളിലേറി അവതാര്‍ കുന്നുകള്‍ കാണാന്‍ ഇപ്പോള്‍ ദിനംപ്രതി എണ്ണായിരത്തിലറെ പേര്‍ എത്ുന്നതായാണ് കണക്ക്. അഭ്യന്തര ടൂറിസ്റ്റുകളാണ് ഇവരില്‍ ഭൂരിഭാഗവും.
ലോകത്തിലെ ഏറ്റവും വലിയ ഫുള്‍ എക്‌സ്‌പോഷര്‍ ഔട്ട്‌ഡോര്‍ ലിഫ്റ്റ് എന്ന റെക്കോര്‍ഡ് അടക്കം മൂന്ന് ഗിന്നസ് റെക്കോര്‍ഡുകള്‍ ഈ ലിഫ്റ്റിനുണ്ട്.
ഈ ലിഫ്റ്റിലേറുമ്പോള്‍ ആകാശം നമ്മുടെ കൈവെള്ളയിലേക്ക് ഇറങ്ങി വരുന്നതായി അനുഭവപ്പെടും. ആകാശത്തിലേക്ക് കയറിപ്പോവുന്ന പ്രതീതിയും ഈ യാത്ര സമ്മാനിക്കുന്നതായി സഞ്ചാരികള്‍ പറയുന്നു.
സാധാരണ ഗതിയില്‍ അതീവ ദുര്‍ഘടമായ ഈ മലനിരകളിലൂടെ കടന്നു ചെല്ലാന്‍ മണിക്കൂറുകള്‍ എടുക്കുമായിരുന്നു. ലിഫ്റ്റ് വന്നതോടെ ആ സമയം 88 സെക്കന്റ് ആയി ചുരുങ്ങി.
ഴാങ്ജിയാജി ഫോറസ്റ്റ് പാര്‍ക്കിന്റെ കമനീയമായ ദൃശ്യങ്ങള്‍ ഈ ലിഫ്റ്റ് സഞ്ചാരികളിലേക്ക് എത്തിക്കുന്നുണ്ട്.
ഓരോ ലിഫ്റ്റിലും ഒരേസമയം 50 യാത്രക്കാര്‍ക്ക് സഞ്ചരിക്കാം. ഒരാള്‍ക്ക് ഒരു തവണ സഞ്ചരിക്കാന്‍ ആയിരത്തി അഞ്ഞൂറ് രൂപ ആവും.
1999 -ലാണ് ലിഫ്റ്റിന്റെ നിര്‍മാണം ആരംഭിച്ചത്. മൂന്ന് വര്‍ഷം കൊണ്ട് ഇത് പണി പൂര്‍ത്തിയായി. ഓരോ ലിഫ്റ്റിനും 4900 കിലോഗ്രാം ഭാരം വഹിക്കാനുള്ള കഴിവുണ്ട്.
എന്നാല്‍, പിന്നീട് സുരക്ഷാ പ്രശ്‌നങ്ങള്‍ ഉയര്‍ത്തി താല്‍ക്കാലികമായി ഇതിലൂടെയുള്ള സഞ്ചാരം നിര്‍ത്തിവെച്ചു.
2003-ലാണ് പിന്നീട് ലിഫ്റ്റ് സഞ്ചാരികള്‍ക്ക് തുറന്നുകൊടുത്തത്. അതിനു ശേഷം, കൊറോണക്കാലത്താണ് ലിഫ്റ്റ് അടച്ചിട്ടത്. അതാണിപ്പോള്‍ വീണ്ടും തുറന്നു പ്രവര്‍ത്തിക്കുന്നത്.
ഇവിടെ ഗ്ലാസ് അടിത്തട്ടുള്ള ഒരു പാലവുമുണ്ട്. 980 അടി ആഴമുള്ള മലയിടുക്കിന് മുകളിലാണ് കാല്‍ മൈല്‍ നീളത്തിലുള്ള ഈ പാലം. 2016 -ലാണ് ഇതു തുറന്നു പ്രവര്‍ത്തിച്ചത്.
ലോകത്തെ ഏറ്റവും വലിയ ലിഫ്റ്റില്‍ വീണ്ടും സഞ്ചാരികളുടെ തിരക്ക്; 'അവതാര്‍' സിനിമയ്ക്ക് പ്രചോദനമായ ചൈനയിലെ ഴാങ്ജിയാജി ഫോറസ്റ്റ് പാര്‍ക്കിലാണ് ഈ പടുകൂറ്റന്‍ ലിഫ്റ്റ്.
യുനെസ്‌കോയുടെ ലോക പൈതൃക പട്ടികയില്‍ ഇടംപിടിച്ചിട്ടുള്ള ഈ അപൂര്‍വ്വ പ്രകൃതി ഭംഗി കാണാന്‍ കൊവിഡ് ഭയം മാറ്റിവെച്ച് ഒഴുകുകയാണ് വീണ്ടും സഞ്ചാരികള്‍
