അറുപത് ദിവസത്തോളം നീണ്ട യാത്രയ്ക്ക് ഒടുവിൽ ബിഗ് ബോസ് ഹൗസിൽ നിന്നും മടങ്ങി സാബുമാൻ

ബിഗ് ബോസ് ഹൗസിൽ നിന്നും മടങ്ങി സാബുമാൻ 

Image Credit : hotstar

ഗ്രാൻഡ് ഫിനാലേയ്ക്ക് ഒരാഴ്ച മാത്രം

ബി​ഗ് ബോസ് മലയാളം സീസൺ 7 ​ഗ്രാന്റ് ഫിനാലേയ്ക്ക് ഇനി വെറും ഏഴ് ദിവസം മാത്രമാണ് ബാക്കി. ഇതോട് അനുബന്ധിച്ച അവസാനത്തെ വീക്കെന്റ് എവിക്ഷനും ഇന്നലെ നടന്നിരിക്കുകയാണ്.

Image Credit : hotstar

എവിക്റ്റായി സാബുമാൻ

വൈൽഡ് കാർഡായി എത്തിയ സാബുമാൻ ആണ് ബി​ഗ് ബോസ് ഹൗസിനോട് ഇന്നലെ വിട പറഞ്ഞിരിക്കുന്നത്. അറുപത് ദിവസത്തോളം നീണ്ട യാത്രയ്ക്ക് ഒടുവിലായിരുന്നു സാബുമാന്റെ മടക്കം.

Image Credit : hotstar

മോഹൻലാലിന്റെ ചോദ്യം

എവിക്ഷന് പിന്നാലെ സ്റ്റേജിലെത്തിയ സാബുമാനോട് നിരവധി ചോദ്യങ്ങൾ മോഹൻലാൽ ചോദിക്കുന്നുണ്ട്. എല്ലാറ്റിനും പതിവ് പോലെ നിറചിരിയോടെ തന്നെയാണ് സാബുമാൻ മറുപടി നൽകുന്നതും. എന്തുപറ്റി ഈ ആഴ്ച വളരെ ഡൾ ആയിരുന്നു. അങ്ങനെ തോന്നിയോ ? എന്നായിരുന്നു മോഹൻലാലിന്റെ ആദ്യ ചോദ്യം.

Image Credit : hotstar

സാബുമാന്റെ മറുപടി

"എനിക്ക് ചെറുതായിട്ട് ഡള്ളായിട്ട് തോന്നി. ഔട്ട് ഓഫ് ദ കൺഫെർട് സോൺ ആയിരുന്നു എനിക്കിവിടെ. എല്ലാവർക്കും മത്സരവും ആ മൈന്റ് സെറ്റും. എന്ത് പറയാനാ. ഒട്ടും ഈസി ആയിട്ടുള്ള കാര്യമല്ല ബി​ഗ് ബോസ്. വളരെ പാടായിരുന്നു. പിന്നെ പതുക്കെ പതുക്കെ ഞാൻ ശീലിച്ച് വന്നു. ഇത്രയും ദിവസം ഞാൻ നിന്നു. അതാണ് ഞാനും അലോചിക്കുന്നത്. എത്രയും കാലം പ്രേക്ഷകർ പിന്തുണച്ചു. ഒരുപാട് നന്ദി", എന്ന് ആയിരുന്നു സാബുമാന്റെ മറുപടി.

Image Credit : hotstar

'തന്നെക്കാൾ ആഗ്രഹം അച്ഛനായിരുന്നു'

എന്റർടെയ്ൻമെന്റ് ഫീൽഡിൽ ആയതു കൊണ്ട് ബി​ഗ് ബോസിൽ വരണം എന്നത് തന്റെ ആ​ഗ്രഹമായിരുന്നു എന്നും തന്നെക്കാൾ ആ​ഗ്രഹമായിരുന്നു അച്ഛനെന്നും സാബുമാൻ കൂട്ടിച്ചേർത്തിരുന്നു.

Image Credit : hotstar

ആരാവും വിജയി ?

എന്തായാലും ഇനി ഈ സീസണിൽ ഫിനാലെ വീക്ക് ആണ്. പ്രേക്ഷകർ നൽകുന്ന വോട്ടിന്റെ അടിസ്ഥാനത്തിലാണ് വിജയിയെ പ്രഖ്യാപിക്കുക.

Image Credit : hotstar

കാത്തിരിപ്പോടെ പ്രേക്ഷകർ

ഏറ്റവുമൊടുവിൽ ആരാണ് കപ്പടിക്കുക എന്നറിയാൻ കാത്തിരിക്കുകയാണ് ആരാധകരും പ്രേക്ഷകരും.