സാരിയിലും സുന്ദരിയായി എസ്‍തര്‍- ഫോട്ടോകള്‍
ബാലതാരമായി സിനിമയില്‍ എത്തിയ നടിയാണ് എസ്‍തര്‍ അനില്‍. ഒട്ടേറെ സിനിമകളില്‍ ബാലതാരമായി അഭിനയിച്ച എസ്‍തര്‍ മലയാളി പ്രേക്ഷകരുടെ പ്രിയപ്പെട്ട താരമാണ്. എസ്‍തറിന്റെ ഫോട്ടോകള്‍ ഓണ്‍ലൈനില്‍ തരംഗമാകാറുണ്ട്. ദൃശ്യം എന്ന സിനിമയിലെ കുഞ്ഞുകുട്ടിയായി അഭിനയിച്ച എസ്‍തര്‍ സാരി ധരിച്ചുള്ള ഫോട്ടോയാണ് ഇപ്പോള്‍ ആരാധകര്‍ക്കിടയില്‍ ചര്‍ച്ചയാകുന്നത്. അനിൽ എബ്രഹാം-മഞ്ജു ദമ്പതികളുടെ മകളായി 2001 ഓഗസ്റ്റ് 29-ന് ആണ് എസ്‍തര്‍ ജനിച്ചത്. ബാലതാരമായി വെള്ളിത്തിരയില്‍ എത്തിയ എസ്‍തര്‍ ഇപ്പോള്‍ നായികയായും തിളങ്ങുകയാണ്.
ദൃശ്യം എന്ന സിനിമയില്‍ മോഹൻലാലിന്റെ മകളായി അഭിനയിച്ചാണ് എസ്‍തര്‍ ശ്രദ്ധേയയാകുന്നത്.
ദൃശ്യം മലയാളവും കടന്ന് മറ്റ് ഭാഷകളിലേക്ക് എത്തിയപ്പോള്‍ തെലുങ്കിലും തമിഴിലും എസ്‍തര്‍ അതേ കഥാപാത്രമായി എത്തി.
ജമിനി എന്ന സിനിമയിലൂടെ നായികയായി.
ഷാജി എൻ കരുണിന്റെ ഓള് എന്ന സിനിമയിലും നായികയായി.
എസ്‍തര്‍ നായികയായി മിൻമിനി എന്ന തമിഴ് സിനിമയും ഒരുങ്ങുന്നുണ്ട്.
സന്തോഷ് ശിവൻ സംവിധാനം ചെയ്യുന്ന മഞ്ജു വാര്യര്‍ ചിത്രമായ ജാക്ക് ആൻഡ് ജില്ലിലും എസ്‍തര്‍ അഭിനയിച്ചിട്ടുണ്ട്.
