സൈന ഇനിയെന്ന് വരും?, പരിനീതി ചോപ്രയുടെ ആരാധകര് ചോദിക്കുന്നു
കായികതാരങ്ങളുടെ ജീവിതം പറയുന്ന സിനിമകള്ക്ക് ഇന്ത്യയില് പ്രേക്ഷകര് ഏറെയാണ്. ഇന്ത്യൻ ബാഡ്മിന്റണ് താരം സൈന നെഹ്വാളിന്റെയും ജീവിതം പറയുന്ന സിനിമ ആരാധകര് ആകാംക്ഷയോടെ കാത്തിരുന്നതാണ്. സിനിമയുടെ വാര്ത്തകള് ഓണ്ലൈനില് തരംഗവുമായിരുന്നു. പരിനീതി ചോപ്ര നായികയാകുന്ന സിനിമ എപ്പോള് വരുമെന്നാണ് ഇപ്പോള് ആരാധകര് ചോദിക്കുന്നത്. കൊവിഡ് ദുരിതവും മറികടന്ന് സിനിമ എത്താൻ എത്രനാള് കാത്തിരിക്കണം എന്ന് ആരാധകര് ചോദിക്കുന്നു. അമോല് ഗുപ്ത സംവിധാനം ചെയ്യുന്ന ചിത്രം പലകാരണങ്ങളാല് നീണ്ടുപോവുകയും ചെയ്തിരുന്നു.
ശ്രദ്ധ കപൂറിനെ നായികയാക്കിയായിരുന്നു സിനിമ ആദ്യം ചിത്രീകരണം തുടങ്ങിയത്. എന്നാല് ശ്രദ്ധ കപൂര് പിൻമാറുകയും പരിനീതി ചോപ്ര നായികയാകുകയും ചെയ്തു.
ഒരു സാങ്കല്പ്പിക കഥാപാത്രത്തെക്കാളും യഥാര്ഥ ജിവിതം സിനിമയില് എത്തിക്കുന്നത് ആവേശകരമാണ് എന്നായിരുന്നു പരിനീതി ചോപ്ര പറഞ്ഞത്. സൈനയുടെ ജീവിതം അതേപടി സിനിമയില് എത്തിക്കുന്നത് വെല്ലുവിളി നിറഞ്ഞതാണ്. അവര് ബാഡ്മിന്റണ്കളിക്കുന്ന രീതി അതേപോലെ ചെയ്യാൻ ഒരുപാട് പരിശീലനം ആവശ്യമാണ്. പൂര്ണമായ ഒരു ജീവചരിത്ര സിനിമയായിരിക്കണം അതെന്ന് തനിക്ക് നിര്ബന്ധവുമുണ്ടെന്ന് പരിനീതി ചോപ്ര പറഞ്ഞിരുന്നു.
ബാഡ്മിന്റണ് കളിക്കുന്നത് എങ്ങനെയാണ് എന്ന് പരിശീലിക്കുകയാണ് എന്നതായിരുന്നു ഒരുകാലത്ത് സിനിമ വൈകിയതിന്റെ കാരണം പരിനീതി ചോപ്ര പറഞ്ഞത്.
സൈന നെഹ്വാളായി അഭിനയിക്കാൻ പരിനീതി ചോപ്ര ബാഡ്മിന്റണില് പരിശീലനം നടത്തിയിരുന്നു. അതിന്റെ ഫോട്ടോ പരിനീതി ചോപ്ര ഷെയര് ചെയ്തപ്പോള് ഗംഭീരമെന്നായിരുന്നു സൈന നെഹ്വാള് പറഞ്ഞത്.
തുമാരി സുലുവില് വിദ്യാ ബാലന്റെ ഭര്ത്താവിന്റെ വേഷത്തില് ശ്രദ്ധിക്കപ്പെട്ട മാനവ് കൌള് ഒരു പ്രധാന കഥാപാത്രമായി ചിത്രത്തിലുണ്ട്. സൈന നെഹ്വാളിന്റെ പരിശീലകനായ പുല്ലേല ഗോപിചന്ദ് ആയാണ് മാനവ് കൌള് അഭിനയിക്കുന്നത്.
ബാഡ്മിന്റണ് പരിശീലിക്കുമ്പോള് പരിനീതി ചോപ്രയ്ക്ക് പരുക്കേറ്റത് സിനിമ വൈകാൻ കാരണമായിരുന്നു. സൈനയാകാൻ ഇനി ഒരു മാസം കൂടി എന്ന് പരിനീതി ചോപ്ര പറഞ്ഞതിന് കുറച്ചാള് നാള് കഴിഞ്ഞാണ് താരത്തിന് പരുക്കേറ്റത്. കഴുത്തിന് പരുക്കേറ്റ കാര്യം അറിയിച്ച പരിനീതി ചോപ്ര കുറച്ചുകാലം വിശ്രമത്തിലുമായി. പരുക്ക് ഭേദമായി തിരിച്ചെത്തുന്ന കാര്യവും പരിനീതി ചോപ്ര അറിയിച്ചിരുന്നു. എന്തായാലും ഉടൻ സിനിമ ചിത്രീകരണം തുടങ്ങുമെന്നും വാര്ത്തകള് വന്നിരുന്നു. ഇനി കൊവിഡ് കാലമായതിനാല് എപ്പോഴാകും സിനിമ പ്രേക്ഷകരിലേക്ക് എത്തുക എന്നതാണ് ആരാധകര് ചോദിക്കുന്ന ചോദ്യം.