ഹൃദയാഘാതത്തെ തുടര്ന്നുള്ള ചികിത്സ കഴിഞ്ഞ് തിരിച്ചെത്തി, സംവിധായകൻ റെമോ ഡിസൂസയ്ക്ക് ഗംഭീര സ്വീകരണം
കൊറിയോഗ്രാഫറും സംവിധായകനുമായ റെമോ ഡിസൂസയ്ക്ക് അടുത്തിടെ ഹൃദയാഘാതമുണ്ടായിരുന്നു. മുംബൈ കൊകിലബെൻ ആശുപത്രിയിലായിരുന്നു പ്രവേശിപ്പിച്ചത്. റെമോയ്ക്ക് ഹൃദയാഘാതമുണ്ടായ വാര്ത്ത എല്ലാവരും ആശങ്കയോടെയാണ് കേട്ടത്. ഇപ്പോഴിതാ ചികിത്സ കഴിഞ്ഞ് റെമോ വീട്ടില് തിരിച്ചെത്തിയപ്പോള് എടുത്ത വീഡിയോ ആണ് ചര്ച്ചയാകുന്നത്. റെമോ തന്നെയാണ് വീഡിയോ ഷെയര് ചെയ്തത്. വലിയ സ്വീകരണമാണ് റെമോയ്ക്ക് വീട്ടില് ലഭിച്ചത്.
ഞാൻ തിരിച്ചെത്തിയെന്നാണ് റെമോ ഫോട്ടോകള് പങ്കുവെച്ച് എഴുതിയിരിക്കുന്നത്.
![article_image2](https://static-ai.asianetnews.com/images/01esy27k0wn60ky2e999d23q74/remo-disouzadeepeshbabut-png_300x190xt.jpg)
എല്ലാവരുടെയും സ്നേഹത്തിനും പ്രാര്ഥനയ്ക്കും നന്ദി. മക്കളുടെ സ്വീകരണത്തിനും മനോഹരമായ തിരിച്ചുവരവിനും നന്ദി, മറ്റ് സുഹൃത്തുക്കള്ക്കും നന്ദി എന്നും എഴുതിയിരിക്കുന്നു.
റെമോയുടെ വീഡിയോ ഓണ്ലൈനില് തരംഗമായിട്ടുണ്ട്.
ഹൃദയാഘാതത്തെ തുടര്ന്നായിരുന്നു റെമോയെ മുംബൈ കോകിലബെൻ ആശുപത്രിയില് പ്രവേശിപ്പിച്ചത്.
റെമോയ്ക്ക് മറ്റ് രോഗങ്ങളുണ്ടോ എന്ന കാര്യം വ്യക്തമല്ല.
റെമോയ്ക്ക് ആഞ്ചിയോഗ്രാഫി നടത്തിയിരുന്നു.
ചെറിയ ബ്ലോക്ക് ഉണ്ടായതായി കണ്ടെത്തിയിരുന്നു.
റെമോ ഡിസൂസ ആദ്യം നര്ത്തകനായാണ് കലാരംഗത്ത് ശ്രദ്ധേയനാകുന്നത്.
ചില സിനിമകളില് നടനായി അഭിനയിച്ച റെമോ ഡിസൂസ എ ഫ്ലൈയിംഗ് ജാട്ട്, സ്ട്രീറ്റ് ഡാൻസര് 3ഡി തുടങ്ങിയ സിനിമകള് സംവിധാനം ചെയ്തിട്ടുണ്ട്.