രക്തസമ്മർദ്ദം കുറയ്ക്കാൻ സഹായിക്കുന്ന ആറ് ഭക്ഷണങ്ങൾ
രക്തസമ്മർദ്ദം ഇന്ന് പലരേയും അലട്ടുന്ന പ്രശ്നമാണ്. നമ്മുടെ ദിനചര്യയില്, പ്രത്യേകിച്ച് ഭക്ഷണകാര്യത്തില് ചിലമാറ്റങ്ങള് വരുത്തിയാല് രക്തസമ്മർദ്ദം കൂടുന്നത് ഒരു പരിധിവരെ പിടിച്ചു നിര്ത്താന് സാധിക്കും. രക്തസമ്മര്ദ്ദം കുറയ്ക്കാന് സാഹായിക്കുന്ന ചില ഭക്ഷണങ്ങൾ ഏതൊക്കെയാണെന്ന് നോക്കാം...
ചീര : രക്തസമ്മർദ്ദം കുറയ്ക്കാൻ വളരെ നല്ലതാണ് ചീര. ഇന്ന് മിക്ക വീടുകളിലും ചീര കൃഷി ചെയ്യാറുമുണ്ട്. മഗ്നീഷ്യം, അയണ്, വിറ്റാമിന് സി എന്നിവ ചീരയിൽ ധാരാളം അടങ്ങിയിട്ടുണ്ട്. അതുകൊണ്ട് തന്നെ രക്തസമ്മര്ദ്ദം കുറയ്ക്കാന് ദിവസവും ചീര കഴിക്കുന്നത് ശീലമാക്കുക.
ഏത്തപ്പഴം: പൊട്ടാസ്യവും മറ്റ് പോഷകങ്ങളും കൂടുതലായി അടങ്ങിയ ഒന്നാണ് ഏത്തപ്പഴം . ഇത് ദിവസവും ഒരെണ്ണം വച്ച് കഴിച്ചാല് രക്തസമ്മര്ദ്ദം സാമാന്യം മികച്ച രീതിയില് തന്നെ നിയന്ത്രിക്കാനായി സാധിക്കും.
വെളുത്തുള്ളി: രക്തസമ്മർദ്ദം നിയന്ത്രിക്കാൻ വളരെ നല്ലതാണ് വെളുത്തുള്ളി. വെളുത്തുള്ളി രക്തയോട്ടം വർധിപ്പിക്കുന്നതിനും പ്രമേഹം അകറ്റുന്നതിനും സഹായിക്കുന്നു. ദിവസവും വെളുത്തുള്ളി വെറും വയറ്റിലോ അല്ലാതെയോ കഴിക്കാം.
പാല്: പാല് കൊഴുപ്പുണ്ടാക്കുന്ന ഒന്നാണ് എന്ന് പറയുമെങ്കിലും പാട നീക്കിയ പാല് ഏതു പ്രായക്കാര്ക്കും അനുയോജ്യമാണ്. പാലില് രക്തസമ്മര്ദ്ദം നല്ലതുപോലെ കുറയ്ക്കുന്ന കാത്സ്യം, വിറ്റാമിന് ഡി എന്നിവ അടങ്ങിയിട്ടുണ്ട്. അതിനാല് ദിവസവും രാത്രി കിടക്കും മുന്പായി പാല് കുടിക്കുന്നത് ശീലമാക്കുക. പാലിലെ കാത്സ്യം പല്ലിനും എല്ലുകൾക്ക് ബലം കിട്ടാൻ സഹായിക്കുമെന്ന് പഠനങ്ങൾ പറയുന്നു. ജേണൽ ഓഫ് ഹ്യൂമൻ ഹെെപ്പർ ടെൻഷനിൽ പ്രസിദ്ധീകരിച്ച പഠനത്തിലാണ് ഇക്കാര്യം പറയുന്നത്.
തക്കാളി: രക്തസമ്മര്ദ്ദം കുറയ്ക്കുന്ന ആന്റി-ഓക്സിഡന്റായ ലിക്കോപിന് തക്കാളിയില് ധാരാളമായി അടങ്ങിയിട്ടുണ്ട്. അതിനാല് ബി പിയുള്ളവര് തക്കാളി കഴിക്കുന്നതില് ഇനി യാതൊരുവിധ മടിയും കാണിക്കേണ്ട കാര്യമില്ല.