രാവിലെ വെറും വയറ്റില് ഇഞ്ചി ചായ കുടിക്കൂ; അറിയാം ഗുണങ്ങള്
ആന്റി ഓക്സിഡന്റ് ഗുണങ്ങള് അടങ്ങിയ ഇഞ്ചിയില് ജിഞ്ചറോൾ എന്ന സംയുക്തം അടങ്ങിയിട്ടുണ്ട്. വിറ്റാമിനുകളും മിനറലുകളും അടങ്ങിയ ഇഞ്ചി ചായ നിരവധി ആരോഗ്യ ഗുണങ്ങള് അടങ്ങിയതാണ്.
രാവിലെ വെറും വയറ്റില് ഇഞ്ചി ചായ കുടിക്കൂ; അറിയാം ഗുണങ്ങള്
രാവിലെ വെറും വയറ്റില് ഇഞ്ചി ചായ കുടിക്കുന്നത് കൊണ്ടുള്ള ഗുണങ്ങള് എന്തൊക്കെയാണെന്ന് നോക്കാം.
പ്രതിരോധശേഷി
ഇഞ്ചിക്ക് ആന്റി ഇൻഫ്ലമേറ്ററി, ആന്റി ഓക്സിഡന്റ് ഗുണങ്ങളുണ്ട്. ഇത് രോഗ പ്രതിരോധശേഷി ശക്തിപ്പെടുത്താൻ സഹായിക്കുന്നു. അതിനാല് പതിവായി രാവിലെ വെറും വയറ്റില് ഇഞ്ചി ചായ കുടിക്കുന്നത് പ്രതിരോധശേഷി കൂട്ടാന് സഹായിക്കും.
ദഹനം
ദഹനം മെച്ചപ്പെടുത്താനും ദഹനക്കേട് കാരണം ഉണ്ടാകുന്ന വയറുവേദന, ഓക്കാനം, ഛര്ദ്ദി, വയറിളക്കം, ക്ഷീണം, ഗ്യാസ്, മലബന്ധം എന്നിവ മാറാനുള്ള മികച്ച പ്രതിവിധിയാണ് ഇഞ്ചി ചായ.
സ്ട്രെസ് കുറയ്ക്കാന്
ഇഞ്ചി ചായ കുടിക്കുന്നത് സ്ട്രെസ് കുറയ്ക്കാനും സഹായിക്കും.
ബ്ലഡ് ഷുഗര് കുറയ്ക്കാന്
രക്തത്തിലെ ഗ്ലൂക്കോസിന്റെ അളവd കുറയ്ക്കാനും ഇവ സഹായിക്കും. അതിനാല് ഇഞ്ചി ചായ പതിവായി കുടിക്കുന്നത് പ്രമേഹമുള്ളവരിൽ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും.
ഹൃദയത്തിന്റെ ആരോഗ്യം
രക്തസമ്മർദ്ദം കുറയ്ക്കാനും കൊളസ്ട്രോളിന്റെ അളവ് മെച്ചപ്പെടുത്താനും ജിഞ്ചർ ടീ സഹായിക്കും. ഹൃദയത്തിന്റെ ആരോഗ്യത്തെയും ഇവ സംരക്ഷിക്കും.
വയറിലെ കൊഴുപ്പിനെ ഇല്ലാതാക്കാന്
ദിവസവും ഇഞ്ചി ചായ കുടിക്കുന്നത് വണ്ണം കുറയ്ക്കാനും സഹായിക്കും. ഇവ മെറ്റബോളിസം വർധിപ്പിക്കാനും കലോറി എരിച്ചുകളയാനും വയറിലെ കൊഴുപ്പിനെ ഇല്ലാതാക്കാനും സഹായിക്കും.
ശ്രദ്ധിക്കുക:
ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.