വിലകുറഞ്ഞ ഐഫോണ്‍ ഇന്ത്യയിലും ഇറങ്ങി; അത്ഭുതപ്പെടുത്തുന്ന വില

First Published May 15, 2020, 10:42 AM IST

ദില്ലി: ഐഫോണ്‍ എസ്ഇ 2020 ഇന്ത്യയില്‍ വില്‍പ്പനയ്‌ക്കൊരുങ്ങുന്നു. കഴിഞ്ഞ മാസം വിപണിയിലെത്തിയ ഏറ്റവും പുതിയ ഐഫോണ്‍ മോഡല്‍ മെയ് 20 മുതല്‍ ഫ്‌ലിപ്കാര്‍ട്ട് വഴി വില്‍പ്പനയ്‌ക്കെത്തും. ആഗോളതലത്തില്‍ വിപണിയില്‍ എത്തി ഒരാഴ്ച കഴിഞ്ഞാണ് ഐഫോണ്‍ എസ്ഇ 2020 യുഎസില്‍ വില്‍പ്പനയ്‌ക്കെത്തിയത്. ഇന്ത്യയില്‍, മൊബൈല്‍ ഫോണുകള്‍ അനിവാര്യമല്ലാത്ത ഇനങ്ങളുടെ കീഴിലാണ് വരുന്നത്, കോവിഡ് 19 വ്യാപനത്തിന്റെ തീവ്രതയുടെ അടിസ്ഥാനത്തില്‍ സമീപകാല സോണല്‍ വര്‍ഗ്ഗീകരണം വരെ ഇവ വിതരണം ചെയ്യുന്നത് നിരോധിച്ചിരുന്നു.