ഇടയ്ക്കിടെ തലവേദന വരാറുണ്ടോ? കാരണങ്ങൾ ഇതാവാം; ശ്രദ്ധിക്കേണ്ടത്
ദിനചര്യയിലെ ചെറിയ ശ്രദ്ധക്കുറവുകളാണ് പലപ്പോഴും തലവേദനകൾക്ക് കാരണമാകുന്നത്. അതിനുള്ള പ്രധാന കാരണങ്ങൾ എന്തൊക്കെയാണെന്ന് അറിയാം.
കൃത്യസമയത്ത് ഭക്ഷണം കഴിക്കാതിരിക്കുന്നത്
നീണ്ട സമയം ഭക്ഷണം കഴിക്കാതിരിക്കുമ്പോൾ രക്തത്തിലെ ഗ്ലൂക്കോസിന്റെ അളവ് കുറയുകയും ഇത് തലവേദനയായി അനുഭവപ്പെടുകയും ചെയ്യും.
ശരീരത്തിലെ വെള്ളത്തിന്റെ കുറവ്
ദാഹം അനുഭവപ്പെട്ടില്ലെങ്കിൽ പോലും ശരീരത്തിൽ വെള്ളത്തിന്റെ അളവ് കുറയുന്നത് മണിക്കൂറുകൾക്ക് ശേഷം തലവേദനയ്ക്ക് കാരണമാകും.
കൃത്യമല്ലാത്ത ഉറക്കക്രമം
കൃത്യസമയത്ത് ഉറങ്ങാതിരിക്കുന്നതും വാരാന്ത്യങ്ങളിൽ ഉറക്കത്തിന്റെ സമയം മാറുന്നതും തലച്ചോറിന്റെ പ്രവർത്തനത്തെ ബാധിക്കുകയും തലവേദനയ്ക്ക് വഴിവെക്കുകയും ചെയ്യും.
തെറ്റായ ഇരിപ്പും സ്ക്രീൻ ഉപയോഗവും
കഴുത്ത് മുന്നോട്ട് ആഞ്ഞിരുന്ന് ജോലി ചെയ്യുന്നത് തലയോട്ടിയിലെ പേശികൾക്ക് വലിയ സമ്മർദ്ദമുണ്ടാക്കുന്നു. കൂടാതെ മണിക്കൂറുകളോളം മൊബൈലിലോ കമ്പ്യൂട്ടറിലോ നോക്കിയിരിക്കുന്നതും കണ്ണിന്റെ ആയാസവും തലവേദന കൂട്ടുന്നു.
തുടർച്ചയായ മാനസിക സമ്മർദ്ദം
വിട്ടുമാറാത്ത മാനസിക സമ്മർദ്ദം മൂലം താടിയെല്ലുകളും തോളുകളും അറിയാതെ മുറുകുകയും, തലയോട്ടിയിലെ പേശികൾക്ക് ആയാസമുണ്ടാകുകയും ചെയ്യുന്നത് തലവേദനയിലേക്ക് നയിക്കും.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
