കുട്ടികളിലെ ക്യാൻസർ : മാതാപിതാക്കൾ അവഗണിക്കാൻ പാടില്ലാത്ത ഏഴ് ലക്ഷണങ്ങൾ
ഫെബ്രുവരി 15 അന്താരാഷ്ട്ര ബാല്യകാല ക്യാൻസർ ദിനമായി ആചരിക്കുന്നു. കുട്ടികളിലെ ക്യാൻസറിന്റെ ലക്ഷണങ്ങൾ മാതാപിതാക്കൾ നേരത്തെ അറിഞ്ഞിരിക്കേണ്ടത് പ്രധാനമാണ്. International Childhood Cancer 2026
കുട്ടികളിലെ ക്യാൻസർ : മാതാപിതാക്കൾ അവഗണിക്കാൻ പാടില്ലാത്ത ഏഴ് ലക്ഷണങ്ങൾ
ഫെബ്രുവരി 15 അന്താരാഷ്ട്ര ബാല്യകാല ക്യാൻസർ ദിനമായി ആചരിക്കുന്നു. കുട്ടികളിലെ ക്യാൻസറിന്റെ ലക്ഷണങ്ങൾ മാതാപിതാക്കൾ നേരത്തെ അറിഞ്ഞിരിക്കേണ്ടത് പ്രധാനമാണ്. ചൈൽഡ്ഹുഡ് ക്യാൻസർ എന്നത് 18 വയസ്സിന് താഴെയുള്ള കുട്ടികളിൽ ഉണ്ടാകുന്ന അർബുദമാണ്.
ഇന്ത്യയിൽ, ഓരോ വർഷവും കുട്ടികളിൽ ഏകദേശം 50,000-75,000 പുതിയ ക്യാൻസറുകൾ കണ്ടെത്തുന്നു
മുതിർന്നവരുടെ ക്യാൻസറുകളെ അപേക്ഷിച്ച് കുട്ടിക്കാലത്തെ ക്യാൻസർ അപൂർവ്വമായി തുടരുമ്പോൾ, എണ്ണം ക്രമാനുഗതമായി വളരുകയാണ്. ലോകമെമ്പാടുമുള്ള മൊത്തം ക്യാൻസറുകളുടെ 1-3% മാത്രമേ 15 വയസ്സിന് താഴെയുള്ള കുട്ടികളിൽ കണ്ടെത്തുന്നുള്ളൂ. ഇന്ത്യയിൽ, ഓരോ വർഷവും കുട്ടികളിൽ ഏകദേശം 50,000-75,000 പുതിയ ക്യാൻസറുകൾ കണ്ടെത്തുന്നു.
കുട്ടികളിൽ ഏറ്റവും കൂടുതൽ കാണപ്പെടുന്ന ക്യാൻസർ രക്താർബുദമാണ്
കുട്ടികളില് ഏറ്റവും സാധാരണമായി കണ്ടുവരുന്ന ക്യാൻസറുകളാണ് രക്താർബുദം, മസ്തിഷ്ക അർബുദം, ലിംഫോമകൾ, ന്യൂറോബ്ലാസ്റ്റോമ, വില്ംസ് ട്യൂമർ, ബോണ് ട്യൂമര് തുടങ്ങിയവ. കുട്ടികളിൽ ഏറ്റവും കൂടുതൽ കാണപ്പെടുന്ന ക്യാൻസർ രക്താർബുദമാണ് (30-35%), അക്യൂട്ട് ലിംഫോബ്ലാസ്റ്റിക് രക്താർബുദം (ALL) ആണ് ഏറ്റവും സാധാരണമായത്. കുട്ടികളിലെ 20-25% കാൻസറുകളും തലച്ചോറിലെയും കേന്ദ്ര നാഡീവ്യൂഹത്തിലെയും മുഴകളാണ്.
ഹോഡ്ജ്കിൻസ്, നോൺ-ഹോഡ്ജ്കിൻസ് ലിംഫോമ എന്നിവയുൾപ്പെടെയുള്ള ലിംഫോമകളും (10-15%) ഈ ബാല്യകാല ക്യാൻസറുകളിൽ ഉൾപ്പെടുന്നു
ഹോഡ്ജ്കിൻസ്, നോൺ-ഹോഡ്ജ്കിൻസ് ലിംഫോമ എന്നിവയുൾപ്പെടെയുള്ള ലിംഫോമകളും (10-15%) ഈ ബാല്യകാല ക്യാൻസറുകളിൽ ഉൾപ്പെടുന്നു. ന്യൂറോബ്ലാസ്റ്റോമ, വിൽംസ് സാർക്കോമ, റെറ്റിനോബ്ലാസ്റ്റോമ, ഓസ്റ്റിയോസാർക്കോമ, എവിംഗ്സ് സാർക്കോമ എന്നിവയാണ് മറ്റ് തരത്തിലുള്ള ബാല്യകാല സോളിഡ് ട്യൂമറുകൾ.
കുട്ടിയുടെ ശരീരഭാരം പെട്ടെന്ന് കുറയുക. അകാരണമായി വണ്ണം കുറയുന്നത് ക്യാൻസറിന്റെ ലക്ഷണമാകാം.
കുട്ടിയുടെ ശരീരഭാരം പെട്ടെന്ന് കുറയുക. അകാരണമായി വണ്ണം കുറയുന്നത് ക്യാൻസറിന്റെ ലക്ഷണമാകാം. ശരീരഭാരം കുറയുന്നത് തുടർച്ചയായി സംഭവിക്കുകയാണെങ്കിൽ കൂടുതൽ ജാഗ്രത പാലിക്കണം. കുട്ടിക്ക് സന്ധികളിലും കാലുകളിലും വീക്കമോ കഠിനമായ വേദനയോ, എല്ലുകള്ക്ക് വേദനയോ അനുഭവപ്പെടുന്നുണ്ടെങ്കിൽ ഉടൻ തന്നെ ഡോക്ടറെ കാണിക്കുക. കുട്ടികളില് എപ്പോഴും അമിത ക്ഷീണവും തളര്ച്ചയും അനുഭവപ്പെടുന്നുണ്ടെങ്കില് അതും നിസാരമായി കാണരുത്.
വയറിലെ വീക്കം, കഴുത്തിലെ വീക്കം, നീര്, തടിപ്പ് തുടങ്ങിയവയും ക്യാൻസറിന്റെ ലക്ഷണമാണ്.
വയറിലെ വീക്കം, കഴുത്തിലെ വീക്കം, നീര്, തടിപ്പ് തുടങ്ങിയവയും ക്യാൻസറിന്റെ ലക്ഷണമാണ്. തുടർച്ചയായ പനി, ഇടയ്ക്കിടെയുള്ള അണുബാധ, രാത്രിയിൽ അമിതമായി വിയർക്കുക, രാവിലെ എഴുന്നേൽക്കുമ്പോൾ ഉണ്ടാകുന്ന ഛർദ്ദി എന്നിവയും ശ്രദ്ധിക്കേണ്ടതാണ്.
കുട്ടിയ്ക്ക് എപ്പോഴും തലവേദന അനുഭവപ്പെടുന്നുണ്ടെങ്കിലും ജാഗ്രത പാലിക്കണം
കുട്ടിയ്ക്ക് എപ്പോഴും തലവേദന അനുഭവപ്പെടുന്നുണ്ടെങ്കിലും ജാഗ്രത പാലിക്കണം. ബ്രെയിൻ ട്യൂമർ ഉള്ള പല കുട്ടികളും രോഗനിർണയത്തിന് മുമ്പ് തലവേദന അനുഭവപ്പെടുന്നതായി ആരോഗ്യ വിദഗ്ധർ പറയുന്നു.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
