ആർത്തവവിരാമ സമയത്തെ ആരോഗ്യപ്രശ്നങ്ങൾ തടയാൻ നിർബന്ധമായും ചെയ്യേണ്ട 5 കാര്യങ്ങൾ
സ്ത്രീക്ക് ആർത്തവവിരാമം ഉണ്ടാകുന്ന സമയത്ത് ശാരീരികമായും മാനസികമായും പലതരം ബുദ്ധിമുട്ടുകൾ നേരിടേണ്ടി വരുന്നു. എന്നാൽ ജീവിതശൈലിയിൽ വരുത്തുന്ന ചില മാറ്റങ്ങൾ ആരോഗ്യത്തെ മെച്ചപ്പെടുത്തും. അവ എന്തൊക്കെയാണെന്ന് അറിയാം.
ഭക്ഷണക്രമീകരണം
കാൽസ്യം, മഗ്നീഷ്യം, ഒമേഗ 3 എന്നിവയടങ്ങിയ ഭക്ഷണങ്ങൾ ധാരാളം കഴിക്കാം. അതേസമയം അമിതമായി പഞ്ചസാര, കഫീൻ അടങ്ങിയ ഭക്ഷണങ്ങൾ ഒഴിവാക്കണം.
നല്ല ഉറക്കം
ഒരേ സമയം ഉറങ്ങാനും എഴുന്നേൽക്കാനും ശ്രദ്ധിക്കാം. കുറഞ്ഞത് 7 മണിക്കൂർ എങ്കിലും നല്ല ഉറക്കം ലഭിക്കേണ്ടതുണ്ട്. ഉറങ്ങുന്നതിന് ഒരുമണിക്കൂർ മുമ്പെങ്കിലും ഭക്ഷണം കഴിക്കേണ്ടതുണ്ട്.
വെള്ളം കുടിക്കണം
എപ്പോഴും ശരീരം ഹൈഡ്രേറ്റായിരിക്കാൻ ശ്രദ്ധിക്കണം. മദ്യപാനം, പുകവലി എന്നിവ പൂർണമായും ഒഴിവാക്കാം.
വ്യായാമങ്ങൾ ചെയ്യാം
ദിവസവും കുറഞ്ഞത് അരമണിക്കൂർ എങ്കിലും നടക്കണം. ഇത് ശരീരഭാരം നിയന്ത്രിക്കാനും മാനസിക സമ്മർദ്ദം കുറയ്ക്കാനും സഹായിക്കുന്നു.
ഡോക്ടറെ സമീപിക്കാം
ആർത്തവവിരാമ ശേഷം ഇടയ്ക്കിടെ ഡോക്ടറെകണ്ട് ആരോഗ്യസ്ഥിതി വിലയിരുത്തേണ്ടതുണ്ട്. ഇത് എപ്പോഴും ആരോഗ്യത്തോടെയിരിക്കാൻ നിങ്ങളെ സഹായിക്കുന്നു.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
