ഈ ലക്ഷണങ്ങൾ അലട്ടുന്നുണ്ടോ? എങ്കിൽ, അസ്ഥിയിലെ ക്യാൻസറാകാം!
എല്ലുകളിലെ അര്ബുദം അഥവാ അസ്ഥിയെ ബാധിക്കുന്ന ക്യാന്സര് എന്നത് താരതമ്യേന അപൂർവമാണെങ്കിലും, മനുഷ്യ ശരീരത്തിലെ 206 അസ്ഥികളിൽ ഏതെങ്കിലുമൊന്നിനെ ബാധിക്കുന്ന ഗുരുതരമായ അവസ്ഥയാണ്. എല്ലുകള്ക്കുള്ളിലെ കോശങ്ങള് അനിയന്ത്രിതമായി വളരുന്ന അവസ്ഥയാണിത്.
ഈ ലക്ഷണങ്ങൾ അലട്ടുന്നുണ്ടോ? എങ്കിൽ, അസ്ഥിയിലെ ക്യാൻസറാകാം!
അസ്ഥികളിലെ ക്യാൻസറിന്റെ മുന്നറിയിപ്പ് ലക്ഷണങ്ങൾ എന്തൊക്കെയാണ്?
മുഴ
ശരീരത്തിലെവിടെയെങ്കിലും എല്ലിലോ മാംസത്തിലോ മുഴയോ വീക്കമോ കാണുന്നത് എല്ലുകളിലെ അര്ബുദത്തിന്റെ ആദ്യ ലക്ഷണമാണ്.
സ്ഥിരമായ അസ്ഥി വേദന
ട്യൂമർ സ്ഥിതി ചെയ്യുന്ന അസ്ഥിയിലെ വിട്ടുമാറാത്ത വേദനയാണ് എല്ലുകളിലെ ക്യാന്സറിന്റെ മറ്റൊരു പ്രധാന ലക്ഷണം. ഈ വേദന രാത്രിയില് കഠിനമാവുകയും ഉറക്കത്തെ ബാധിക്കുകയും ചെയ്യും.
പൊട്ടലും ഒടുവും
എളുപ്പത്തിൽ എല്ലുകൾ പൊട്ടുന്നത് അസ്ഥി ക്യാൻസറിന്റെ ഒരു ലക്ഷണമാണ്. ചെറിയ വീഴ്ചയിലോ സാധാരണ ജോലികൾ ചെയ്യുമ്പോഴോ എല്ല് പൊട്ടുന്നത് ശ്രദ്ധിക്കണം.
പരിമിതമായ ചലനം
പരിമിതമായ ചലനം, കാലുയര്ത്തി വയ്ക്കുമ്പോൾ വര്ധിക്കുന്ന വേദന, സ്വാഭാവിക ചലനങ്ങളെ പോലും ബാധിക്കുന്ന തരത്തില് സന്ധികള്ക്കുണ്ടാകുന്ന പിരിമുറുക്കം തുടങ്ങിയവയൊക്കെ എല്ലുകളിലെ അര്ബുദത്തിന്റെ സൂചനകളാകാം.
മരവിപ്പ്
അസ്ഥികളിൽ ക്യാൻസർ ബാധിച്ചാൽ, മുഴയുള്ള ഭാഗത്ത് മരവിപ്പോ തരിപ്പോ അനുഭവപ്പെടാം. പ്രത്യേകിച്ച് ആ ഭാഗത്ത് സ്പർശിക്കുമ്പോൾ ഇത് കൂടുതലായി അനുഭവപ്പെടാം.
ശരീരഭാരം കുറയുക
കാരണമില്ലാതെ ശരീരഭാരം കുറയുന്നതും, എപ്പോഴും ക്ഷീണം അനുഭവപ്പെടുന്നതും ലക്ഷണമാണ്. പനിയും രാത്രിയിൽ വിയർക്കുന്നതും ഇതുമൂലം ഉണ്ടാകാം.
ശ്രദ്ധിക്കുക:
മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam