കൊവിഡ് 19 ; ദില്ലിയുടെ നിശബ്ദ പോരാട്ടം

First Published Apr 16, 2020, 9:28 AM IST

മാര്‍ച്ച് 25 ന് ഇന്ത്യ കൊറോണാ വൈറസിനെതിരെയുള്ള പോരാട്ടത്തിനായി ലോക്ക് ഡൗണിലേക്ക് നീങ്ങി. നീണ്ട ലോക്ക് ഡൗണിന്‍റെ ആദ്യ ദിനങ്ങളില്‍ തന്നെ ദില്ലിയില്‍ നിന്ന് 200 ഉം 300 ഉം കിലോമീറ്റര്‍ അകലെ അയല്‍ സംസ്ഥാനങ്ങളിലെ തങ്ങളുടെ വീടുകളിലേക്ക് ഇതരസംസ്ഥാന തൊഴിലാളികള്‍ നടക്കാന്‍ ആരംഭിച്ചത്, ലോക്ക്ഡൗണിന്‍റെ ഉദ്ദേശശുദ്ധിയെ ബാധിക്കുമോയെന്ന ഭയം ജനിപ്പിച്ചു.  തൊഴിലാളികളുടെ ലോങ്മാര്‍ച്ചിന്‍റെ ആരംഭത്തില്‍ തന്നെ താമസിക്കുന്നത് എവിടെയാണോ അവിടെത്തന്നെ തുടരാനും വീട്ടുവാടക സർക്കാർ തരാമെന്നും ദില്ലിയിലെ അതിഥി തൊഴിലാളികളോട് മുഖ്യമന്ത്രി അരവിന്ദ് കെജ്‍രിവാൾ പറ‌ഞ്ഞു. എന്നാല്‍ അതിനകം ആയിരക്കണക്കിന് പേര്‍ ദില്ലിയില്‍ നിന്നും വിട്ടിരുന്നു. ഇവര്‍ക്കായി സര്‍ക്കാര്‍, പിന്നീട് ബസുകള്‍ ഏര്‍പ്പെടുത്തി. എന്നാല്‍ ദില്ലിയിന്ന് ശാന്തമാണ്. ചിത്രങ്ങള്‍: ഏഷ്യാനെറ്റ് ക്യാമറാമാന്‍ ദീപു എം നായര്‍.