ഭൂമിയിലെ സ്വര്‍ഗ്ഗത്തില്‍ ഇത് മഞ്ഞ് കാലം
കശ്മീര്‍ താഴ്വരെയില്‍ എത്തിചേര്‍ന്ന പുറത്ത് നിന്നുള്ളവരെല്ലാം ഏക സ്വരത്തില്‍ പറയും, ' ഭൂമിയിലൊരു സ്വര്‍ഗമുണ്ടെങ്കില്‍ അത്, ഇതാണ് ഇതാണ് ഇതാണ്' എന്ന്. അതേ അത്രയും മനോഹരിയാണ്, കശ്മീര്‍. ഡിസംബറില്‍ പ്രത്യേകിച്ചും. രാഷ്ട്രീയമായി പതിറ്റാണ്ടുകളായി ഏറെ പ്രശ്നബാധിതമാണ് കശ്മീര്‍. എന്നാല്‍ കാലം, മനുഷ്യന്‍റെ അനുവാദത്തിന് കാത്തുനില്‍ക്കാറില്ല. ഋതുക്കള്‍ അവയുടെ കാലത്ത് വന്നുപോയിക്കൊണ്ടേയിരിക്കും. വസന്തം , ഗ്രീഷ്മം , ശരത്കാലം, ഹേമന്തകാലം... കാലങ്ങളങ്ങനെ ആരെയും കാത്ത് നില്‍ക്കാതെ വന്ന് പോയിക്കൊണ്ടിരിക്കും. ഒരു രാഷ്ട്രീയ / മത പ്രത്യയശാസ്ത്രത്തിനും അതിനെ തടുക്കാനാകില്ല. എന്നാല്‍ ഇന്ന് പതിവിനേക്കാള്‍ കശ്മീരിലെ മഞ്ഞിന് കാവലുണ്ട്. ആര്‍ട്ടിക്കിള്‍ 370 എടുത്ത് കളഞ്ഞതിനെ തുടര്‍ന്ന് കശ്മീര്‍ മുന്‍പത്തേക്കാളും സൈനീകവത്ക്കരിക്കപ്പെട്ടു. എങ്കിലും മഞ്ഞിന് കശ്മീരിനെ പുണരാതാകില്ലല്ലോ... ഇത്തവണ കനത്ത മഞ്ഞ് വീഴ്ചയാണ് കശ്മീരില്‍. കാണാം കശ്മീരിലെ മഞ്ഞ് കാലം.
