ഉപയോഗിച്ചില്ലെങ്കിൽ നഷ്‌ടം നിങ്ങള്‍ക്കുതന്നെ; ഈ 5 ഭരണഘടന അവകാശങ്ങളെ കുറിച്ച് അറിഞ്ഞിരിക്കുക

ഇന്ത്യക്കാർ പലപ്പോഴും അവഗണിക്കുന്ന 5 ഭരണഘടനാപരമായ അവകാശങ്ങളെക്കുറിച്ച് നിങ്ങളറിയുക. വിവരാവകാശം, അറസ്റ്റിൽ നിന്നുള്ള സംരക്ഷണം, കോടതിയെ സമീപിക്കാനുള്ള അവകാശം, സമത്വം തുടങ്ങിയ അവകാശങ്ങൾ ഉപയോഗിക്കാത്തത് പൗരന്മാർക്ക് വലിയ നഷ്‌ടങ്ങളുണ്ടാക്കുന്നുണ്ട്.

Image Credit : Getty

ഇന്ത്യക്കാർ എന്തിന് അവരുടെ അവകാശങ്ങൾ ഉപയോഗിക്കാൻ മടിക്കുന്നു?

1950-ൽ ഇന്ത്യന്‍ ഭരണഘടന നിലവിൽ വന്നെങ്കിലും കോടിക്കണക്കിന് ആളുകൾ നിയമ, സാമ്പത്തിക, സാമൂഹിക തലങ്ങളിലെ നഷ്‌ടം സഹിച്ച് ഇന്നും തങ്ങളുടെ അവകാശങ്ങൾ ഉപയോഗിക്കുന്നില്ല എന്നതാണ് യാഥാര്‍ഥ്യം. ഇന്ത്യക്കാർ പലപ്പോഴും അവഗണിക്കുന്ന അഞ്ച് ഭരണഘടനാപരമായ അവകാശങ്ങളെക്കുറിച്ച് അറിയാം. 

Image Credit : Getty

1. വിവരാവകാശം

സർക്കാർ സ്ഥാപനങ്ങളിൽ നിന്ന് വിവരം നേടാൻ സഹായിക്കുന്ന ശക്തമായ നിയമമാണ് വിവരാവകാശ നിയമം. നടപടിക്രമങ്ങളെക്കുറിച്ചുള്ള അറിവില്ലായ്മയും ഉദ്യോഗസ്ഥരോടുള്ള ഭയവും കാരണം ഇന്ത്യക്കാര്‍ പലരും ഈ നിയമം ഉപയോഗിക്കുന്നില്ല.

Image Credit : chatgpt

2. ഭരണഘടനാപരമായ പരിഹാരങ്ങൾക്കുള്ള അവകാശം

മൗലികാവകാശങ്ങൾ ലംഘിക്കപ്പെട്ടാൽ സുപ്രീം കോടതിയെയോ ഹൈക്കോടതിയെയോ സമീപിക്കാം. എന്നാൽ നിയമനടപടികളിലെ കാലതാമസവും ചെലവും കാരണം പലരും ഇതിന് മടിക്കുന്നു. 

Image Credit : our own

3. അന്യായമായ അറസ്റ്റിനെതിരായ അവകാശം

അറസ്റ്റിൻ്റെ കാരണം അറിയാനും, അഭിഭാഷകനെ കാണാനും, 24 മണിക്കൂറിനകം മജിസ്‌ട്രേറ്റിന് മുന്നിൽ ഹാജരാക്കാനുമുള്ള അവകാശം എല്ലാ ഇന്ത്യക്കാര്‍ക്കുമുണ്ട്. എന്നാൽ ഭയവും അറിവില്ലായ്‌മയും കാരണം നമ്മളില്‍ പലരും ഈ അവകാശം ഉപയോഗിക്കുന്നില്ല.

Image Credit : Asianet News

4. നിയമത്തിന് മുന്നിലുള്ള സമത്വം

ഭരണഘടനയുടെ ആർട്ടിക്കിൾ 14 പ്രകാരം നിയമത്തിന് മുന്നിൽ എല്ലാവരും തുല്യരാണ്. നിയമം നടപ്പിലാക്കുന്നവരില്‍ നിന്ന് അസമത്വം നേരിട്ടാല്‍ എല്ലാ പൗരന്‍മാര്‍ക്കും കോടതി മുഖേന അക്കാര്യം ചോദ്യം ചെയ്യാവുന്നതാണ്. 

Image Credit : our own

5. സമാധാനപരമായി പ്രതിഷേധിക്കാനുള്ള അവകാശം

സമാധാനപരമായി പ്രതിഷേധിക്കാൻ ഭരണഘടന അവകാശം നൽകുന്നുണ്ട്. എന്നാൽ പൊലീസ് നടപടിയെക്കുറിച്ചുള്ള ഭയവും നിയമപരമായ അറിവില്ലായ്മയും കാരണം പലരും ഇതിൽ നിന്ന് പിന്മാറുന്നു.