ഈ ട്രെയിനിൽ ടിക്കറ്റിന് വില ലക്ഷങ്ങൾ! വിദേശത്തല്ല, ഇന്ത്യയിൽ! സവിശേഷതകൾ അറിയാം
സാധാരണ എസി ട്രെയിൻ ടിക്കറ്റിന് ആയിരങ്ങളാണ് വില. എന്നാൽ ഒരു ടിക്കറ്റിന് 9 ലക്ഷം രൂപയാണെങ്കിലോ? അതും വിദേശത്തല്ല, ഇന്ത്യയിലാണെന്ന് പറഞ്ഞാൽ വിശ്വസിക്കുമോ? സംഗതി സത്യമാണ്. ഇന്ത്യയിലെ ഏറ്റവും ആഡംബര ട്രെയിനായ ഡെക്കാൻ ഒഡീസിയുടെ വിശേഷങ്ങളറിയാം.
ലക്ഷ്വറി ട്രെയിൻ യാത്ര
ട്രെയിനിലെ കോച്ചുകളും മുറികളും
ഡെക്കാൻ ഒഡീസിയിൽ ആകെ മനോഹരമായി അലങ്കരിച്ച 12 കോച്ചുകളാണുള്ളത്. ഓരോ കോച്ചും ഡെക്കാൻ മേഖലയുടെ ചരിത്രം വിളിച്ചോതുന്ന രീതിയിലാണ് രൂപകൽപ്പന ചെയ്തിരിക്കുന്നത്. ഡീലക്സ് ക്യാബിനുകൾ, പ്രസിഡൻഷ്യൽ സ്യൂട്ടുകൾ എന്നിങ്ങനെ രണ്ടുതരം മുറികളുണ്ട്. ഓരോ കോച്ചിലും 4 ഡീലക്സ് മുറികളോ 2 പ്രസിഡൻഷ്യൽ സ്യൂട്ടുകളോ മാത്രമാണുള്ളത്. അതിനാൽ യാത്രക്കാർക്ക് കൂടുതൽ സ്വകാര്യതയും ശാന്തതയും ലഭിക്കും. വലിയ കിടക്ക, അറ്റാച്ച്ഡ് ബാത്ത്റൂം, എയർ കണ്ടീഷനിംഗ്, ടെലിഫോൺ, 24 മണിക്കൂറും സേവനത്തിനായി ഒരു പേഴ്സണൽ അറ്റൻഡൻ്റ് എന്നിവയെല്ലാം ഒരു കൊട്ടാരത്തിലെന്ന പോലെയുള്ള അനുഭവം നൽകുന്നു.
ട്രെയിനിലെ 5-സ്റ്റാർ സൗകര്യങ്ങൾ
ഡെക്കാൻ ഒഡീസിയിൽ ആഡംബര മുറികൾക്ക് പുറമെ മറ്റ് നിരവധി പ്രത്യേക സൗകര്യങ്ങളുമുണ്ട്. യാത്രക്കാർക്ക് വിശ്രമിക്കാനായി ഒരു സിറ്റിംഗ് ലോഞ്ച്, ഹൈടെക് കോൺഫറൻസ് കോച്ച്, ഹെൽത്ത് സ്പാ എന്നിവ ഇതിൽ ഉൾപ്പെടുന്നു. പേശ്വാ I, പേശ്വാ II എന്നിങ്ങനെ രണ്ട് റെസ്റ്റോറൻ്റുകളും ട്രെയിനിലുണ്ട്. ഈ റെസ്റ്റോറൻ്റുകളിൽ ഇന്ത്യൻ, ഓറിയൻ്റൽ, കോണ്ടിനെൻ്റൽ വിഭവങ്ങൾ വിളമ്പുന്നു. രുചിയിൽ മാത്രമല്ല, അതിഥി സൽക്കാരത്തിലും ഇവർ മുന്നിലാണ്.
യാത്രാ ചെലവ്
ജൂവൽസ് ഓഫ് ദി ഡെക്കാൻ
ഡെക്കാൻ ഒഡീസി പല റൂട്ടുകളിൽ സർവീസ് നടത്തുന്നുണ്ട്. അതിൽ പ്രധാനപ്പെട്ട രണ്ടെണ്ണമാണുള്ളത്.
ജൂവൽസ് ഓഫ് ദി ഡെക്കാൻ: മുംബൈയിൽ നിന്ന് ആരംഭിച്ച് ബീജാപ്പൂർ, ഐഹോളെ, പട്ടടക്കൽ, ഹംപി, ഹൈദരാബാദ് തുടങ്ങിയ ചരിത്ര നഗരങ്ങളിലൂടെ ഈ യാത്ര കടന്നുപോകുന്നു. തുടർന്ന് ഔറംഗാബാദിലെ അജന്ത, എല്ലോറ ഗുഹകളും സന്ദർശിക്കാം.
റൂട്ട്: മുംബൈ–ബീജാപ്പൂർ–ഐഹോളെ–പട്ടടക്കൽ–ഹംപി–ഹൈദരാബാദ്–എല്ലോറ–അജന്ത–മുംബൈ
യാത്രാ ദൈർഘ്യം: 7 രാത്രി / 8 പകൽ
നിരക്ക്: ഏകദേശം 3,96,805 രൂപ മുതൽ.
ഇന്ത്യൻ ഒഡീസി
ഇന്ത്യൻ ഒഡീസി: ന്യൂഡൽഹിയിൽ നിന്ന് തുടങ്ങി സവായ് മധോപൂർ, ആഗ്ര, ജയ്പൂർ, ഉദയ്പൂർ, വഡോദര, ഔറംഗാബാദ് വഴി മുംബൈയിൽ എത്തുന്നതാണ് ഈ യാത്ര. ഈ യാത്രയിൽ രൺഥംഭോർ നാഷണൽ പാർക്ക്, താജ് മഹൽ, ചമ്പാനേർ-പാവഗഢ് ആർക്കിയോളജിക്കൽ പാർക്ക്, എല്ലോറ ഗുഹകൾ തുടങ്ങിയ സ്ഥലങ്ങൾ സന്ദർശിക്കാം.
റൂട്ട്: ന്യൂഡൽഹി–സവായ് മധോപൂർ–ആഗ്ര–ജയ്പൂർ–ഉദയ്പൂർ–വഡോദര–എല്ലോറ–മുംബൈ
യാത്രാ ദൈർഘ്യം: 7 രാത്രി / 8 പകൽ
നിരക്ക്: ഏകദേശം 3,96,805 രൂപ മുതൽ.
