കടമെടുത്ത പലിശ മേല്‍ക്കുമേലെ കൂടിയപ്പോള്‍ തിരുവനന്തപുരം കഠിനംകുളത്ത് പടിഞ്ഞാറ്റ്മുക്കില്‍ മൂന്നംഗ കുടുംബം ആത്മഹത്യ ചെയ്തു. കുടുംബനാഥനായ രമേശന്‍ കഴിഞ്ഞ ദിവസമാണ് ഗള്‍ഫില്‍ നിന്നും മടങ്ങിയെത്തിയത്. അതിന് പിന്നാലെയായിരുന്നു കൂട്ട ആത്മഹത്യ. വിവിധ ആവശ്യങ്ങള്‍ക്കായി രമേശന്‍ പലരില്‍ നിന്നായി പലിശക്ക് പണം കടം വാങ്ങിയിരുന്നു. തുടര്‍ന്ന് പലിശ പെരുകി ലക്ഷങ്ങളായി. കടത്തില്‍ നിന്നും രക്ഷപ്പെടാന്‍ വീട് വില്‍ക്കാന്‍ ശ്രമിച്ചെങ്കിലും നടന്നില്ല. ലോണെടുത്ത് കടം വീട്ടാനുള്ള ശ്രമവും പരാജയപ്പെട്ടു. 25 വര്‍ഷം മുതലുള്ള കടബാധ്യതയാണ് രമേശനുള്ളതെന്നാണ് വിവരം. ഒടുവില്‍ കുടുംബമൊന്നാകെ ആത്മഹത്യയുടെ വഴി തേടുകയായിരുന്നു. കഠിനംകുളത്ത് നിന്നും ചിത്രങ്ങള്‍ പകര്‍ത്തിയത് വിഷ്ണു. എസ്.