മറ്റ് ഫോട്ടോകൾ

കുട്ടിക്കാലം മുതലുള്ള പ്രണയമായിരുന്നു അവളുടെത്. കഥകളിലൂടെ കേട്ടറിഞ്ഞ, നാടുവാണ മഹാനായ ഇന്ദ്രസേനന്‍. അദ്ദേഹത്തിന്‍റെ കാലത്ത് നാട്ടിലെന്നും ഓണമായിരുന്നെങ്കില്‍ ഇന്ന് വര്‍ഷത്തിലൊരിക്കല്‍ അദ്ദേഹം നാടുകാണാനെത്തുന്ന ദിവസം മാത്രമാണ് ഓണം. ചക്രവര്‍ത്തിയോടുള്ള ആരാധന പതുക്കെ പ്രണയമായി മാറി. ആ പ്രണയസങ്കല്‍പത്തെ ക്യാമറയിലാക്കിയിരിക്കുന്നത് ഫോട്ടോഗ്രാഫര്‍ ജിബി ഫുള്‍ഫ്രൈം. ജിബിയുടെത് തന്നെയാണ് കഥാതന്തുവും. ഹരികൃഷ്ണയും ഗൌരിയും മഹാബലിയായും അദ്ദേഹത്തിന്‍റെ കാമുകിയായും വേഷമിട്ടു. സുരേഷ് കൃഷ്ണയാണ് മേക്കപ്പ്, വീഡിയോ അഭിജിത്ത് സ്നാപ്സ്റ്റോര്‍, കട്ട്സ് റോബിന്‍ കരിയില്‍, ആര്‍ട്ട് ബിബിന്‍ വി എബ്രഹാം, റോബിന്‍ കലയില്‍. സമൂഹമാധ്യമങ്ങില്‍ തരംഗമായിരിക്കുകയാണ് ഇന്ദ്രസേന്‍റെ പ്രണയരഥം.   

കഴിഞ്ഞ നൂറ്റാണ്ടുകളിലൊന്നിലും അഫ്ഗാനിലെ തദ്ദേശീയ ജനതയ്ക്ക് സുസ്ഥിരമായ ഒരു ഭരണം കാഴ്ചവെയ്ക്കാന്‍ കഴിഞ്ഞിട്ടില്ല. അമേരിക്കയും റഷ്യയും തമ്മിലുള്ള ശീതയുദ്ധത്തിന്‍റെ ഇരയായിരുന്നു എന്നും അഫ്ഗാന്‍. കഴിഞ്ഞ നൂറ്റാണ്ടിന്‍റെ പകുതിയില്‍ പ്രത്യേകിച്ചും. എങ്കിലും താലിബാനും മുമ്പ് ഏറെ പുഷ്ക്കലമായ ഒരു കാലം അഫ്ഗാനിലെ സ്ത്രീകള്‍ക്കുണ്ടായിരുന്നു. പിന്നീട് താലിബന്‍റെ പിടിയിലമര്‍ന്നപ്പോഴുണ്ടായ ആ ദുരന്ത കാലം വീണ്ടും ആവര്‍ത്തിക്കുമെന്ന് അഫ്ഗാനികള്‍ ഭയക്കുന്നു. ആ ഭയത്തിന് അടിസ്ഥമുണ്ട് താനും.   

മലയാള സിനിമയുടെ ക്ഷുഭിത യൗവ്വനത്തിന് ഇന്ന് അറുപത്തിമൂന്നാം പിറന്നാള്‍. 1958 ജൂണ്‍ 26 നാണ് സുരേഷ് ഗോപിയുടെ ജനനം. പിറന്നാള്‍ ദിവസം പുതിയ ചിത്രമായ 'പാപ്പനി'ല്‍ മകനുമൊത്തുള്ള ചിത്രം സമൂഹമാധ്യമത്തിലൂടെ സുരേഷ് ഗോപി പങ്കുവച്ചു. സുരേഷ് ഗോപിയുടെ കരിയറിലെ 252-ാം ചിത്രമാണിത്. സുരേഷ് ഗോപിയും മകന്‍ ഗോകുല്‍ സുരേഷും ബിഗ് സ്ക്രീനില്‍ ആദ്യമായി ഒരുമിച്ചെത്തുന്ന ചിത്രമാണ് 'പാപ്പന്‍'. ജോഷി സംവിധാനം ചെയ്യുന്ന ചിത്രം പൊലീസ് കഥയാണ്. ഏറെ കാലത്തിന് ശേഷമാണ് സുരേഷ് ഗോപി ഒരു പൊലീസ് വേഷം ചെയ്യുന്നത്. മമ്മൂട്ടിയും മോഹന്‍ലാലും സലിംകുമാറുമടക്കം സിനിമാ മേഖലയിലെ നിരവധി  പേര്‍ സമൂഹമാധ്യമത്തിലൂടെ അദ്ദേഹത്തിന് ജന്മദിനാശംസകള്‍ നേര്‍ന്നു.  ചിത്രങ്ങള്‍ പകര്‍ത്തിയത് നന്ദു ഗോപാലകൃഷ്ണന്‍. 

1500 -കളില്‍ യൂറോപ്യന്മാര്‍ വിഭവങ്ങള്‍ തേടി ലോകം മൊത്തം സഞ്ചരിച്ച് തുടങ്ങിയ കാലമായിരുന്നു. ഈ കാലത്ത് തന്നെ കച്ചവടത്തിന് കേരളത്തിലേക്ക് യൂറോപ്യന്മാരെ ക്ഷണിച്ച ഒരു കൊച്ചു രാജ്യം കേരളത്തിലുണ്ടായിരുന്നു.  1516 സെപ്തംബറില്‍ പോര്‍ച്ച്ഗീസ് ഗവര്‍ണര്‍ ലോപ്പോ ഡോറസും കൊല്ലം റാണിയും തമ്മില്‍ വ്യാപാര കരാര്‍ ഒപ്പിട്ടു. കൊല്ലത്തിന്‍റെ മുഖഛായ തന്നെ മാറ്റുന്ന ഒന്നായി ആ കരാര്‍ മാറി. കാരാറിന്‍റെ അടിസ്ഥാനത്തില്‍ കൊല്ലത്ത് ഒരു പാണ്ടിക ശാല നിര്‍മ്മിക്കാന്‍ പോര്‍ച്ചുഗീസുകാര്‍ക്ക് റാണി അനുമതി കൊടുത്തു. പാണ്ടികശാലയ്ക്കാണ് അനുമതി ലഭിച്ചതെങ്കിലും രണ്ട് വര്‍ഷം കൊണ്ട് പോര്‍ച്ചുഗീസുകാര്‍ പടുത്തുയര്‍ത്തിയത് ഒരു കോട്ടയ്ക്ക് സമാനമായ കെട്ടിടമായിരുന്നു.  പിന്നീട് കൊല്ലം റാണി വ്യാപാരകരാര്‍ പാലിച്ചില്ലെന്ന് ആരോപിച്ച് പണ്ടികശാലയെ പോര്‍ച്ചുഗീസുകാര്‍ ഒത്ത ഒരു കോട്ടയായി രൂപാന്തരപ്പെടുത്തി.  അറിയാം തങ്കശ്ശേരി കോട്ടയുടെ വിശേഷങ്ങള്‍. ചിത്രങ്ങള്‍ : അരുണ്‍ കടയ്ക്കല്‍. 

സ്കൂളിന്‍റെ പടികണ്ടിട്ടില്ലെങ്കിലും ജീവിതം കൊണ്ട് അധികാര സ്ഥാനങ്ങളോട് കലഹിച്ച യാഹിയാക്കയെ തേടുകയായിരുന്നു കഴിഞ്ഞ ദിവസങ്ങളില്‍ സാമൂഹ്യമാധ്യമങ്ങള്‍. നോട്ട് നിരോധനത്തെ തുടര്‍ന്ന് വാര്‍ത്തകളില്‍ നിറഞ്ഞ യഹിയയെ കുറിച്ച് ഏഷ്യാനെറ്റ് ന്യൂസ് ചെയ്തിരുന്ന 'ചിത്രം വിചിത്രം' എന്ന പരിപാടിയുടെ ദൃശ്യങ്ങള്‍  സാമൂഹ്യമാധ്യമങ്ങളില്‍ ആരോ പങ്കുവെച്ചത് നിരവധി പേര്‍ പങ്കിട്ടതോടെയാണ് യഹിയക്കയെ കുറിച്ച് സാമൂഹ്യമാധ്യമങ്ങള്‍ വീണ്ടും അന്വേഷിച്ച് തുടങ്ങിയത്. നോട്ട് നിരോധനത്തിന്‍റെ കാലത്ത് രാജ്യം മുഴുവനും ശ്രദ്ധിച്ച ആ പ്രതിഷേധക്കാരനെ തേടി.. ഒടുവില്‍ താൻ കാര്യസ്ഥനായിരുന്ന വീടിന്‍റെ വരാന്തയില്‍ ഞങ്ങള്‍ അദ്ദേഹത്തെ കണ്ടെത്തി. 'ഇവിടെ കിടന്ന് തന്നെ മരിക്കണം...' പ്രായം തീര്‍ത്ത അവശതകള്‍ക്കിടെയിലും പകരം വയ്ക്കാനില്ല തന്‍റെ നിലപാട് അദ്ദേഹം തീര്‍ത്ത് പറഞ്ഞു. വീട്ടുകാർ യാഹിയക്കയ്ക്ക് വേണ്ടി വീട് തുറന്ന് കൊടുത്തിട്ടും അദ്ദേഹം ആ വാതില്‍ കടന്ന് അകത്ത് കയറിയില്ല. തന്‍റെ തീരുമാനങ്ങളില്‍ നിന്ന് വ്യതിചലിക്കാന്‍ അദ്ദേഹം തയ്യാറല്ല. ജീവിതത്തിന്‍റെ സായാഹ്നത്തിലും തന്‍റെ നിലപാടുകള്‍ക്കോ തീര്‍പ്പുകള്‍ക്കോ അദ്ദേഹത്തിന് പകരം വയ്പ്പുകളില്ല. ആരോഗ്യം ക്ഷയിച്ചെങ്കിലും അന്തിയുറങ്ങാന്‍ ഒരു വീടിന്‍റെ ആവശ്യമില്ലെന്നും ഒരു 'വരാന്ത' മതിയെന്നുമുള്ളത് അദ്ദേഹത്തിന്‍റെ തന്നെ തീരുമാനമായിരുന്നു. കാണാം ജീവിതം കൊണ്ട് പ്രതിരോധിച്ച ആ സാധാരണക്കാരനെ... യഹിയാക്കയെ... (ചിത്രങ്ങള്‍ അരുണ്‍ കടയ്ക്കല്‍.)  

2021 ലെ ലോക പ്രസ് ഫോട്ടോ മത്സര അവാര്‍ഡുകള്‍ പ്രഖ്യാപിച്ചു. അന്തർ‌ദേശീയ ഫോട്ടോ ജേണലിസത്തിലെ ലോകത്തെ മുൻ‌നിര അവാർ‌ഡെന്ന നിലയില്‍ ഏറെ ശ്രദ്ധയാകര്‍ഷിക്കുന്ന മത്സരമാണിത്. മനുഷ്യചരിത്രത്തിലെ തന്നെ ഏറ്റവും വലിയ പ്രതിസന്ധികളിലൊന്നിലൂടെയായിരുന്നു കഴിഞ്ഞ വര്‍ഷം ലോകം കടന്ന് പോയത്. ലക്ഷക്കണക്കിന് പേര്‍ കൊവിഡ് രോഗാണുബാധയേ തുടര്‍ന്ന് മരിച്ചു. നിന്ന നില്‍പ്പില്‍ ജീവിതം കീഴ്മേല്‍ മറിഞ്ഞു. ഇന്നും കൊവിഡ് രോഗാണുവിന്‍റെ തീവ്രവ്യാപനത്തിന് ശമനമൊന്നുമില്ല. ബ്രസീലില്‍ മാസങ്ങള്‍ക്ക് ശേഷം ആദ്യമായി ഒരു കൊവിഡ് രോഗിയെ പ്രത്യേകം തയ്യാറാക്കിയ പ്ലാസ്റ്റിക് വസ്ത്രത്തിന്‍റെ സഹായത്തോടെ ഒരാള്‍ ആലിംഗനം ചെയ്യുന്ന ചിത്രം പകര്‍ത്തിയ ഡാനിഷ് ഫോട്ടോ ജേണലിസ്റ്റ് മാഡ്സ് നിസ്സെൻ 'ലോക പ്രസ്സ് ഫോട്ടോ ഓഫ് ദ ഇയർ 2021' സമ്മാനം നേടി. ഇറ്റാലിയൻ ഫോട്ടോഗ്രാഫർ അന്‍റോണിയോ ഫാസിലോങ്കോ പകര്‍ത്തിയ ഇസ്രായേൽ-പലസ്തീൻ പോരാട്ടം സാധാരണക്കാരുടെ ജീവിതത്തിൽ സൃഷ്ടിച്ച ആഘാതം വ്യക്തമാക്കുന്ന ചിത്രം 'ലോക ഫോട്ടോ സ്റ്റോറി ഓഫ് ദ ഇയർ 2021' നേടി. കാണാം സമ്മാനാര്‍ഹമായ ചിത്രങ്ങള്‍‌. 

ലോകത്തിന്‍റെ സന്തുലിതാവസ്ഥയ്ക്ക് ഏറ്റവും അടിസ്ഥാനം പ്രകൃത്യാ ഭൂമിയിലുള്ള ഭക്ഷ്യശ്യംഖലയെ നിലനിര്‍ത്തുകയെന്നതാണ്. എന്നാല്‍, മനുഷ്യന്‍ ഭൂമിയില്‍ ആധിപത്യം ഉറപ്പിക്കാന്‍ തുടങ്ങിയതോടെ ഭക്ഷ്യശ്യംഖലയിലെ പല കണ്ണികളും അപ്രത്യക്ഷമായി തുടങ്ങി. അമേരിക്കന്‍ ബഫല്ലോയെ ആവശ്യത്തിനും ആനന്ദത്തിനുമായി നിരന്തരം വേട്ടയാടിയ, അമേരിക്കയിലേക്ക് കുടിയേറിയ ബ്രിട്ടീഷ് പ്രോട്ടസ്റ്റന്‍റുകാര്‍ തത്വത്തില്‍ ചെയ്തത് അമേരിക്കയിലെ തദ്ദേശീയരായ റെഡ്ഡ് ഇന്ത്യന്‍ വംശത്തിന്‍റെ ഭക്ഷ്യശ്യംഖലയെ തകര്‍ക്കുകയായിരുന്നു. പുത്തന്‍ കൂറ്റുകാരുടെ വരവോടെ അതുവരെ ഭക്ഷണത്തിനും വസ്ത്രത്തിനും ആയുധത്തിനുമായി നിശ്ചിത എണ്ണം അമേരിക്കന്‍ ബഫല്ലോയെ വേട്ടയാടിയിരുന്ന റെഡ്ഡ് ഇന്ത്യന്‍ വംശജര്‍ക്ക് തങ്ങളുടെ പ്രധാന ഭക്ഷ്യശ്യംഖലയെ നിലനിര്‍ത്താന്‍ കഴിയാതെ പോയി. ഇതോടെ അമേരിക്കന്‍ ബഫല്ലോയുടെ വേട്ടയാടല്‍ റെഡ്ഡ് ഇന്ത്യന്‍ വംശജരുടെ നാശത്തിന് കാരണമായെന്ന് പിന്നീട് വ്യാഖ്യാനിക്കപ്പെട്ടു.    ഈ ഭക്ഷ്യശ്യംഖല മനുഷ്യനും മൃഗങ്ങളും തമ്മില്‍ മാത്രമല്ല. സസ്യങ്ങളും മൃഗങ്ങളും പക്ഷികളും തുടങ്ങി ഈ ഭൂമിയിലെ എല്ലാ ജീവിവര്‍ഗ്ഗങ്ങളും ഈ ഭക്ഷ്യശ്യംഖലയിലെ കണ്ണികളാണ്. അത്തരത്തിലൊരു പരസ്പരം ബന്ധിതമായ ഒരു കണ്ണിയാണ്  മത്സ്യവും തമ്മിലുള്ളത്. ഈ ജീവക്രമത്തില്‍ ഒരു ജീവിയുടെ ആയുസ് നഷ്ടമാകുമ്പള്‍ മറ്റൊന്നിന്‍റെ ജീവന്‍ നിലനിര്‍ത്തപ്പെടുന്നു. ആഹാരം വിശപ്പില്ലാതാക്കാന്‍ മാത്രമാണെന്നും സുരക്ഷിതമായി സംരക്ഷിച്ച് വയ്ക്കേണ്ട ഒന്നല്ലെന്നും മനുഷ്യനൊഴികെയുള്ള ജീവജാലങ്ങള്‍ മനുഷ്യനെ നിരന്തരം ഓര്‍മ്മപ്പെടുത്തികൊണ്ടേയിരിക്കുന്നു. കോഴിക്കോട് മാവൂര്‍ ചതുപ്പ് നിലത്തില്‍ നിന്നുള്ള ചിത്രങ്ങള്‍ പകര്‍ത്തിയത് പ്രശസ്ത ഫോട്ടോഗ്രാഫര്‍ നിസാര്‍ കോളക്കാടന്‍. 

കൊല്ലം സ്വദേശിയും ഇപ്പോള്‍ അമേരിക്കയില്‍ സൈക്യാട്രിക്ക് നേഴ്സുമായി ജോലി ചെയ്യുന്ന ആന്‍റണിക്ക് ചെറുപ്പം മുതലേ പാമ്പുകളോട് അനുകമ്പയായിരുന്നു. ആദ്യമായി ജോലി കിട്ടിയപ്പോള്‍ തന്നെ ആന്‍റണി പാമ്പുകളെ വളര്‍ത്തി തുടങ്ങി. ഇന്ന് അഞ്ച് പാമ്പുകള്‍ക്ക് ഉടമയാണ് ആന്‍റണി. ജീവിത സഖിയായി കൊല്ലം സ്വദേശിയായ മോണിക്ക എത്തുമ്പോള്‍ തന്‍റെ വളര്‍ത്ത് മൃഗങ്ങളോടൊപ്പം സേവ് ദ ഡേറ്റ് ഷൂട്ട് ചെയ്ത് കൊണ്ടാണ് ആന്‍റണി തന്‍റെ പാമ്പുകളോടുള്ള ഇഷ്ടം വ്യക്തമാക്കിയത്. അറിയാം ആന്‍റണിയുടെ സേവ് ദ ഡേറ്റ് വിശേഷങ്ങളും പിന്നെ പാമ്പുകളോടുള്ള സൌഹൃദവും.   

ലോക്ഡൌണ്‍ കാലത്തെ മലയാളികളുടെ വിരസതയിലേക്ക് വരകളിലൂടെ മകള്‍ ജാന്‍കിയുടെ ഗര്‍ഭസ്ഥ ദിനങ്ങളുമായി കടന്നുവന്ന 'ഡൂഡില്‍ മുനി' എന്ന ആരോഷ് തേവടത്തിലിനെ പെട്ടെന്നാരും മറക്കില്ല.  ആദ്യത്തെ കുട്ടിയുടെ വരവിനായി കാത്തിരിക്കുന്ന മലയാളി കുടുംബങ്ങളില്‍ നിന്ന് ചീന്തിയെടുത്ത നിമിഷങ്ങളായിരുന്നു ആ വരകളില്‍ നിറയെ. ആ തന്മയത്വം തന്നെയാണ് ഡൂഡില്‍ മുനിയെ സാമൂഹ്യമാധ്യമം ഉപയോഗിക്കുന്ന മലയാളിയുമായി അടുപ്പിച്ചതും. വീണ്ടും ഡൂഡില്‍ മുനി സാമൂഹ്യമാധ്യമങ്ങളില്‍ നിറയുകയാണ്. പക്ഷേ ഇത്തവണ, മകള്‍ ജാനകിയല്ല. അച്ഛനും മകനുമാണ് വിഷയം. തൊണ്ണൂറുകളില്‍ വളര്‍ന്ന തലമുറയുടെ ഓര്‍മ്മകളാണ്  'അച്ഛനും മകനും' സീരീസിലെ വിഷയം. ചിത്രം വരയ്ക്കാന്‍ അഭിരുചിയുള്ള മകനെ തൊണ്ണൂറുകളുടെ തുടക്കത്തില്‍ ഒരച്ഛന്‍ എങ്ങനെയാണ് കൊണ്ടുനടന്നതെന്നും അങ്ങനെ അച്ഛനും മകനും തമ്മിലുടലെടുത്ത ആത്മബന്ധത്തെയും കുറിച്ചാണ് 'അച്ഛനും മകനു'മെന്ന പരമ്പര കോറിയിടുന്നത്. കാണാം ആ ആത്മബന്ധത്തിന്‍റെ കഥ. തയ്യാറാക്കിയത് : കെ ജി ബാലു.

ആദ്യ കാഴ്ചയില്‍ തന്നെ നമ്മള്‍ ഒന്ന് അന്തംവിടും. ഇതെവിടെ ഭൂമിയിലോ, അതോ സ്വര്‍ഗ്ഗമോ, ഏത് ഫോട്ടോഷോപ്പ്. അതെ നമ്മള്‍ ഉറപ്പിക്കുന്നു. കണ്ടത് ഫോട്ടോഷോപ്പ് തന്നെ. എന്നാല്‍ കണ്ടവയൊന്നും ഫോട്ടോഷോപ്പല്ലെന്നും ഭൂമിയിലെ തന്നെ ചില സ്ഥലങ്ങളുടെ ചിത്രങ്ങള്‍  തന്നെയെന്നുമാണ് 2020 ലെ അന്താരാഷ്ട്രാ ഭൂപ്രകൃതി ഫോട്ടോഗ്രാഫര്‍ ഓഫ് ദി ഇയര്‍ മത്സരത്തിലെ വിജയ ചിത്രങ്ങള്‍ തെളിയിക്കുന്നത്. അതെ കാഴ്ചയില്‍ മായികത തോന്നുന്ന ഭൂ പ്രകൃതി ദൃശ്യങ്ങളാണ് ഓരോ ചിത്രങ്ങളും. മത്സരത്തിന്‍റെ ഏഴാം വര്‍ഷം ലോകമെമ്പാടുനിന്നുമുള്ള ഫോട്ടോഗ്രാഫര്‍മാരില്‍ നിന്ന് 3,800 ഓളം ചിത്രങ്ങളാണ് എത്തിയത്. ഇത്രയും ഫോട്ടോയില്‍ നിന്ന് മികച്ച ചിത്രം തെരഞ്ഞെടുക്കുകയെന്നത് ഏറെ ശ്രമകരമായിരുന്നെന്ന് വിധി കര്‍ത്താക്കള്‍ പറഞ്ഞു.  ഏറ്റവും മികച്ച ഫോട്ടോയ്ക്കുള്ള സമ്മാനവും 'ഫോട്ടോഗ്രാഫർ ഓഫ് ദി ഇയർ' എന്ന പദവിയും ഹോങ്കോങ്ങിൽ നിന്നുള്ള കെൽവിൻ യുവാൻ നേടി. ജർമ്മൻ ഫോട്ടോഗ്രാഫർ കൈ ഹോർനുങ്  'ഈ വർഷത്തെ ഫോട്ടോ' സമ്മാനം നേടി.  കൂടാതെ, മത്സരത്തില്‍ പങ്കെടുത്തതില്‍ നിന്ന് മികച്ച 101 ചിത്രങ്ങൾ വിധികർത്താക്കൾ തെരഞ്ഞെടുത്തു. അവയില്‍ ചിലത് കാണാം.