കായിക ചിത്രങ്ങൾ

എല്ലാ തോല്‍വിക്ക് പുറകിലും ഒരു കാരണമുണ്ടാകും. എന്നാല്‍ കളിക്കുന്ന എല്ലാ കളിയും തോറ്റാല്‍ ന്യായീകരണങ്ങളില്‍ തൂങ്ങി നില്‍ക്കാന്‍ ആരാധകരെ കിട്ടില്ല. കാരണം, അവര്‍ ആരാധകരാണെന്നത് തന്നെ. ഏഷ്യാ കപ്പില്‍ നിന്നും ശ്രീലങ്കയോടും പാകിസ്ഥാനോടും ദയനീയമായി പരാജയപ്പെട്ട് ടൂര്‍ണ്ണമെന്‍റില്‍ നിന്ന് തന്നെ പുറത്തായ ടീം ഇന്ത്യ, ഓസ്ട്രേലിയയോട് മൊഹാലിയില്‍ വച്ച് ഏറ്റുമുട്ടിയപ്പോഴും ഫലം ഒന്ന് തന്നെ. തോല്‍വി. ഇതോടെ ആരാധക കൂട്ടം ഇറങ്ങി. ചിലര്‍ വീണ്ടും നഷ്ടപ്രതാപങ്ങളില്‍ ആശ്വാസം കണ്ടെത്തിയപ്പോള്‍ മറ്റ് ചിലര്‍ കോച്ചിനെയും ക്യാപ്റ്റനെയും സെലക്ഷന്‍ കമ്മിറ്റിയെയും കളിക്കാരെയും കുറ്റം പറഞ്ഞു. കാര്യമെന്തൊക്കെയായാലും തോല്‍വി തോല്‍വി തന്നെ. കാണാം, അടി കൊടുക്കാന്‍ മാത്രമുള്ളതല്ല വാങ്ങാനും കൂടിയുള്ളതാണ്... 

രാജ്യം രാഷ്ട്രീയ അനിശ്ചിതത്വത്തിലായതോടെ ശ്രീലങ്കന്‍ ക്രിക്കറ്റ് ടീമിന്‍റെ കാര്യത്തില്‍ ആര്‍ക്കും വലിയ താത്പര്യമുണ്ടായിരുന്നില്ല. പഴയ ലോകകപ്പ് ടീമൊക്കെയാണെങ്കിലും ഇത്തവണ ഏഷ്യാ കപ്പിനെത്തിയപ്പോള്‍ അഫ്ഗാനിസ്ഥാനും താഴെയായിരുന്നു ശ്രീലങ്കയ്ക്ക് ക്രിക്കറ്റ് വിദഗ്ദര്‍ നല്‍കിയ സാധ്യത. എന്നാല്‍, ടോസ് നേടിയാല്‍ പാതി ജയിച്ചുവെന്ന ക്രിക്കറ്റിന്‍റെ പരമ്പരാഗത വിശ്വാസത്തെ പോലും അട്ടിമറിച്ച് ഏഷ്യാ കപ്പുമായി ശ്രീലങ്ക ആറാമതും ദ്വീപിലേക്ക് കടന്നു. ഇതിനിടെ കടപുഴകിയതാകട്ടെ ക്രിക്കറ്റ് ലോകത്തെ അതികായരായ ഇന്ത്യയും പാകിസ്ഥാനും. ശ്രീലങ്ക തോല്‍വി നേരിട്ടതാകട്ടെ അഫ്ഗാനിസ്ഥാനോട് മാത്രം. ഇതില്‍പ്പരം ഇനിയെന്താണ് അനിശ്ചിതത്വത്തിന്‍റെ കളിയായ ക്രിക്കറ്റില്‍ സംഭവിക്കാനുള്ളതെന്നാണ് ക്രിക്കറ്റ് ലോകം ചോദിക്കുന്നത്. കപ്പുയര്‍ത്തുമെന്ന് വെല്ലുവിളിച്ചവരെ ഗ്യാലറിയിലിരുത്തി, ആധികാരികമായാണ് ശ്രീലങ്ക കപ്പുമായി ദുബൈയില്‍ നിന്നും വിമാനം കയറിയത്. ഇന്ത്യയെയും പാകിസ്ഥാനെയും ട്രോളുകയും ശ്രീലങ്കന്‍ വിജയം ആഘോഷിച്ചും ഒപ്പം ട്രോളന്മാരും കൂടി. കാണാം ആ കഴ്ചകള്‍. ‌

ലോകത്തിലെ ഏറ്റവും പ്രായം കുറഞ്ഞ ക്രിക്കറ്റ് കളിക്കാരന്‍. വയസ് വെറും മൂന്ന്. കൂടാതെ, 11 വയസില്‍ താഴെയുള്ളവര്‍ക്കായുള്ള ക്രിക്കറ്റ് കളിയിലെ ഔള്‍ റൌണ്ടര്‍. കേള്‍ക്കുമ്പോള്‍ ആദ്യം മനസിലേക്ക് ഓടിയെത്തുന്നത് ഇന്ത്യയുടെ ഏക്കാലത്തെയും മികച്ച ക്രിക്കറ്റ് കളിക്കാരനായ സച്ചിന്‍ ടെന്‍ഡുല്‍ക്കറെയാകും. മൂന്നാം വയസില്‍ ബാറ്റേന്തി നില്‍ക്കുന്ന സച്ചിന്‍റെ ചിത്രം കാണാത്ത ഇന്ത്യന്‍ ക്രിക്കറ്റ് ആരാധകര്‍ കുറവ്. എന്നാല്‍ തെറ്റി. ഇത് കോറി ആഡംസ്, ഇംഗ്ലണ്ടിലെ അത്ഭുത ബാലന്‍. 

ആദ്യ മത്സരങ്ങളില്‍ വിജയിക്കുകയും നിര്‍ണ്ണായകമായ മത്സരങ്ങളില്‍ അവസാന പന്തില്‍ തോല്‍ക്കുകയും ചെയ്ത് ടീം ഇന്ത്യയെ ട്രോളി ട്രോളന്മാര്‍ രംഗത്ത്. പാകിസ്ഥാനോടും ശ്രീലങ്കയോടുമേറ്റ തോല്‍വിക്ക് പിന്നാലെയാണ് ഇന്ത്യന്‍ കളിക്കാരെയും കോച്ച് ദ്രാവിഡിനെയും സെലക്ടര്‍മാരെയും കളിയാക്കി ട്രോളന്മാര്‍ രംഗത്തെത്തിയത്. ടീമില്‍ നിന്നും നേരത്തെ വിരമിച്ച പലരും ഇപ്പോള്‍ ടീമിലുണ്ടായിരുന്നെങ്കില്‍ ഈ കളി ഇന്ത്യ ജയിച്ചേനെ എന്ന ആഗ്രഹവും ചിലര്‍ പങ്കുവച്ചു. നിര്‍ണ്ണായകമായ മത്സരത്തില്‍ ക്യാപ്റ്റന്‍റെ കളിയുമായി രോഹിത് മുന്നില്‍ നിന്നപ്പോള്‍ ബോളിങ്ങിലും ഫീല്‍ഡിങ്ങിലും വരുത്തിയ പിഴവുകള്‍ ഇന്ത്യയുടെ ഫൈനല്‍ പ്രതീക്ഷകളെ അസ്ഥാനത്താക്കി.   

ഓരോ കളിയും അനിശ്ചിതത്വത്തിന്‍റെതാണ്. ഈ അനിശ്ചിതത്വമാണ് ഓരോ കളിയുടെയും സൌന്ദര്യം. അത് ക്രിക്കറ്റായാലും ഫുഡ്ബോളായാലും ചെസായും ശരി, കളികളുടെ ആവേശം നിലനിര്‍ത്തുന്നതും അവയെ രസകരമാക്കുന്നതും ആര് ജയിക്കും ആര് തോല്‍ക്കുമെന്ന അനിശ്ചിതത്വമാണ്. ഇന്നലെ കഴിഞ്ഞ ഏഷ്യാ കപ്പിലെ ഇന്ത്യാ - പാക് പോരാട്ടവും ഇത്തരത്തില്‍ ഏറെ ആവശം നിറഞ്ഞ കളിയായി മാറിയും ഈ അനിശ്ചിതത്വം മൂലമാണ്. അവസാന ഓവറിലും ആര് ജയിക്കും ആര് തോല്‍ക്കുമെന്ന അനിശ്ചിതത്വം നിലനിര്‍ത്തിയ മത്സരത്തില്‍ അവസാന രണ്ട് പന്ത് അവശേഷിക്കേ ആദ്യ തോല്‍വിക്ക് മറുപടി നല്‍കി പാകിസ്ഥാന്‍ ജയം സ്വന്തമാക്കി. ഇന്ത്യയുടെ തോല്‍വി സ്വാഭാവികമായും ആരാധകരെ പ്രകോപിതരാക്കി. കളിക്കാരുടെ ഓരോ നീക്കവും ഇറകീറിയെടുത്ത് വിമര്‍ശന വിധേയമാക്കി. ഇന്നലെ കളിയില്‍ പുറത്തിരുന്ന കളിക്കാര്‍ ഉണ്ടായിരുന്നെങ്കില്‍ ജയം ഇന്ത്യയ്ക്കൊപ്പം നിന്നേനെയെന്ന് ആത്മഗതങ്ങളും ഉയര്‍ന്നു. കളിയെഴുതി ട്രോന്മാരും രംഗത്തെത്തി.   

ടി20 ലോക കപ്പിന് മുന്നോടിയായി നടക്കുന്ന ഏഷ്യാ കപ്പില്‍ ഹോങ്കോങ്ങിനെ തോല്‍പ്പിച്ച് ഇന്ത്യ സൂപ്പര്‍ ഫോറില്‍ കയറി. പാകിസ്ഥാനെതിരെ വിജയം നേടിയ ഇന്ത്യ ഹോങ്കോങ്ങിനെതിരെ 40 റണ്‍സിന്‍റെ വിജയമാണ് സ്വന്തമാക്കിയത്.  ഏറെ കാലത്തിന് ശേഷം അമ്പത് റണ്‍സെടുത്ത കിങ് കോലിയുടെ തിരിച്ച് വരവാണ് ഹോങ്കോങ്ങിനെതിരെയുള്ള വിജയമെന്ന് ട്രോളന്മാര്‍ പറയുന്നു. അതോടൊപ്പം സൂര്യ കുമാര്‍ യാദവ് നേരത്തെ ഇന്ത്യന്‍ ടീമില്‍ വേണമായിരുന്നെന്ന് വാദവും ഉയര്‍ത്തുന്നവരുണ്ട്. എന്നാല്‍ കെ എല്‍ രാഹുലിന് ടി20 യിലും ഒച്ചിഴയും വേഗമാണെന്നും അദ്ദേഹം കോച്ച് ദ്രാവിഡിന്‍റെ യഥാര്‍ത്ഥ ശിഷ്യനാണെന്നും ചിലര്‍ വിശേഷിപ്പിക്കുന്നു.   

മുംബൈ:ഒക്ടോബര്‍-നവംബര്‍ മാസങ്ങളില്‍ ഓസ്ട്രേലിയയില്‍ നടക്കുന്ന ടി20 ലോകകപ്പിനുള്ള ഇന്ത്യന്‍ ടീമിനെ പ്രഖ്യാപിക്കാന്‍ ഇനി 15 നാള്‍ കൂടി ബാക്കി. സെപ്റ്റംബര്‍ 15നകം ടീമിനെ പ്രഖ്യാപിക്കണമെന്നാണ് ഐസിസിയുടെ നിര്‍ദേശം. 15 അംഗ ടീമിനെയും രണ്ടോ മൂന്നാ റിസര്‍വ് താരങ്ങളെയുമാകും 15ന് പ്രഖ്യാപിക്കുക. ഓസ്ട്രേലിയക്കും ദക്ഷിണാഫ്രിക്കക്കും എതിരായ ടി20 പരമ്പരക്ക് മുമ്പെ ടീം പ്രഖ്യാപിക്കുമെന്നതിനാല്‍ ഏഷ്യാ കപ്പിലെ പ്രകടനം തന്നെയാകും ടീം സെലക്ഷനില്‍ നിര്‍ണായകമാകുക. ലോകകപ്പ് ടീമില്‍ ഇതുവരെ സ്ഥാനം ഉറപ്പിച്ച 13 പേര്‍ ആരൊക്കെയാണെന്ന് നോക്കാം.  

ഇന്നലെ വൈകീട്ടായിരുന്നു ആ പോരാട്ടം. ഇന്ത്യയും പാകിസ്ഥാനും തമ്മിലുള്ള ക്രിക്കറ്റ് കളി ഇരുരാജ്യങ്ങളിലെയും ക്രിക്കറ്റ് കളിയാരാധകരെയും ക്രിക്കറ്റിനെ കുറിച്ച് ധാരണയില്ലാത്തവരെയും ടിവിയുടെ ലൈവ് സ്ട്രിമിങ്ങിന് മുന്നില്‍ പിടിച്ചിരുത്തും. അയല്‍ രാജ്യങ്ങള്‍ തമ്മിലുള്ള അകല്‍ച്ച കളിക്കളത്തിലേക്കും പടരും. ഓരോ ബോളിലും ആരാധകര്‍ ഒരായിരം പ്രാര്‍ത്ഥനകള്‍ നിറയ്ക്കും. ഇന്നലെയും ഇന്ത്യാ-പാക് ക്രിക്കറ്റ് കളി പതിവ് തെറ്റിച്ചില്ല. രോഹിത് ശര്‍മ്മയുടെ നേതൃത്വത്തില്‍ ഇന്ത്യന്‍ ക്രിക്കറ്റ് ടീമും ബാബര്‍ അസമിന്‍റെ നേത‍ൃത്വത്തില്‍ പാക് ക്രിക്കറ്റ് ടീമും ഇന്നലെ ദുബായില്‍ ഏറ്റുമുട്ടി. ഇന്ത്യയുടെ ഷോട്ട് ബോളില്‍ പാക് പട ആടിയുലഞ്ഞു. ഒടുവില്‍ രണ്ട് ബോളുകള്‍ മാത്രം അവശേഷിക്കേ ഇന്ത്യ അഞ്ച് വിക്കറ്റിന് വിജയം കണ്ടു. കളി കഴിഞ്ഞതോടെ ട്രോളന്മാര്‍ രംഗത്തെത്തി. ക്രിക്കറ്റ് മാത്രമായിരുന്നില്ല ട്രോളന്മാര്‍ ശ്രദ്ധിച്ചത്. ക്രിക്കറ്റ് മുമ്പ് വീടികളിലെ കളികാണാനുള്ള തത്രപാട് മുതല്‍ കളിക്ക് ശേഷം ഓരോ കളിക്കാരെയും വിലയിരുത്തിയും ട്രോളുകള്‍ ഇറങ്ങി. കാണാം ആ ട്രോള്‍ കളി. 

ഷിംല: പ്രഥമ എംടിബി ഹിമാചല്‍ ജന്‍ജെഹ്ലി 2022-ന് (MTB Himachal Janjehli 2022) ചാംപ്യന്‍ഷിപ്പിന് നാളെ (ജൂണ്‍ 26) സമാപനം.  മഷോബറ ഷിംലയില്‍ (Shimla) നിന്ന് ആരംഭിച്ച് മൂന്നുഘട്ട മത്സരങ്ങള്‍ പൂര്‍ത്തിയാക്കിയ ശേഷമാണ് നാളെ ജന്‍ജെഹ്ലിയില്‍ ചാംപ്യന്‍ഷിപ്പ് അവസാനിക്കുന്നത്.

നീന്തല്‍ പരിശീലനത്തിനിടെ ബോധം മറഞ്ഞ യുഎസ് സിൻക്രൊണൈസ്ഡ് നീന്തൽ താരം അനിത അൽവരസിനെ ഒഴിവാക്കി ഇത്തവണ ലോക ചാമ്പ്യന്‍ഷിപ്പിനുള്ള ഫൈനലില്‍ മത്സരിക്കാന്‍ യുഎസ് തീരുമാനിച്ചു. കഴിഞ്ഞ ദിവസം ബുഡാപെസ്റ്റിൽ നടന്ന ചാമ്പ്യൻഷിപ്പിൽ വനിതകളുടെ സോളോ ഫ്രീ ഇവന്‍റിന്‍റെ മത്സരത്തിനിടെ അനിത അൽവരസിന്‍റെ ബോധം നഷ്ടപ്പെട്ടു. ഏതാണ്ട് രണ്ട് മിനിറ്റോളം താരം ബോധരഹിതയായിരുന്നുവെന്നാണ് റിപ്പോര്‍ട്ടുകള്‍. ഒടുവില്‍ അനിതയുടെ പരിശീലക ആൻഡ്രിയ ഫ്യൂന്‍റസ് നീന്തല്‍കുളത്തിലേക്ക് ചാടിയാണ് അനിതയെ രക്ഷപ്പെടുത്തിയത്. ആൻഡ്രിയ ഫ്യൂന്‍റസ്, നീന്തല്‍ കുളത്തില്‍ നിന്നും അനിതയെ രക്ഷിക്കുന്ന വീഡിയോകള്‍ വിദേശ സാമൂഹ്യ മധ്യമങ്ങളില്‍ വൈറലായി.