ഫോൺ നഷ്ടപ്പെട്ടോ? ടെൻഷനടിക്കേണ്ട! ആപ്പില്ലാതെ ഗൂഗിൾ വെച്ച് കണ്ടെത്താം

നിങ്ങളുടെ ഫോൺ നഷ്ടപ്പെട്ടോ? ഒരു ആപ്പുമില്ലാതെ ഗൂഗിൾ ഐഡി ഉപയോഗിച്ച് ഫോൺ ട്രാക്ക് ചെയ്യാനും, റിങ് ചെയ്യിക്കാനും, ലോക്ക് ചെയ്യാനും സാധിക്കും. അതിനുള്ള എളുപ്പവഴികൾ അറിയാം.

Image Credit : Getty

ഫോൺ നഷ്ടപ്പെട്ടോ?

കയ്യിലിരിക്കുന്ന ഫോൺ പെട്ടെന്ന് കാണാതായാലുള്ള ടെൻഷൻ ചില്ലറയല്ല. ബാങ്ക് വിവരങ്ങൾ മുതൽ സ്വകാര്യ ഫോട്ടോകൾ വരെ എല്ലാം അതിലായിരിക്കും. പൊലീസിൽ പരാതി കൊടുക്കണോ, പുതിയ ഫോൺ വാങ്ങണോ എന്നൊക്കെ ആലോചിക്കുന്നതിന് മുൻപ് ഒരു വഴിയുണ്ട്. ഗൂഗിൾ തന്നെ ഒരു കിടിലൻ സൗകര്യം തരുന്നുണ്ട്. ഇതിനായി ഒരു ആപ്പും ഫോണിൽ ഇൻസ്റ്റാൾ ചെയ്യേണ്ട കാര്യവുമില്ല!

Image Credit : Asianet News

ആപ്പ് വേണ്ട, ഗൂഗിൾ ഐഡി മതി!

ഫോൺ നഷ്ടപ്പെട്ടാൽ ഏതെങ്കിലും 'ട്രാക്കിംഗ് ആപ്പ്' ഉണ്ടെങ്കിൽ മാത്രമേ കണ്ടെത്താൻ കഴിയൂ എന്നാണ് പലരും കരുതുന്നത്. എന്നാൽ അത് തെറ്റാണ്. നിങ്ങളുടെ നഷ്ടപ്പെട്ട ഫോണിൽ ലോഗിൻ ചെയ്തിരുന്ന അതേ ഗൂഗിൾ അക്കൗണ്ട് ഉപയോഗിച്ച് ലോകത്തിന്റെ ഏത് കോണിൽ നിന്നും ഫോൺ കണ്ടെത്താം. ഈ സംവിധാനത്തിന്റെ പേരാണ് 'Find My Device'.

Image Credit : Getty

എങ്ങനെ കണ്ടെത്താം?

1. നിങ്ങളുടെ സുഹൃത്തിന്റെ ഫോണോ കമ്പ്യൂട്ടറോ എടുക്കുക.2. അതിൽ android.com/find എന്ന വെബ്സൈറ്റ് സന്ദർശിക്കുക.3. നഷ്ടപ്പെട്ട ഫോണിൽ ഉപയോഗിച്ചിരുന്ന അതേ ജിമെയിൽ ഐഡിയും (Gmail ID) പാസ്‌വേഡും നൽകി ലോഗിൻ ചെയ്യുക.4. അത്രയേയുള്ളൂ! നിങ്ങളുടെ ഫോൺ ഇപ്പോൾ എവിടെയാണെന്ന് ഗൂഗിൾ മാപ്പിൽ (Google Map) കൃത്യമായി കാണിച്ചുതരും.

Image Credit : AI Generated

സൈലന്റിലാണെങ്കിലും ഫോൺ റിങ് ചെയ്യും!

ചിലപ്പോൾ ഫോൺ വീടിനകത്ത് തന്നെ എവിടെയെങ്കിലും സോഫയുടെ അടിയിലോ മറ്റോ ഉണ്ടാകാം. പക്ഷേ ഫോൺ സൈലന്റ് മോഡിൽ ആയതുകൊണ്ട് റിങ് ചെയ്ത് കണ്ടെത്താൻ കഴിയില്ലല്ലോ എന്ന് വിഷമിക്കേണ്ട. ഈ വെബ്സൈറ്റിൽ 'Play Sound' എന്നൊരു ഓപ്ഷനുണ്ട്. അതിൽ ക്ലിക്ക് ചെയ്താൽ, ഫോൺ സൈലന്റിലാണെങ്കിൽ പോലും അടുത്ത 5 മിനിറ്റ് നേരം ഫുൾ വോളിയത്തിൽ നിർത്താതെ റിങ് ചെയ്തുകൊണ്ടിരിക്കും.

Image Credit : Getty

ഡാറ്റ ഡിലീറ്റ് ചെയ്യാം, ഫോൺ ലോക്ക് ചെയ്യാം

ഒരുപക്ഷേ ഫോൺ മോഷണം പോയതാണെങ്കിൽ, അതിലെ വിവരങ്ങൾ സുരക്ഷിതമാക്കാൻ 'Secure Device' എന്ന ഓപ്ഷൻ ഉപയോഗിക്കാം. ഇത് വഴി നിങ്ങൾക്ക് ദൂരെയിരുന്ന് തന്നെ ഫോൺ ലോക്ക് ചെയ്യാൻ സാധിക്കും. സ്ക്രീനിൽ 'ഈ നമ്പറിൽ വിളിക്കൂ' എന്ന സന്ദേശത്തോടൊപ്പം നിങ്ങളുടെ മറ്റൊരു നമ്പർ നൽകാനും കഴിയും. ഇനി ഫോൺ തിരികെ കിട്ടില്ലെന്ന് ഉറപ്പായാൽ, 'Erase Device' ഓപ്ഷൻ ഉപയോഗിച്ച് ഫോണിലെ മുഴുവൻ ഡാറ്റയും ഡിലീറ്റ് ചെയ്ത് കളയാം.

Image Credit : Gemini

സ്വിച്ച് ഓഫ് ആയാലും കണ്ടെത്താമോ?

ഗൂഗിളിന്റെ ഏറ്റവും പുതിയ അപ്ഡേറ്റ് പ്രകാരം (പ്രത്യേകിച്ച് Pixel 8-ലും അതിന് ശേഷമുള്ള മോഡലുകളിലും) 'Offline Finding' എന്നൊരു പുതിയ ഫീച്ചർ വന്നിട്ടുണ്ട്. ഇത് വഴി ഫോൺ സ്വിച്ച് ഓഫ് ആയാലോ ബാറ്ററി തീർന്നുപോയാലോ ബ്ലൂടൂത്ത് സിഗ്നലിന്റെ സഹായത്തോടെ ഫോൺ കണ്ടെത്താൻ സാധിക്കും. അതുകൊണ്ട്, ഇനി ഫോൺ നഷ്ടപ്പെട്ടാൽ ടെൻഷനടിക്കേണ്ട, ഉടൻ തന്നെ ഈ ഗൂഗിൾ ട്രിക്ക് പരീക്ഷിച്ചുനോക്കൂ!