ഇൻസ്റ്റഗ്രാമിന് എട്ടിന്റെ പണി! കൗമാരക്കാർക്ക് ആവശ്യപ്പെടാതെ തന്നെ അശ്ലീല ചിത്രങ്ങൾ; മെറ്റയുടെ ഞെട്ടിക്കുന്ന റിപ്പോർട്ട് പുറത്ത്

കൗമാരക്കാരായ ഉപയോക്താക്കൾക്ക് ഇൻസ്റ്റഗ്രാം അനാവശ്യമായി അശ്ലീല ചിത്രങ്ങൾ കാണിക്കുന്നുവെന്ന് മെറ്റയുടെ ആഭ്യന്തര സർവേ റിപ്പോർട്ട്. 19 ശതമാനം കൗമാരക്കാരും ഇക്കാര്യം റിപ്പോർട്ട് ചെയ്തിട്ടുണ്ടെന്നും സർവേ പറയുന്നു.

Image Credit : Getty

സോഷ്യൽ മീഡിയയിലെ അപകടം

ഇന്ത്യയിൽ സോഷ്യൽ മീഡിയ ഉപയോഗത്തിന് പ്രായപരിധിയില്ല. അതിനാൽ കുട്ടികളടക്കം ഇൻസ്റ്റഗ്രാം പോലുള്ള ആപ്പുകൾ ഉപയോഗിക്കുന്നു. എന്നാൽ ഇത് കുട്ടികൾക്ക് അപകടമുണ്ടാക്കുന്നുവെന്നാണ് മെറ്റയുടെ റിപ്പോർട്ട്.

Image Credit : Getty

അശ്ലീല ചിത്രങ്ങൾ പ്രത്യക്ഷപ്പെടുന്നു

13-നും 15-നും ഇടയിൽ പ്രായമുള്ള കുട്ടികൾ ഇൻസ്റ്റഗ്രാം ഉപയോഗിക്കുമ്പോൾ ആവശ്യപ്പെടാതെ തന്നെ അശ്ലീല ചിത്രങ്ങൾ കാണുന്നു. 19 ശതമാനം കൗമാരക്കാരും തങ്ങൾക്ക് ഇത്തരം ചിത്രങ്ങൾ കാണേണ്ടി വരുന്നുണ്ടെന്ന് റിപ്പോർട്ട് ചെയ്തിട്ടുണ്ട്.

Image Credit : Getty

കൗമാരക്കാരിൽ ചെലുത്തുന്ന സ്വാധീനം

കാലിഫോർണിയയിൽ ഫയൽ ചെയ്ത ഒരു കേസിന്റെ ഭാഗമായാണ് മെറ്റ ആഭ്യന്തര സർവേ നടത്തിയത്. ഈ റിപ്പോർട്ട് അവർ കാലിഫോർണിയ കോടതിയിൽ സമർപ്പിച്ചു. ഇത്തരം ചിത്രങ്ങൾ കൗമാരക്കാരിൽ വലിയ സ്വാധീനം ചെലുത്തുന്നുണ്ടെന്നും റിപ്പോർട്ടിലുണ്ട്. കേസിൽ ഇൻസ്റ്റഗ്രാം മേധാവി ആദം മൊസ്സേരിയെ കോടതി വിസ്തരിച്ചു.

Image Credit : Asianet News

കുട്ടികളെ ലക്ഷ്യമിടുന്നു

ഇൻസ്റ്റഗ്രാം മനഃപൂർവം കുട്ടികളെ ലക്ഷ്യമിടുന്നുവെന്ന് റിപ്പോർട്ടിൽ പറയുന്നു. കൗമാരക്കാരെ ഇൻസ്റ്റഗ്രാമിന് അടിമകളാക്കാൻ വേണ്ടിയാണ് അനാവശ്യവും അശ്ലീലവുമായ ചിത്രങ്ങൾ കാണിക്കുന്നതെന്ന ഗുരുതരമായ ആരോപണവും ഉയർന്നിട്ടുണ്ട്.

Image Credit : Getty

ഇൻസ്റ്റഗ്രാമിന് നിയമപരമായ പ്രതിസന്ധി

ഇൻസ്റ്റഗ്രാം കുട്ടികളുടെ മാനസികാരോഗ്യത്തെ ദോഷകരമായി ബാധിക്കുന്നുവെന്ന ആരോപണം ശക്തമാണ്. താൽപര്യമില്ലാത്ത അശ്ലീല ചിത്രങ്ങൾ കാണാൻ നിർബന്ധിതരാകുന്നത് കുട്ടികളെ തെറ്റായ വഴിയിലേക്ക് നയിക്കുമെന്നും പരാതിയുണ്ട്. ഇതോടെ ഇൻസ്റ്റഗ്രാം വലിയ നിയമനടപടികൾ നേരിടുകയാണ്.