ഗൂഗിൾ ജെമിനി എഐ പ്രോ ഫ്രീ, അതും 18 മാസത്തേക്ക്; ജിയോയുടെ സർപ്രൈസ് ഗിഫ്റ്റ്

റിലയൻസ് ജിയോ പുതിയൊരു ഡിജിറ്റൽ ഓഫർ അവതരിപ്പിച്ചിരിക്കുകയാണ്. ഈ പ്ലാനിലൂടെ ഉപയോക്താക്കൾക്ക് 18 മാസത്തേക്ക് ഗൂഗിൾ ജെമിനി എഐ പ്രോ സബ്‌സ്‌ക്രിപ്ഷനും 2 ടിബി ഗൂഗിൾ വൺ ക്ലൗഡ് സ്റ്റോറേജും സൗജന്യമായി ലഭിക്കും. 

Image Credit : our own

റിലയൻസ് ജിയോയുടെ പുതിയ ഓഫർ

റിലയൻസ് ജിയോ തങ്ങളുടെ 349 രൂപയുടെ റീചാർജ് പ്ലാനിൽ ആകര്‍ഷകമായ ആനുകൂല്യങ്ങള്‍ പ്രഖ്യാപിച്ചു. ഈ പ്ലാനിന് കീഴിൽ 18 മാസത്തേക്ക് ഗൂഗിൾ ജെമിനി എഐ പ്രോ സബ്‌സ്‌ക്രിപ്ഷനും 2 ടിബി ഗൂഗിൾ വൺ ക്ലൗഡ് സ്റ്റോറേജും ജിയോ ഉപഭോക്താക്കള്‍ക്ക് സൗജന്യമായി നൽകും.

Image Credit : Getty

349 രൂപയുടെ റീചാർജ് പ്ലാൻ

ഈ പ്ലാനിന് 28 ദിവസത്തെ വാലിഡിറ്റിയാണുള്ളത്. ഉപയോക്താക്കൾക്ക് ദിവസവും 2 ജിബി ഡാറ്റ, എല്ലാ നെറ്റ്‌വർക്കുകളിലേക്കും സൗജന്യ കോളുകൾ, ദിവസവും 100 എസ്എംഎസ് എന്നിവ ലഭിക്കും. 5ജി സൗകര്യമുള്ള സ്ഥലങ്ങളിൽ അൺലിമിറ്റഡ് 5ജി ഡാറ്റയും ഈ പ്ലാനിൽ വാഗ്‌ദാനം ചെയ്യുന്നുണ്ട്.

Image Credit : Google

ഗൂഗിൾ ജെമിനി എഐ പ്രോ

ഗൂഗിൾ ജെമിനി എഐ പ്രോ ഉപയോഗിച്ച് മികച്ച എഐ സേവനങ്ങൾ ആസ്വദിക്കാം. 2 ടിബി ഗൂഗിൾ വൺ സ്റ്റോറേജ് ഉള്ളതുകൊണ്ട് ധാരാളം ഫോട്ടോകളും വീഡിയോകളും ഡോക്യുമെൻ്റുകളും സുരക്ഷിതമായി സൂക്ഷിക്കാൻ സാധിക്കും. വിദ്യാർഥികൾക്കും സംരംഭകർക്കും ഇത് ഏറെ ഉപകാരപ്പെടും.

Image Credit : Getty

ഗൂഗിൾ വൺ സ്റ്റോറേജ് സൗജന്യം

ഈ ഓഫർ സ്വന്തമാക്കാൻ മൈജിയോ ആപ്പിൽ ലോഗിൻ ചെയ്ത് നിങ്ങളുടെ ജിമെയിൽ അക്കൗണ്ട് ലിങ്ക് ചെയ്ത് ക്ലെയിം ചെയ്യണം. വെരിഫിക്കേഷൻ പൂർത്തിയായാൽ 18 മാസത്തേക്ക് ഈ സേവനം ആക്‌ടിവേറ്റ് ആകും. കുറഞ്ഞ ചെലവിൽ മികച്ച എഐ, ക്ലൗഡ് സ്റ്റോറേജ് സേവനങ്ങൾ ലഭിക്കുന്നതുകൊണ്ട് ഈ പ്ലാൻ ഇതിനകം ശ്രദ്ധ നേടിക്കഴിഞ്ഞു. 

Image Credit : Getty

349 രൂപ റീചാര്‍ജ്

18 മാസത്തേക്ക് ഗൂഗിൾ ജെമിനി എഐ പ്രോ സൗജന്യമായി ഉപയോഗിക്കണമെങ്കില്‍ റിലയന്‍സ് ജിയോയുടെ മൊബൈല്‍ വരിക്കാര്‍ 349 രൂപയ്‌ക്ക് റീചാര്‍ജ് ചെയ്യുക.