വിമാനത്തിന് പണമില്ല, തന്നെത്തന്നെ പെട്ടിയിലാക്കി അയച്ച യുവാവ്, അവിശ്വസനീയമായ അനുഭവം!

First Published Apr 14, 2021, 1:45 PM IST

ഒരാവേശത്തിന് വെയില്‍സില്‍ നിന്നും ഓസ്ട്രേലിയയിലെത്തിയതാണ് കൌമാരക്കാരനായ ബ്രയാന്‍ റോബ്സണ്‍. എന്നാല്‍, ലോകത്തിന്‍റെ മറ്റേ അറ്റത്തേക്ക് താന്‍ നടത്തിയ കുടിയേറ്റം ഒരു അബദ്ധമായിപ്പോയി എന്ന് ഉടനെ തന്നെ ബ്രയാന് തിരിച്ചറിവുണ്ടായി. ഏതായാലും തിരിച്ചുപോകാനുള്ള പണമോ, വിമാനടിക്കറ്റിനുള്ള പണമോ ആ പത്തൊമ്പതുകാരന്‍റെ കയ്യില്‍ ഇല്ലായിരുന്നു. 1964 -ലാണ് സംഭവം എന്നോര്‍ക്കണം. ഏതായാലും തിരികെ പോകുന്നതിനെ കുറിച്ചുള്ള വഴികള്‍ വളരെ പരിമിതമാണ് എന്ന് തിരിച്ചറിഞ്ഞതോടെ അവനൊരു പ്ലാനിട്ടു. തന്നെത്തന്നെ നാട്ടിലേക്ക് കടത്തിക്കൊണ്ടുപോകാം. ഇത് അങ്ങനെ ദിവസങ്ങളോളം പെട്ടിയിൽ കഴിയേണ്ടി വന്ന ബ്രയാന്റെ അനുഭവമാണ്. ഇപ്പോൾ, 76 വയസായി ബ്രയാൻ റോബ്സണിന്.