ആയിരത്തിനടുത്തുപേർ സ്വയം കൊല്ലാൻ വിധിക്കപ്പെട്ട ദിവസം, ലോകം ഞെട്ടിയ കൂട്ടആത്മഹത്യ; ചിത്രങ്ങൾ

First Published May 12, 2020, 12:47 PM IST

ഹെലികോപ്റ്ററുകളിൽ ആ ഭൂമിയ്ക്ക് മുകളിൽ പറന്നുകൊണ്ടിരിക്കുമ്പോൾ, 300 അടി ഉയരത്തിൽ നിന്നും പോലും അഴുകിയ മനുഷ്യശരീരത്തിന്റെ അസഹ്യമായ ദുർഗന്ധം രക്ഷാപ്രവർത്തകരുടെ മൂക്കുതുളച്ചു. ഉയരത്തിൽ നിന്ന് താഴെ നോക്കിയ അവർക്ക് ആരോ വലിച്ചെറിഞ്ഞ തുണിക്കഷണങ്ങൾപോലെ ചിതറിക്കിടക്കുന്ന മൃതദേഹങ്ങളുടെ കൂമ്പാരമാണ് കാണാൻ കഴിഞ്ഞത്. ഒടുവിൽ ദുർഗന്ധം സഹിക്കാൻ വയ്യാതെ തൂവാലകൾ കൊണ്ട് അവർ മൂക്ക് മറച്ചു. താഴെ, ശവശരീരങ്ങളെല്ലാം തന്നെ പരസ്പരം കെട്ടിപിടിച്ച് കിടക്കുന്നതായിട്ടാണ് അവർ കണ്ടത്. അമേരിക്കൻ ജനതയെ പിടിച്ചു കുലുക്കിയ ഏറ്റവും ഭയാനകമായ കൂട്ടആത്മഹത്യകളിൽ ഒന്നായ അത്, ജോൺസ്‌ടൗൺ കൂട്ടക്കൊല എന്നറിയപ്പെടുന്നു.