നാല് പെൺമക്കളെയും തോളത്തെടുത്ത് സിന്ധു കൃഷ്ണ; വെെറലായി ചിത്രങ്ങൾ
മാതൃദിനത്തിൽ മിക്ക സെലിബ്രിറ്റികളും അമ്മയോടൊപ്പമുള്ള ചിത്രം സോഷ്യൽമീഡിയയിൽ പങ്കുവച്ചിട്ടുണ്ട്.
വ്യത്യസ്തമായൊരു മാതൃദിന പോസ്റ്റ് ഇൻസ്റ്റയിൽ പങ്കുവച്ചിരിക്കുകയാണ് നടി അഹാന.
ചിത്രങ്ങളോടൊപ്പം ഹൃദയസ്പർശിയായ കുറിപ്പും താരം പങ്കുവച്ചിട്ടുണ്ട്. തന്‍റെ അമ്മ സിന്ധു കൃഷ്ണ തന്നെയും സഹോദരിമാരെയും എടുത്തുനിൽക്കുന്ന ചിത്രങ്ങളാണ് നടി ഇൻസ്റ്റയിൽ പോസ്റ്റ് ചെയ്തിരിക്കുന്നത്.
ഈ മദേഴ്‌സ് ഡേയിൽ അമ്മ ഞങ്ങളെ എല്ലാവരെയും ഒക്കത്തെടുക്കാൻ ഒരു ശ്രമം നടത്തി. അമ്മയ്ക്ക് ഇപ്പോഴും അത് ചെയ്യാനാകുമോ എന്ന് എനിക്ക് സംശയമുണ്ടായിരുന്നു.
മറ്റ് മൂന്ന് പേരെയും എളുപ്പത്തിൽ എടുക്കാൻ കഴിയുമെന്ന് എനിക്ക് ഉറപ്പുണ്ടായിരുന്നു കാരണം അവര്‍ എന്നേക്കാൾ ചെറുതാണല്ലോ, പക്ഷേ അമ്മയേക്കാള്‍ കുറച്ച് ഭാരം മാത്രം കുറവുള്ള എന്നെ എടുക്കാൻ സാധിക്കുമോ എന്ന കാര്യത്തിൽ എനിക്ക് സംശയം ഉണ്ടായിരുന്നു. എന്നാൽ അമ്മ ഒരുമടിയും കൂടാതെ എന്നെയും എടുത്തു.
ഞങ്ങളുടെ ഏറ്റവും വലിയ അനുഗ്രഹമായ അമ്മയ്ക്ക് മാതൃദിനാശംസകൾ' എന്നാണ് അഹാന ചിത്രങ്ങളോടൊപ്പം കുറിച്ചിരിക്കുന്നത്.
കൂട്ടത്തിൽ അമ്മു എന്ന അഹാനയാണ് കുട്ടിക്കാലത്തെ കുറുമ്പി എന്ന് സിന്ധു അടുത്തിടെ ഒരു അഭിമുഖത്തിൽ പറഞ്ഞിരുന്നു.
