അസ്വസ്ഥതയുണ്ടാക്കുന്ന സാഹചര്യങ്ങളെ നേരിടാതെ മാറിനിൽക്കുന്നത് താൽക്കാലികമായി ആശ്വാസം നൽകുമെങ്കിലും, ഇത് തലച്ചോറിന് തെറ്റായ സന്ദേശമാണ് നൽകുന്നത്.
മാനസിക അസ്വസ്ഥതകളും ഉത്കണ്ഠയും ഇക്കാലത്ത് പലരിലും സാധാരണയായി കണ്ടുവരുന്ന ഒന്നാണ്. നമ്മുടെ പല ശീലങ്ങളും ഇത്തരം ഉത്കണ്ഠകൾ വർദ്ധിപ്പിക്കാൻ കാരണമാകാറുണ്ട്. ഉത്കണ്ഠ വർദ്ധിപ്പിക്കുന്ന 3 പ്രധാന ശീലങ്ങൾ എന്തൊക്കെയാണെന്ന് അറിയാം.
കാര്യങ്ങൾ ഒഴിവാക്കി ഓടിയൊളിക്കുന്നത്
അസ്വസ്ഥതയുണ്ടാക്കുന്ന സാഹചര്യങ്ങളെ നേരിടാതെ മാറിനിൽക്കുന്നത് താൽക്കാലികമായി ആശ്വാസം നൽകുമെങ്കിലും, ഇത് തലച്ചോറിന് തെറ്റായ സന്ദേശമാണ് നൽകുന്നത്. അടുത്ത തവണ സമാനമായ സാഹചര്യം വരുമ്പോൾ ഭയം ഇരട്ടിയാകാൻ ഇത് കാരണമാകും.
ശ്രദ്ധ തിരിക്കാനുള്ള ശ്രമങ്ങൾ
ഉത്കണ്ഠ തോന്നുമ്പോൾ അതിൽ നിന്ന് രക്ഷപ്പെടാൻ മണിക്കൂറുകളോളം സോഷ്യൽ മീഡിയ സ്ക്രോൾ ചെയ്യുക, അമിതമായി ഭക്ഷണം കഴിക്കുക, അല്ലെങ്കിൽ അനാവശ്യമായി സാധനങ്ങൾ വാങ്ങിക്കൂട്ടുക തുടങ്ങിയ കാര്യങ്ങളിൽ ഏർപ്പെടാറുണ്ടോ? ഇവ നിമിഷനേരത്തേക്ക് ആശ്വാസം നൽകുമെങ്കിലും അസ്വസ്ഥതയുടെ യഥാർത്ഥ കാരണത്തെ പരിഹരിക്കുന്നില്ല.
Related Articles
മറ്റുള്ളവരിൽ നിന്ന് ആശ്വാസം തേടിക്കൊണ്ടിരിക്കുക
ഉത്കണ്ഠ തോന്നുമ്പോൾ ആരോടെങ്കിലും "ഞാൻ പറഞ്ഞത് തെറ്റിപ്പോയോ?", "എന്നോട് ദേഷ്യമുണ്ടോ?" എന്ന് ആവർത്തിച്ച് ചോദിക്കുക, അല്ലെങ്കിൽ ഓരോ ചെറിയ ശാരീരിക ലക്ഷണങ്ങളും ഗൂഗിളിൽ തിരയുക എന്നിവയാണ് മറ്റൊരു ശീലം. ഇത് താൽക്കാലികമായി സമാധാനം നൽകുമെങ്കിലും സ്വന്തം തീരുമാനങ്ങളിൽ വിശ്വാസമില്ലാതാക്കുകയും സംശയങ്ങൾ വർദ്ധിപ്പിക്കുകയും ചെയ്യും.
ശ്രദ്ധിക്കാം
ഇത്തരം ലക്ഷണങ്ങൾ ശ്രദ്ധയിൽപ്പെട്ടാൽ അവയെ നേരിടാൻ സ്വയം സന്നദ്ധരാവുകയാണ് ചെയ്യേണ്ടത്.
