Asianet News MalayalamAsianet News Malayalam

dental problems| പല്ലിന്റെയും വായയുടെയും ആരോ​ഗ്യത്തിനായി ശ്രദ്ധിക്കേണ്ടത്...

ആഹാരം, പോഷക ഘടകങ്ങൾ എന്തിന് ഏറെ ബാക്റ്റീരിയ - വൈറസ് പോലെയുള്ള സൂഷ്മ ജീവികൾ പോലും ശരീരത്തിൽ പ്രവേശിക്കുന്നത് പലപ്പോഴും വായിൽ കൂടെയാണ്. അത്കൊണ്ട് തന്നെ വായുടെ ആരോഗ്യം, ശുചിത്വം പ്രായഭേദമില്ലാതെ പ്രാധാന്യം അർഹിക്കുന്നു.

Best and worst food  teeth and mouth
Author
Trivandrum, First Published Nov 6, 2021, 11:57 AM IST

വായയുടെ ആരോഗ്യം(oral health) പല വിധത്തിലാണ് ആരോഗ്യത്തെ ബാധിക്കുന്നത്. വായയുടെ വൃത്തിയും ആരോഗ്യത്തിന് വില്ലനാവുന്നത് ശ്രദ്ധക്കുറവിൻറെ കൂടി കാര്യമാണ്. പല്ല് കേടുവരാൻ തുടങ്ങുന്നത് മറ്റ് പല രോഗങ്ങൾക്കും ഉള്ള സൂചനയാണ് എന്ന കാര്യം പലർക്കും അറിയാതെ പോകുന്നു. 

ആഹാരം, പോഷക ഘടകങ്ങൾ എന്തിന് ഏറെ ബാക്റ്റീരിയ - വൈറസ് പോലെയുള്ള സൂഷ്മ ജീവികൾ പോലും ശരീരത്തിൽ പ്രവേശിക്കുന്നത് പലപ്പോഴും വായിൽ കൂടെയാണ്. അത്കൊണ്ട് തന്നെ വായുടെ ആരോഗ്യം, ശുചിത്വം പ്രായഭേദമില്ലാതെ പ്രാധാന്യം അർഹിക്കുന്നു.

പുകയില ഉത്പന്നങ്ങൾ, ക്യാൻസറിനു കാരണമാകുന്ന ലഹരിവസ്തുക്കളുടെ ഉപയോഗം വായുടെ ആരോഗ്യത്തെ നശിപ്പിക്കുന്നു. വായിലെ അണുക്കൾ വായ്ക്കുള്ളിലോ പല്ലിനോ മാത്രമല്ല ശരീരത്തിനെ ഒട്ടാകെ ബാധിക്കുന്ന ആരോഗ്യപ്രശ്‌നങ്ങൾ സൃഷ്ടിക്കുന്നുണ്ടെന്നാണ് പുതിയ പഠനങ്ങൾ പറയുന്നത്. നിങ്ങൾ കഴിക്കുന്ന ഭക്ഷണങ്ങൾ പല്ലിന്റെയും വായയുടെയും ആരോ​ഗ്യത്തെ ബാധിക്കാം. 

 

Best and worst food  teeth and mouth

 

പഞ്ചസാര അടങ്ങിയ ഭക്ഷണങ്ങൾ പല്ലിന്റെ ആരോഗ്യം മോശമാക്കുമ്പോൾ പഴങ്ങളും കാൽസ്യവും പ്രോട്ടീനും അടങ്ങിയ ഭക്ഷണങ്ങളും പച്ചക്കറികളും പല്ലുകൾ വൃത്തിയാക്കാനും ദ്വാരങ്ങൾ തടയാനും ആവശ്യമായ പോഷകങ്ങൾ നൽകാനും സഹായിക്കുന്നു.

ആപ്പിളോ ഓറഞ്ചോ പോലെയുള്ള മുഴുവൻ പഴങ്ങളും ലഘുഭക്ഷണമായി കഴിക്കുന്നത് പല്ലുകൾ സ്വാഭാവികമായി വൃത്തിയാക്കുന്നതിലൂടെ പല്ലിന്റെ ആരോഗ്യം വർദ്ധിപ്പിക്കും. അതുപോലെ, കാൽസ്യവും പ്രോട്ടീനും അടങ്ങിയ പ്രഭാതഭക്ഷണം പ്രതിരോധശേഷിയും മൊത്തത്തിലുള്ള ആരോഗ്യവും മാത്രമല്ല വായുടെ ആരോഗ്യവും വർദ്ധിപ്പിക്കുന്നതായി ക്യാപ്ചർ ലൈഫ് ഡെന്റൽ കെയർ സിഇഒ ഡോ. നമ്രത രൂപാണി പറയുന്നു. 

നാരുകളാൽ സമ്പുഷ്ടമായ പഴങ്ങളും പച്ചക്കറികളും പല്ലിന്റെ ആരോ​ഗ്യത്തിന് സഹായിക്കുന്നു. കാൽസ്യം അടങ്ങിയ ഭക്ഷണങ്ങൾ പല്ലിന്റെ ഇനാമലിന് നല്ലതാണ്. പാൽ, ചീസ്, മറ്റ് പാലുൽപ്പന്നങ്ങൾ എന്നിവ മറ്റ് ഭക്ഷണങ്ങൾ കാരണം പല്ലുകളിൽ ധാതുക്കൾ വീണ്ടെടുക്കാൻ സഹായിക്കുന്നു. മാത്രമല്ല പല്ലിന്റെ ഇനാമൽ നന്നാക്കാൻ സഹായിക്കുന്നതായി ഡോ.നമ്രത പറഞ്ഞു.

 

Best and worst food  teeth and mouth

 

ഗ്രീൻ ടീയിലും കട്ടൻ ചായയിലും പോളിഫെനോളുകൾ ഉൾപ്പെടുന്നു. ഇത് പല്ലുകളെ നശിപ്പിക്കുന്ന ആസിഡ് വികസിപ്പിക്കുന്നതിനോ ഉൽപ്പാദിപ്പിക്കുന്നതിനോ ഉള്ള ബാക്ടീരിയകളെ കൊല്ലുന്നതിനോ തടയുന്നതിനോ പ്ലാക്ക് ബാക്ടീരിയകളുമായി ഇടപഴകുന്നു. 

അന്നജം അടങ്ങിയ ഭക്ഷണങ്ങൾ പല്ലിൽ തങ്ങിനിൽക്കും. ബ്രെഡിന്റെ മൃദുവായ കഷ്ണങ്ങളും ഉരുളക്കിഴങ്ങ് ചിപ്‌സും ചില ഉദാഹരണങ്ങളാണ്. മിക്ക ശീതളപാനീയങ്ങളിലും ഫോസ്ഫോറിക്, സിട്രിക് ആസിഡുകൾ ഉൾപ്പെടുന്നു. ഇത് പല്ലിന്റെ ഇനാമലിനെ നശിപ്പിക്കുകയും പല്ലിന് കേടുവരുത്തുകയും ചെയ്യുന്നു.

പല്ലുകളുടെ മഞ്ഞ നിറം മാറ്റാന്‍ ഒരു കിടിലന്‍ വഴി; വീഡിയോയുമായി ലക്ഷ്മി നായർ

Follow Us:
Download App:
  • android
  • ios