Asianet News MalayalamAsianet News Malayalam

കോവിഷീൽഡ്​ രോഗബാധ 93 ശതമാനവും മരണനിരക്ക്​ 98 ശതമാനവും കുറയ്ക്കുന്നു: പഠനം

കൊവിഡ് -19 നിരീക്ഷിക്കുന്നതിനായി സായുധ സേനയുടെ ആരോഗ്യ നിരീക്ഷണ സംവിധാനത്തിൽ നിന്നുള്ള ഡാറ്റയെ അടിസ്ഥാനമാക്കിയാണ് പഠനം നടത്തിയതെന്ന് എ.എഫ്.എം.എസ് ഡയറക്ടർ ജനറൽ വൈസ് അഡ്മിറൽ രജത് ദത്ത പറഞ്ഞു. 

Covishield reduces fresh infections by 93% deaths by 98% AFMS study
Author
Delhi, First Published Jul 28, 2021, 1:26 PM IST

കോവിഷീൽഡ്​ രോഗബാധ 93 ശതമാനവും മരണനിരക്ക്​ 98 ശതമാനവും കുറയ്ക്കുന്നതായി പഠനം. ആംഡ് ഫോഴ്‌സ് മെഡിക്കൽ സർവീസസ് (എ.എഫ്.എം.എസ്) നടത്തിയ പഠനത്തിലാണ് ഈ കണ്ടെത്തലെന്ന് പ്രതിരോധ മന്ത്രാലയം
വ്യക്തമാക്കി. 

ഇന്ത്യൻ സായുധ സേനയി​ലെ കോവിഷീൽഡ് വാക്സിൻ നൽകിയ 15.95 ലക്ഷം ആരോഗ്യ പ്രവർത്തകരുടെയും മുൻ‌നിര കോവിഡ്​ പോരാളികളെയും മുൻനിർത്തിയാണ്​ പഠനം നടത്തിയതെന്ന് മന്ത്രാലയം അഭിപ്രായപ്പെട്ടു. ജനുവരി 16 നാണ് വാക്സിനേഷൻ ആരംഭിച്ചത്. മുകളിൽ പറഞ്ഞ 15.95 ലക്ഷം പേരാണ് കോവിഷീൽഡ് വാക്സിൻ ആദ്യമായി സ്വീകരിച്ചത്.

പുതിയ അണുബാധകളിൽ 93 ശതമാനം കുറവുണ്ടായതായും മരണങ്ങൾ 98 ശതമാനം കുറഞ്ഞതായും പഠനത്തിൽ പറയുന്നു. കൊവിഡ് -19 വാക്സിൻ ഫലപ്രാപ്തിയെക്കുറിച്ച് ലോകമെമ്പാടുമുള്ള ഏറ്റവും വലിയ പഠനമാണിത്, പ്രതിരോധ മന്ത്രാലയത്തിന്റെ വാർത്ത കുറിപ്പിൽ അറിയിച്ചു. രാജ്യം അതിഭീകരമായ രണ്ടാം കൊവിഡ്​ തരംഗ​ത്തെ നേരിടുന്ന വേളയിലായിരുന്നു പഠനം നടത്തിയത്. 

കൊവിഡ് -19 നിരീക്ഷിക്കുന്നതിനായി സായുധ സേനയുടെ ആരോഗ്യ നിരീക്ഷണ സംവിധാനത്തിൽ നിന്നുള്ള ഡാറ്റയെ അടിസ്ഥാനമാക്കിയാണ് പഠനം നടത്തിയതെന്ന് എ.എഫ്.എം.എസ് ഡയറക്ടർ ജനറൽ വൈസ് അഡ്മിറൽ രജത് ദത്ത പറഞ്ഞു. 15.95 ലക്ഷത്തിൽ 82 ശതമാനം രണ്ട്​ ഡോസ്​ വാക്​സിൻ എടുത്തവരിൽ ഏഴ് പേർ മാത്രമാണ്​ മരിച്ചതെന്ന്​ പഠനത്തിൽ പറയുന്നു.

വാക്‌സിന്‍ സ്വീകരിച്ചവര്‍ക്ക് കൊവിഡ് പിടിപെടുമ്പോള്‍ കണ്ടേക്കാവുന്ന ലക്ഷണങ്ങള്‍


 

Follow Us:
Download App:
  • android
  • ios