ആൽക്കഹോളിക് ലിവർ ഡിസീസ്, നോൺ ആൽക്കഹോളിക് ഫാറ്റി ലിവർ ഡിസീസ്, ഹെപ്പറ്റൈറ്റിസ് ബി, ഹെപ്പറ്റൈറ്റിസ് സി തുടങ്ങിയ കരൾ രോഗങ്ങള് പലപ്പോഴും കരള് ക്യാന്സറിന്റെ സാധ്യതയെ കൂട്ടുന്നു.
കരളിനെ ബാധിക്കുന്ന അര്ബുദ്ദമാണ് ലിവര് ക്യാന്സര്. പല കാരണങ്ങള് കൊണ്ടും കരളില് അര്ബുദ്ദം ഉണ്ടാകാം. മദ്യപാനം, പുകവലി, അമിത വണ്ണം, ചില മരുന്നുകളുടെ അമിത ഉപയോഗം എന്നിവയെല്ലാം ലിവര് ക്യാന്സറിനുള്ള സാധ്യത കൂട്ടുന്നു. അതുപോലെ ആൽക്കഹോളിക് ലിവർ ഡിസീസ്, നോൺ ആൽക്കഹോളിക് ഫാറ്റി ലിവർ ഡിസീസ്, ഹെപ്പറ്റൈറ്റിസ് ബി, ഹെപ്പറ്റൈറ്റിസ് സി തുടങ്ങിയ കരൾ രോഗങ്ങള് പലപ്പോഴും കരള് ക്യാന്സറിന്റെ സാധ്യതയെ കൂട്ടുന്നു. ലിവര് ക്യാൻസറിന്റെ ലക്ഷണങ്ങള് എന്തൊക്കെയാണെന്ന് നോക്കാം.
1. അകാരണമായി ശരീരഭാരം കുറയുക
അകാരണമായി ശരീരഭാരം കുറയുന്നത് ലിവര് ക്യാൻസറിന്റെ പ്രധാന സൂചനയാണ്. കുറച്ച് ഭക്ഷണം കഴിച്ചാലും പെട്ടെന്ന് വയര് നിറഞ്ഞതായി തോന്നുന്നതും ലിവര് ക്യാൻസറിന്റെ ലക്ഷണമാകാം.
2. അടിവയറ് വേദന
അടിവയറ് വേദന, വയറിന് വീക്കം അല്ലെങ്കില് നീര് തുടങ്ങിയവയും കരളിലെ അര്ബുദ്ദത്തിന്റെ സൂചനയാകാം.
3. കണ്ണിന് മഞ്ഞ നിറം
ശരീരത്തിനും കണ്ണിനും മഞ്ഞ നിറം കാണപ്പെടുന്നതും ലിവര് ക്യാൻസറിന്റെ പ്രധാന ലക്ഷണമാണ്.
4. ചര്മ്മം ചൊറിയുക
ചര്മ്മം അകാരണമായി ചൊറിയുന്നതും കരളിനെ ബാധിക്കുന്ന അര്ബുദ്ദത്തിന്റെ ഒരു സൂചനയാകാം.
5. മൂത്രത്തിലെ നിറം മാറ്റം
മൂത്രത്തിന് കടുംനിറം കാണപ്പെടുന്നതും ചിലപ്പോള് ഇതുമായി ബന്ധപ്പെട്ടായിരിക്കും.
6. അമിത ക്ഷീണം
അമിത ക്ഷീണവും തളര്ച്ചയുമൊക്കെ തോന്നുന്നതും കരള് ക്യാന്സറിന്റെ സൂചനയാകാം.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
