രോഗം പുരോഗമിക്കുമ്പോൾ, ചർമ്മത്തില് മഞ്ഞനിറം ഉണ്ടാകാം. കരളിന്റെ പ്രവര്ത്തനം താറുമാറാകുമ്പോള്, ബിലിറൂബിന് അമിതമായി ചര്മ്മത്തിന് താഴെ അടിഞ്ഞു കൂടും. ഇതാണ് മഞ്ഞപ്പിത്തത്തിന് കാരണമാകുന്നത്. അതുപോലെ ചര്മ്മത്തില് ചൊറിച്ചില്, പെട്ടെന്ന് മുറിവുണ്ടാകുക തുടങ്ങിയവയും ലക്ഷണങ്ങളാണ്.
കരളിനെ ബാധിക്കുന്ന രോഗങ്ങളില് ഏറ്റവും വ്യാപകമായ ഒന്നാണ് ഫാറ്റി ലിവര് ഡിസീസ്. കരളിൽ അമിതമായി കൊഴുപ്പ് അടിഞ്ഞുകൂടുന്ന രോഗാവസ്ഥയാണ് ഫാറ്റി ലിവര് രോഗം. ആല്ക്കഹോളിക് ഫാറ്റി ലിവര് ഡിസീസ്, നോണ് ആല്ക്കഹോളിക് ഫാറ്റി ലിവര് ഡിസീസ് എന്നിങ്ങനെ രണ്ട് വിധത്തിലുള്ള രോഗങ്ങളുണ്ട്. പലരിലും ആദ്യഘട്ടത്തിൽ ലക്ഷണങ്ങള് കാണാറില്ല. രോഗം പുരോഗമിക്കുമ്പോൾ, ചർമ്മത്തില് മഞ്ഞനിറം ഉണ്ടാകാം. കരളിന്റെ പ്രവര്ത്തനം താറുമാറാകുമ്പോള്, ബിലിറൂബിന് അമിതമായി ചര്മ്മത്തിന് താഴെ അടിഞ്ഞു കൂടും. ഇതാണ് മഞ്ഞപ്പിത്തത്തിന് കാരണമാകുന്നത്. അതുപോലെ ചര്മ്മത്തില് ചൊറിച്ചില്, പെട്ടെന്ന് മുറിവുണ്ടാകുക തുടങ്ങിയവയും ലക്ഷണങ്ങളാണ്.
അടിവയറ്റിലെ വീക്കം, വീര്ത്ത വയര്, വയര് വേദന, എന്നിവയാണ് ചിലരെ ബാധിക്കുന്ന ലക്ഷണങ്ങള്. വയറിന്റെ വലത്ത് വശത്ത് മുകളിലായാണ് വേദന സാധാരണ ഉണ്ടാവുക. രക്തസ്രാവം, ക്ഷീണം, ഒരു കാരണവുമില്ലാതെ ശരീരഭാരം കുറയുന്നത്, വിശപ്പില്ലായ്മ, മനംമറിച്ചില്, വയറിളക്കം, കാലില് നീര് തുടങ്ങിയവയും ലക്ഷണങ്ങളാകാം.
ഫാറ്റി ലിവര് സാധ്യതയെ തടയാന് പ്രോസസിഡ് ഭക്ഷണങ്ങള്, റെഡ് മീറ്റ്, സംസ്കരിച്ച ഇറച്ചി വിഭവങ്ങൾ, ജങ്ക് ഫുഡ്, മധുരം ധാരാളം അടങ്ങിയ ഭക്ഷണങ്ങള്- പാനീയങ്ങള് തുടങ്ങിയവ പരമാവധി ഒഴിവാക്കുന്നതാണ് ഉചിതം. അതുപോലെ ശരീരഭാരം, പ്രമേഹം തുടങ്ങിയവയെ നിയന്ത്രിക്കുകയും വേണം.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
Also read: ഹീമോഗ്ലോബിന്റെ അളവ് കൂട്ടാൻ കഴിക്കാം ഇരുമ്പ് അടങ്ങിയ ഈ നാല് ഭക്ഷണങ്ങൾ...
