കാൻസറിന് കാരണമാകുന്ന 5 ഭക്ഷണങ്ങൾ
ആരോഗ്യകരമായ ഭക്ഷണക്രമവും ജീവിതശൈലിയും കാൻസർ വരാനുള്ള സാധ്യത 70 ശതമാനത്തോളം കുറയ്ക്കുമെന്ന് പഠനങ്ങൾ വ്യക്തമാക്കുന്നു. എന്നാൽ ചില ഭക്ഷണങ്ങൾ കാൻസർ സാധ്യത വർദ്ധിപ്പിക്കുന്നു.
നമ്മൾ എല്ലാവരും പേടിയോടെ നോക്കികാണുന്ന രോഗമാണ് കാൻസർ. ശരീരത്തിലെ ചില കോശങ്ങൾ അനിയന്ത്രിതമായി വളരുകയും ശരീരത്തിന്റെ മറ്റു ഭാഗങ്ങളിലേക്ക് വ്യാപിക്കുകയും ചെയ്യുന്ന രോഗമാണ് കാൻസർ. കൃത്യസമയത്ത് രോഗനിർണയം നടത്തി ചികിത്സ തേടലാണ് കാൻസർ പ്രതിരോധത്തിൽ പ്രധാനം.
ലക്ഷണങ്ങൾ കണ്ടുതുടങ്ങിയാൽ അവ നിസ്സാരമാക്കാതെ മതിയായ ടെസ്റ്റുകൾ നടത്തി കാൻസറാണോ എന്ന് ഉറപ്പുവരുത്തണം. ആരോഗ്യകരമായ ഭക്ഷണക്രമവും ജീവിതശൈലിയും കാൻസർ വരാനുള്ള സാധ്യത 70 ശതമാനത്തോളം കുറയ്ക്കുമെന്ന് പഠനങ്ങൾ വ്യക്തമാക്കുന്നു.
എന്നാൽ ചില ഭക്ഷണങ്ങൾ കാൻസർ സാധ്യത വർദ്ധിപ്പിക്കുന്നു. ടിന്നിലടച്ച ഭക്ഷ്യവസ്തുക്കളിൽ പല തരത്തിലുള്ള പ്രിസർവേറ്റീവുകൾ ചേർക്കുന്നു. ഇത് കാൻസറിനുള്ള സാധ്യത വർധിപ്പിക്കും. കാൻസർ സാധ്യത വർദ്ധിപ്പിക്കുന്ന മറ്റ് ഭക്ഷണങ്ങളെ കുറിച്ചറിയാം...
ഒന്ന്...
ചുവന്നതും സംസ്കരിച്ചതുമായ മാംസം അമിതമായി കഴിക്കുന്നത് 18 ശതമാനം കുടൽ കാൻസർ കേസുകൾക്ക് കാരണമാകുന്നു. സംസ്കരിച്ച മാംസത്തെ ലോകാരോഗ്യ സംഘടന ക്ലാസ് 1 കാർസിനോജൻ ആയി തരംതിരിച്ചിട്ടുണ്ട്. സംസ്കരിച്ച മാംസത്തിൽ ദോഷകരമായ രാസവസ്തുക്കൾ അടങ്ങിയിട്ടുണ്ടെന്ന് ഗവേഷണങ്ങൾ പറയുന്നു. അവ അർബുദത്തിന് കാരണമാകുന്നു.
രണ്ട്...
മദ്യപാനം കാൻസറിനുള്ള സാധ്യതയുമായി ബന്ധപ്പെട്ടിരിക്കുന്നു. ശ്വാസനാളം, അന്നനാളം എന്നിവയിലെ അർബുദങ്ങൾക്കുള്ള സാധ്യത കൂടുതലാണ്.
മൂന്ന്...
കുട്ടികൾക്ക് ഇഷ്ടമുള്ള ഒന്നാണ് കോളകൾ. അമിത മധുരവും മറ്റു രാസവസ്‌തുക്കളും അടങ്ങിയിട്ടുള്ള കോളകൾ, കാൻസറിന് കാരണമാകുന്ന പാനീയമാണ്.
നാല്...
എണ്ണമയമുള്ള ഭക്ഷണങ്ങളിൽ പലപ്പോഴും പൂരിത കൊഴുപ്പുകളും ട്രാൻസ് ഫാറ്റുകളും അടങ്ങിയിട്ടുണ്ട്. അമിതമായി കഴിക്കുമ്പോൾ അവ ആരോഗ്യകരമല്ല. സ്തനാർബുദം, വൻകുടൽ കാൻസർ, പ്രോസ്റ്റേറ്റ് കാൻസർ എന്നിവയുൾപ്പെടെയുള്ള ചിലതരം കാൻസറുകളുടെ ഉയർന്ന അപകടസാധ്യതയുമായി ബന്ധപ്പെട്ടിരിക്കുന്നു.
അഞ്ച്...
ജങ്ക് ഫുഡ് ദിവസവും കഴിക്കുന്നതും കാൻസർ ഉണ്ടാക്കുമെന്ന് ലോകാരോഗ്യ സംഘടന പറയുന്നു. ഉദരകാൻസറിന് ഇത് പ്രധാന കാരണമായി മാറുന്നു.
Read more മസ്തിഷ്കാഘാതം ; ഈ ലക്ഷണങ്ങൾ അവഗണിക്കരുത്
