ഹാപ്പി ഹോർമോണായ 'ഡോപാമൈൻ' കൂട്ടാൻ ഇവ കഴിക്കാം

തലച്ചോറിലെ ഒരു ന്യൂറോ ട്രാൻസ്മിറ്ററായി പ്രവർത്തിക്കുന്ന ഹോർമോണാണ് ഡോപാമൈൻ. ഓർമ്മശക്തി, ശ്രദ്ധ, തുടങ്ങിയവയ്ക്ക് തലച്ചോറിനെ സഹായിക്കുന്നു. അതിനാൽ, മതിയായ ഡോപാമൈൻ അളവ് ശരീരത്തിന് വളരെ പ്രധാനമാണ്. ഡോപാമൈനിന്റെ അഭാവം വിഷാദരോഗം, പാർക്കിൻസൺസ് രോഗം തുടങ്ങിയവയ്ക്ക് കാരണമാകും. 

ഭക്ഷണക്രമം സന്തോഷത്തിലും ആരോഗ്യത്തിലും കാര്യമായ സ്വാധീനം ചെലുത്തും. ചില ഭക്ഷണങ്ങൾ കഴിക്കുന്നത് മാനസികാവസ്ഥ വർദ്ധിപ്പിക്കാൻ സഹായിച്ചേക്കാം. അമിനോ ആസിഡുകളാൽ സമ്പന്നമായ ഭക്ഷണങ്ങളും ഡോപാമൈൻ ഉൽപാദനം വർദ്ധിപ്പിക്കുന്നു.  'ഹാപ്പി ഹോർമോൺ' എന്ന് വിളിക്കുന്ന 'ഡോപാമൈൻ' ന്റെ അളവ് കൂട്ടാൻ ഡയറ്റിൽ ഉൾപ്പെടുത്തേണ്ട ചില ഭക്ഷണങ്ങൾ...

ഒന്ന്...

മാനസികാവസ്ഥയെ നിയന്ത്രിക്കുന്നതിൽ വിറ്റാമിൻ ഡി നിർണായക പങ്ക് വഹിക്കുന്നു. വിറ്റാമിൻ ഡി അടങ്ങിയ ഭക്ഷണമാണ് കൂൺ. 

രണ്ട്...

ഡോപാമൈൻ അളവ് വർദ്ധിപ്പിക്കുന്നതിനുള്ള മികച്ച ഭക്ഷണമാണ് അവോക്കാഡോ. തലച്ചോറിന്റെ പ്രവർത്തനവും മാനസികാവസ്ഥയും മെച്ചപ്പെടുത്താൻ സഹായിക്കുന്ന ആരോഗ്യകരമായ കൊഴുപ്പുകൾ അവയിൽ അടങ്ങിയിട്ടുണ്ട്. 
വൈറ്റമിൻ ബി 3, ഒമേഗ-3 ഫാറ്റി ആസിഡുകൾ അടങ്ങിയ അവോക്കാഡോ സെറോടോണിൻ ഉൽപ്പാദനത്തിനും മാനസികാവസ്ഥ മെച്ചപ്പെടുത്തുന്നതിനും ​ഗുണം ചെയ്യും. 

മൂന്ന്...

തക്കാളിയിൽ ലൈക്കോപീൻ എന്ന സംയുക്തം അടങ്ങിയിട്ടുണ്ട്. ലൈക്കോപീനിന് ആന്റിഓക്‌സിഡന്റ് വിഷാദരോഗത്തിന്റെ ലക്ഷണങ്ങൾ കുറയ്ക്കുന്നതിന് ​ഗുണം ചെയ്യും.

നാല്...

ഡാർക്ക് ചോക്ലേറ്റിൽ അടങ്ങിയിരിക്കുന്ന ആന്റിഓക്‌സിഡന്റുകൾ മാനസികാവസ്ഥ ഉയർത്താൻ സഹായിക്കുന്നു. കൂടാതെ, അതിൽ ട്രിപ്റ്റോഫാൻ അടങ്ങിയിരിക്കുന്നു.

അഞ്ച്...

ആരോഗ്യകരമായ കൊഴുപ്പുകളുടെയും പ്രോട്ടീനുകളുടെയും ആന്റിഓക്‌സിഡന്റുകളുടെയും മികച്ച ഉറവിടമാണ് നട്സ്. അവയിൽ ടൈറോസിൻ ധാരാളമുണ്ട്. 

ആറ്...

വാൾനട്ട് കഴിക്കുന്നത് മാനസികാരോഗ്യം, സമ്മർദ്ദം, ഉറക്കം എന്നിവ മെച്ചപ്പെടുത്തുമെന്ന് ഒരു പുതിയ പഠനം കണ്ടെത്തി.

ഏഴ്...

നാരുകളും വിറ്റാമിൻ ഇയും മറ്റ് അവശ്യ പോഷകങ്ങളും അടങ്ങിയ ചീര ആരോഗ്യകരമായ ഹോർമോൺ ഉൽപാദനത്തെയും പ്രവർത്തനത്തെയും പിന്തുണയ്ക്കുന്നു. 

എട്ട്...

സ്ട്രോബെറി, ബ്ലൂബെറി, റാസ്ബെറി എന്നിവയുൾപ്പെടെയുള്ള സരസഫലങ്ങൾ രുചികരം മാത്രമല്ല, ആന്റി ഓക്സിഡൻറുകളും വിറ്റാമിൻ സിയും കൊണ്ട് സമ്പുഷ്ടമാണ്. ഈ പോഷകങ്ങൾ മാനസികാവസ്ഥ മെച്ചപ്പെടുത്തുന്നതിനും വിഷാദരോഗത്തിന്റെ ലക്ഷണങ്ങൾ കുറയ്ക്കുന്നതിനും ​ഗുണം ചെയ്യും. 

Read more വിറ്റാമിൻ ഡിയുടെ കുറവ് ; ശരീരം പ്രകടിപ്പിക്കുന്ന ചില ലക്ഷണങ്ങൾ