Health Tips : നിങ്ങളെ തൈറോയ്ഡ് അലട്ടുന്നുണ്ടോ? ഡയറ്റിൽ ഇവ ഉൾപ്പെടുത്തൂ
ഗർഭിണിയാകുന്നതിന് മുമ്പും ഗർഭകാലത്തും പ്രസവശേഷവും തൈറോയ്ഡ് നില സ്ഥിരമാണെന്ന് സ്ത്രീകൾ ഉറപ്പാക്കേണ്ടതുണ്ട്. പ്രസവശേഷം തൈറോയ്ഡ് പ്രശ്‌നങ്ങളും ഉണ്ടാകാം.
കഴുത്തിൻ്റെ മുൻഭാഗത്തായി സ്ഥിതി ചെയ്യുന്ന ഒരു ചെറിയ ചിത്രശലഭം രൂപത്തിലുള്ളതാണ് തൈറോയ്ഡ് ഗ്രന്ഥി. ശരീരത്തിലെ എല്ലാ അവയവങ്ങളുടെയും ശരിയായ പ്രവർത്തനത്തിന് നിർണായകമായ ട്രയോഡൊഥൈറോണിൻ (T3), തൈറോക്സിൻ (T4) തുടങ്ങിയ അവശ്യ ഹോർമോണുകൾ ഉത്പാദിപ്പിക്കുന്നു.
' തൈറോയ്ഡ് ഗ്രന്ഥിയെ നിയന്ത്രിക്കാൻ ഹൈപ്പോതലാമസും പിറ്റ്യൂട്ടറി ഗ്രന്ഥിയും ഒരുമിച്ച് പ്രവർത്തിക്കുന്നു. തൈറോയ്ഡ് തകരാറുകൾ സാധാരണയായി മൂന്ന് വിഭാഗങ്ങളായി തിരിച്ചിരിക്കുന്നു. അമിതമായ ഹോർമോൺ സ്രവവും തൈറോയ്ഡ് വീക്കവും നൊഡുലാർ അല്ലെങ്കിൽ മൾട്ടിനോഡുലാർ ഗോയിറ്ററിന് കാരണമാകുന്നതാണ് ഹൈപ്പർതൈറോയിഡിസം. സ്ത്രീകളിലാണ് തെെറോയ്ഡ് കൂടുതലായി കണ്ട് വരുന്നത്...' - മുംബൈയിലെ ലീലാവതി ഹോസ്പിറ്റലിലെ തൈറോയിഡും എൻഡോക്രൈനോളജിസ്റ്റുമായ ഡോ വൈശാലി നായിക് പറഞ്ഞു.
തൈറോയിഡ് തകരാറുകൾ കണ്ടെത്തുന്നതിൽ T3, T4 എന്നിവയ്ക്കുള്ള ഹോർമോൺ പരിശോധനകൾ ഉൾപ്പെടുന്നു. ചില സന്ദർഭങ്ങളിൽ, തൈറോയ്ഡ് ഗ്രന്ഥി നീക്കം ചെയ്യേണ്ടതുണ്ടോ എന്ന് നിർണ്ണയിക്കാൻ ആസ്പിരേഷൻ സൈറ്റോളജി ആവശ്യമായി വന്നേക്കാം. ഏത് ജീവിത ഘട്ടത്തിലും സ്ത്രീകൾക്ക് തൈറോയ്ഡ് തകരാറുകൾ ഉണ്ടാകാനുള്ള സാധ്യത കൂടുതലാണ്. ക്ഷീണം, ശരീരഭാരം, വരണ്ട ചർമ്മം, മുടികൊഴിച്ചിൽ, മലബന്ധം എന്നിവയാണ് സാധാരണ ഹൈപ്പോതൈറോയിഡിസത്തിൻ്റെ ലക്ഷണങ്ങൾ. ഭാരക്കുറവ്, ഹൃദയമിടിപ്പ്, വിറയൽ, സ്ത്രീകളിലെ വയറിളക്കം എന്നിവ ഹൈപ്പർതൈറോയിഡിസത്തിന്റെ ലക്ഷണങ്ങളിൽ ഉൾപ്പെടുന്നു.
ഗർഭിണിയാകുന്നതിന് മുമ്പും ഗർഭകാലത്തും പ്രസവശേഷവും തൈറോയ്ഡ് നില സ്ഥിരമാണെന്ന് സ്ത്രീകൾ ഉറപ്പാക്കേണ്ടതുണ്ട്. പ്രസവശേഷം തൈറോയ്ഡ് പ്രശ്‌നങ്ങളും ഉണ്ടാകാം. എല്ലാ നവജാത ശിശുക്കൾക്കും അവരുടെ തൈറോയ്ഡ് ആരോഗ്യം വിലയിരുത്തുന്നതിനും മാതാപിതാക്കൾക്ക് തൈറോയ്ഡ് തകരാറുകൾ ഉണ്ടോ എന്ന് പരിശോധിക്കുന്നതിനും ടിഎസ്എച്ച് ടെസ്റ്റിന് വിധേയരാകുക.
തെെറോയ്ഡ് നിയന്ത്രിക്കാൻ ഭക്ഷണത്തിൽ ശ്രദ്ധിക്കേണ്ടത്...
തൈറോയ്ഡ് പ്രവർത്തനത്തെ നിയന്ത്രിക്കുന്നതിൽ വിറ്റാമിൻ ഡി വളരെ പ്രധാന പങ്ക് വഹിക്കുന്നു. വിറ്റാമിൻ ഡിയുടെ കുറവും ശരീരഭാരം വർദ്ധിപ്പിക്കുന്നതിന് കാരണമാകുന്നു. അതിനാൽ, തൈറോയ്ഡ് പ്രശ്‌നങ്ങളുണ്ടെങ്കിൽ വിറ്റാമിൻ ഡിയുടെ അളവ് പരിശോധിക്കുന്നതാണ് നല്ലത്. സൂര്യപ്രകാശത്തിൽ നിന്നോ മുട്ട, കൊഴുപ്പുള്ള മത്സ്യം, കൂൺ തുടങ്ങിയ ഭക്ഷണ സ്രോതസ്സുകളിൽ നിന്നോ ഉപഭോഗം വർദ്ധിപ്പിക്കാം.
തൈറോയിഡിനൊപ്പം ശരീരഭാരം കുറയ്ക്കാൻ കോപ്പറും ഒമേഗ 3യും സഹായിക്കും. തൈറോയ്ഡ് ഗ്രന്ഥികളുടെ ശരിയായ പ്രവർത്തനത്തിനും ചെമ്പ് അത്യാവശ്യമാണ്. ഇത് ഭാരം കുറയ്ക്കാൻ സഹായിക്കും. ചില മികച്ച ഭക്ഷണ സ്രോതസ്സുകളിൽ ബദാം, എള്ള്, പയർവർഗ്ഗങ്ങൾ എന്നിവ ഉൾപ്പെടുന്നു.
ഫൈബർ അടങ്ങിയ ഭക്ഷണം ദഹനത്തെ നിയന്ത്രിക്കാനും മോശം വിഷവസ്തുക്കളെ ഇല്ലാതാക്കാനും സഹായിക്കുന്നു. നാരുകൾ അടങ്ങിയ പഴങ്ങൾ, പച്ചക്കറികൾ, പയർവർഗ്ഗങ്ങൾ എന്നിവ ദൈനംദിന ഭക്ഷണത്തിൽ ഉൾപ്പെടുത്തുക.
സെലിനിയം അടങ്ങിയ നട്‌സ്, മത്തി, മുട്ട, പയർവർഗ്ഗങ്ങൾ തുടങ്ങിയ ഭക്ഷണങ്ങളും കഴിക്കുക. ഇവ ധാരാളം ടിഎസ്എച്ച് ഹോർമോണുകളും സെലിനിയവും ഉദ്പാദിപ്പിക്കാൻ സഹായിക്കുന്നു.
ദഹന പ്രശ്നങ്ങൾ അകറ്റും, പ്രതിരോധശേഷി കൂട്ടും ; അറിയാം ഉലുവ വെള്ളം കുടിച്ചാലുള്ള മറ്റ് ഗുണങ്ങൾ
