'മനസിനെ ശാന്തമാക്കാം'; ഇന്ന് ലോക മാനസികാരോഗ്യ ദിനം
കൊവിഡ് രോഗവിമുക്തരായ വ്യക്തികളിൽ മൂന്നിലൊന്ന് ഭാഗം ആളുകൾക്കും ചികിത്സ ആവശ്യമുള്ള മാനസികാരോഗ്യ പ്രശ്നങ്ങൾ പ്രത്യക്ഷപ്പെടുന്നുണ്ട്. മഹാമാരി സൃഷ്ടിച്ച സാമ്പത്തിക പ്രതിസന്ധികൾ ഒട്ടേറെപ്പേരെ വിഷാദത്തിലേക്കും ആത്മഹത്യാ പ്രവണതയിലേക്കും തള്ളിവിട്ടിട്ടുണ്ടെന്നും വിദഗ്ധർ പറയുന്നു.
ഇന്ന് ഒക്ടോബർ 10. ലോക മാനസികാരോഗ്യ ദിനമാണ് (world mental health day). മാനസികാരോഗ്യ രംഗത്തുള്ള സമഗ്ര മുന്നേറ്റം ലക്ഷ്യംവെച്ചാണ് ഈ ദിനം ലോകമെമ്പാടും ആചരിക്കപ്പെടുക. ‘അസമത്വ ലോകത്തിലും മാനസികാരോഗ്യം ഉറപ്പ് വരുത്താം’ എന്നതാണ് ഈ വർഷത്തെ മാനസികാരോഗ്യദിന സന്ദേശം. കൊവിഡ് (covid 19) നിരവധി ആളുകളുടെ മാനസികരോഗ്യത്തെ ബാധിച്ചതായി ലോകാരോഗ്യ സംഘടന ചൂണ്ടിക്കാട്ടുന്നു.
കൊവിഡ് രോഗവിമുക്തരായ വ്യക്തികളിൽ മൂന്നിലൊന്ന് ഭാഗം ആളുകൾക്കും ചികിത്സ ആവശ്യമുള്ള മാനസികാരോഗ്യ പ്രശ്നങ്ങൾ പ്രത്യക്ഷപ്പെടുന്നുണ്ട്. മഹാമാരി സൃഷ്ടിച്ച സാമ്പത്തിക പ്രതിസന്ധികൾ ഒട്ടേറെപ്പേരെ വിഷാദത്തിലേക്കും ആത്മഹത്യാ പ്രവണതയിലേക്കും തള്ളിവിട്ടിട്ടുണ്ടെന്നും വിദഗ്ധർ പറയുന്നു.
വർധിച്ചുവരുന്ന പ്രണയകൊലപാതകങ്ങളും കുറ്റകൃത്യങ്ങളും കുട്ടികളിൽ പോലും പെരുകുന്ന ആത്മഹത്യകളും ഒരു സമൂഹത്തിന്റെ മാനസികാരോഗ്യം തകരുന്നതിൻറെ അപകടസൂചനകളാണ്. മനസിന്റെ ആരോഗ്യം സംരക്ഷിക്കേണ്ടത് ശാരീരിക ആരോഗ്യം നിലനിർത്തുന്നതിനും അനിവാര്യമാണ്.
ദീർഘകാലമായി നീണ്ടുനിൽക്കുന്ന ജീവിതശൈലിരോഗങ്ങൾ ഉള്ള വ്യക്തികളിൽ മാനസികസമ്മർദം ആരോഗ്യം വഷളാക്കുന്നതായി കണ്ടെത്തിയിട്ടുണ്ട്. പ്രശ്നങ്ങൾ അടുപ്പമുള്ളവരുമായി പങ്കുവയ്ക്കുന്നതിലൂടെയും മനസ്സ് തുറന്നു സംസാരിക്കുന്നതിലൂടെയും ഒരു പരിധിവരെയെങ്കിലും മാനസിക സംഘർഷങ്ങൾ ലഘൂകരിക്കാനാകും.
സ്തനാർബുദം; അറിഞ്ഞിരിക്കേണ്ട ചിലത്...
