മാനസികാരോഗ്യത്തെ കുറിച്ചുള്ള അവബോധമെത്താത്ത, അതിന് പ്രാധാന്യം നല്കാനുള്ള അവസരം പോലുമില്ലാത്ത വലിയൊരു വിഭാഗം ജനത ഇവിടെ തുടരുന്നുണ്ട്. എന്തായാലും നമ്മുടെ ജീവിതരീതികള് ആരോഗ്യകരമാക്കുന്നതിലൂടെ ഒരളവ് വരെയൊക്കെ ചില മാനസികാരോഗ്യപ്രശ്നങ്ങള് പരിഹരിക്കാൻ നമുക്ക് സാധിക്കും
ശാരീരികാരോഗ്യം പോലെ തന്നെ പ്രധാനമാണ് മാനസികാരോഗ്യവും. മുൻകാലങ്ങളെ അപേക്ഷിച്ച് മാനസികാരോഗ്യവുമായി ബന്ധപ്പെട്ട ചര്ച്ചകള് കുറെക്കൂടി ഗൗരവത്തിലാകുന്നുണ്ട് ഇന്ന്. പ്രത്യേകിച്ച് ലോകത്തില് തന്നെ ഏറ്റവുമധികം വിഷാദരോഗികളുള്ള രാജ്യമാണ് ഇന്ത്യ എന്ന റിപ്പോര്ട്ടെല്ലാം വലിയ തരംഗമാണ് ഈ മേഖലയില് തീര്ത്തിരിക്കുന്നത്.
പക്ഷേ അപ്പോഴും മാനസികാരോഗ്യത്തെ കുറിച്ചുള്ള അവബോധമെത്താത്ത, അതിന് പ്രാധാന്യം നല്കാനുള്ള അവസരം പോലുമില്ലാത്ത വലിയൊരു വിഭാഗം ജനത ഇവിടെ തുടരുന്നുണ്ട്. എന്തായാലും നമ്മുടെ ജീവിതരീതികള് ആരോഗ്യകരമാക്കുന്നതിലൂടെ ഒരളവ് വരെയൊക്കെ ചില മാനസികാരോഗ്യപ്രശ്നങ്ങള് പരിഹരിക്കാൻ നമുക്ക് സാധിക്കും. ഇത്തരത്തില് മൂഡ് സ്വിംഗ്സ് അഥവാ മാനസികാവസ്ഥകള് പെട്ടെന്ന് മാറിമറിയുന്ന അവസ്ഥയ്ക്ക് ആശ്വാസമേകാൻ ഡയറ്റില് കരുതേണ്ട ചില കാര്യങ്ങളെ കുറിച്ചാണിനി പങ്കുവയ്ക്കുന്നത്.
പ്രോട്ടീൻ...
നല്ലതുപോലെ പ്രോട്ടീൻ അടങ്ങിയ ഭക്ഷണങ്ങള് കഴിക്കാൻ സാധിച്ചാല് മൂഡ് സ്വിംഗ്സ് ചെറിയ രീതിയില് കൈകാര്യം ചെയ്യാൻ സാധിക്കും. കാരണം ഇത് മൂഡ് സ്വിംഗ്സിന് ഇടയാക്കുന്ന ഹോര്മോണ് വ്യതിയാനങ്ങളെ ബാലൻസ് ചെയ്യാൻ സഹായിക്കുന്നു. എന്നാല് പ്രോട്ടീൻ ഫുഡ് കഴിക്കുന്നത് കൊണ്ട് മാത്രം മൂഡ് സ്വിംഗ്സ് പരിഹരിക്കപ്പെടണമെന്നില്ല.
ഫൈബര്...
ഹോര്മോണ് പ്രശ്നങ്ങളാണ് കാര്യമായും മൂഡ് സ്വിംഗ്സിലേക്ക് നയിക്കുന്നതെന്ന് പറഞ്ഞുവല്ലോ. ഹോര്മോണ് അധികമായാലും അത് പ്രശ്നം തന്നെയാണ്. ഈ പ്രശ്നം പരിഹരിക്കാനാണ് ഫൈബര് സഹായകമാകുന്നത്. അതിനാല് ഫൈബര് അടങ്ങിയ ഭക്ഷണവും ഡയറ്റിലുള്പ്പെടുത്തുക.
സോഡിയം- പൊട്ടാസ്യം ബാലൻസ്
നാം കഴിക്കുന്ന വിവിധ ഭക്ഷണങ്ങളിലൂടെയാണ് വിവിധ അവശ്യഘടകങ്ങള് നമുക്ക് ലഭിക്കുന്നത്. എന്നാല് എല്ലാ ഘടകങ്ങളും ആവശ്യത്തിന്, അല്ലെങ്കില് അളവിന് മാത്രം ലഭിച്ചാല് മതിയാകും. അല്ലെങ്കില് ബാലൻസ് തെറ്റി ഇതും പ്രതികൂലമായി ബാധിക്കാം. ഇത്തരത്തില് ശ്രദ്ധിക്കേണ്ടതാണ് സോഡിയം- പൊട്ടാസ്യം ബാലൻസ്. സോഡിയം പൊതുവില് തന്നെ നമുക്ക് കാര്യമായി കിട്ടുന്നതാണ്. എന്നാല് ഇതിന് ആനുപാതികമായി പൊട്ടാസ്യം വന്നില്ലെങ്കിലാണ് പ്രശ്നം. അതിനാല് പൊട്ടാസ്യം അടങ്ങിയ ഭക്ഷണം തെരഞ്ഞെടുത്ത് കഴിക്കുക.
കാത്സ്യം...
കാത്സ്യം അടങ്ങിയ ഭക്ഷണങ്ങള് ഡയറ്റിലുള്പ്പെടുത്തുന്നതിനും ഏറെ ശ്രദ്ധിക്കുക. കാരണം കാത്സ്യം നമ്മുടെ തൈറോയ്ഡ് ഹോര്മോണ് ഉത്പാദനത്തെ സ്വാധീനിക്കുന്ന ഘടകമാണ്. അതിനാല് തന്നെ കാത്സ്യമടങ്ങിയ ഭക്ഷണം ഹോര്മോൺ പ്രശ്നങ്ങള് പ്രതിരോധിക്കുന്നതിനും അതുവഴി മൂഡ് സ്വിംഗ്സ് പോലുള്ള പ്രശ്നങ്ങള് പരിഹരിക്കുന്നതിനും സഹായിക്കുന്നു.
ആന്റി-ഓക്സിഡന്റ്സ്...
നല്ലതുപോലെ ആന്റി-ഓക്സിഡന്റ്സ് അടങ്ങിയ ഭക്ഷണങ്ങള് ഡയറ്റിലുള്പ്പെടുത്തുന്നതും മൂഡ് സ്വിംഗ്സ് പരിഹരിക്കാൻ പ്രയോജനപ്പെടും. പ്രധാനമായും ശരീരത്തില് നിന്ന് വിഷാംശങ്ങള് പുറന്തള്ളുന്നതിനാണ് ആന്റി-ഓക്സിഡന്റ്സ് സഹായിക്കുന്നത്. ഇത് ഹോര്മോണ് ഒഴുക്കിനെയും പോസിറ്റീവായി സ്വാധീനിക്കുന്നു.
Also Read:- പ്രമേഹം നിയന്ത്രിക്കാൻ പതിവായി ഈ പാനീയങ്ങള് കുടിച്ചുനോക്കൂ...
ഏഷ്യാനെറ്റ് ന്യൂസ് ലൈവ് യൂട്യൂബില് കാണാം:-
