ഉയർന്ന കൊളസ്ട്രോൾ അലട്ടുന്നുണ്ടോ? എങ്കിൽ ഭക്ഷണത്തിൽ ശ്രദ്ധിക്കേണ്ടത് എന്തൊക്കെ?
ഫാസ്റ്റ് ഫുഡ് ഭക്ഷണത്തിൽ നിന്ന് പൂർണ്ണമായും ഒഴിവാക്കണം. ഫാസ്റ്റ് ഫുഡ് പതിവായി കഴിക്കുന്ന ആളുകൾക്ക് ഉയർന്ന കൊളസ്ട്രോൾ, കൂടുതൽ വയറിലെ കൊഴുപ്പ്, ഉയർന്ന രക്തസമ്മർദ്ദം, രക്തത്തിലെ പഞ്ചസാരയുടെ നിയന്ത്രണം എന്നിവ തകരാറിലാകുന്നു.
 )
ജീവിതശെെലി രോഗങ്ങളിൽ ഉൾപ്പെടുന്ന ഒന്നാണ് കൊളസ്ട്രോൾ. രക്തത്തിൽ കാണപ്പെടുന്ന മെഴുക് പദാർത്ഥമായ കൊളസ്ട്രോൾ, ഹോർമോണുകൾ, വിറ്റാമിൻ ഡി, കൊഴുപ്പുള്ള ഭക്ഷണങ്ങൾ ദഹിപ്പിക്കാൻ പ്രവർത്തിക്കുന്ന പദാർത്ഥങ്ങൾ എന്നിവ ഉൽപ്പാദിപ്പിക്കുന്നതിന് അത്യന്താപേക്ഷിതമാണ്. എന്നിരുന്നാലും, കൊളസ്ട്രോളിന്റെ അളവ് കൂടുന്നത് രക്തയോട്ടം തടയുന്നതിന് കാരണമാകും. ഇത് കൊറോണറി ഹൃദ്രോഗം, ഹൃദയാഘാതം അല്ലെങ്കിൽ സ്ട്രോക്ക് എന്നിവയിലേക്ക് നയിച്ചേക്കാമെന്ന് വിദഗ്ധർ പറയുന്നു. പോഷകസമൃദ്ധവും സമീകൃതവുമായ ഭക്ഷണക്രമം മോശം കൊളസ്ട്രോളിന്റെ അളവ് കുറയ്ക്കാൻ സഹായിക്കുമെന്ന് വിദഗ്ധർ പറയുന്നു.
ഉയർന്ന കൊളസ്ട്രോൾ ഉണ്ടാകുന്നതിന് പിന്നിലെ കാരണങ്ങൾ എന്തൊക്കെയാണ്?
അനാരോഗ്യകരമായ കൊഴുപ്പുകൾ അടങ്ങിയ ഭക്ഷണങ്ങളുടെ ഉയർന്ന ഉപഭോഗം.
ആരോഗ്യകരമായ കൊഴുപ്പുകൾ അടങ്ങിയ ഭക്ഷണങ്ങളുടെ കുറവ്.
നാരുകൾ അടങ്ങിയ ഭക്ഷണങ്ങളുടെ കുറവ്.
വ്യായാമമില്ലായ്മ.
പുകവലി ഉയർന്ന കൊളസ്ട്രോളിന് കാരണമാകും.
പാരമ്പര്യം.
അമിതമായി മദ്യം കഴിക്കുന്നത് കൊളസ്ട്രോളിന്റെയും ട്രൈഗ്ലിസറൈഡിന്റെയും അളവ് വർദ്ധിപ്പിക്കും.
ഉയർന്ന കൊളസ്ട്രോൾ ഉള്ളവർ എന്ത് കഴിക്കണം?
1. ആരോഗ്യമുള്ള ഹൃദയത്തിന് നാരുകൾ പ്രധാനമാണ്. പരിപ്പ്, വിത്തുകൾ, പയർവർഗ്ഗങ്ങൾ, ഓട്സ്, ചിയ, ഫ്ളാക്സ് സീഡുകൾ, ബീൻസ്, ബാർലി, ഓറഞ്ച്, ബ്ലൂബെറി എന്നിവ ഡയറ്റിൽ ഉൾപ്പെടുത്തുക.
2. പാചകത്തിന് ആരോഗ്യകരമായ എണ്ണകൾ ഉപയോഗിക്കുക - ചിലതിൽ സൂര്യകാന്തി എണ്ണ, സോയാബീൻ, ഒലിവ് ഓയിൽ, എള്ള്, നിലക്കടല എണ്ണകൾ എന്നിവ ഉൾപ്പെടുത്തുക.
ഉയർന്ന കൊളസ്ട്രോൾ ഉണ്ടെങ്കിൽ ഏതൊക്കെ ഭക്ഷണങ്ങൾ ഒഴിവാക്കണം?
വറുത്ത ഭക്ഷണങ്ങൾ, ഇറച്ചി, ചീസ് എന്നിവയിൽ കൊളസ്ട്രോൾ കൂടുതലാണ്.
ഫാസ്റ്റ് ഫുഡ് ഭക്ഷണത്തിൽ നിന്ന് പൂർണ്ണമായും ഒഴിവാക്കണം. ഫാസ്റ്റ് ഫുഡ് പതിവായി കഴിക്കുന്ന ആളുകൾക്ക് ഉയർന്ന കൊളസ്ട്രോൾ, കൂടുതൽ വയറിലെ കൊഴുപ്പ്, ഉയർന്ന അളവിലുള്ള വീക്കം, ഉയർന്ന രക്തസമ്മർദ്ദം, രക്തത്തിലെ പഞ്ചസാരയുടെ നിയന്ത്രണം എന്നിവ തകരാറിലാകുന്നു.
സോസേജുകൾ, ബേക്കൺ, ഹോട്ട് ഡോഗ് എന്നിവ പോലുള്ള സംസ്കരിച്ച മാംസങ്ങൾ എന്നിവ ഒഴിവാക്കുക.
കുക്കികൾ, കേക്കുകൾ, ഐസ്ക്രീം, പേസ്ട്രികൾ, മറ്റ് മധുരപലഹാരങ്ങൾ എന്നിവയിൽ കൊളസ്ട്രോൾ കൂടുതലാണ്. അതിനാൽ ഇവയും ഒഴിവാക്കാം.
മുടി ആരോഗ്യത്തോടെ വളരാൻ കറിവേപ്പില ; രണ്ട് രീതിയിൽ ഉപയോഗിക്കാം
