ബി പി നിയന്ത്രിക്കാൻ ഭക്ഷണകാര്യത്തിൽ ശ്രദ്ധിക്കേണ്ടത്...

രക്തസമ്മർദ്ദം നിയന്ത്രിച്ചില്ലെങ്കിൽ പല ആരോഗ്യ പ്രശ്നങ്ങൾക്കും കാരണമാകും. ഹൃദയം, തലച്ചോറ്, വൃക്ക തുടങ്ങി പല ശരീരഭാഗങ്ങളെയും ബാധിക്കുന്ന രോഗങ്ങൾ വരാനുള്ള അപകടസാധ്യത ഗണ്യമായി വർദ്ധിപ്പിക്കുന്ന ഒരു രോഗാവസ്ഥയാണ് രക്തസമ്മർദ്ദം.

സമ്മർദ്ദം, ഭയം, ഉയർന്ന കൊളസ്ട്രോൾ, മോശം ഭക്ഷണക്രമം, ഉദാസീനമായ ജീവിതശൈലി എന്നിവ ഉൾപ്പെടെ നിരവധി കാരണങ്ങളാൽ ഉയർന്ന രക്തസമ്മർദ്ദം അല്ലെങ്കിൽ രക്താതിമർദ്ദം സംഭവിക്കാം. ഉയർന്ന രക്തസമ്മർദ്ദം നിയന്ത്രിക്കുന്നതിന് ജീവിതശൈലി മാറ്റങ്ങൾ ആവശ്യമാണ്. രക്തസമ്മർദ്ദം നിയന്ത്രിക്കാനായി ഭക്ഷണകാര്യത്തിലും അൽപം ശ്രദ്ധ കൊടുക്കേണ്ടതായുണ്ട്.

ഓറഞ്ച്, ഞാവൽപ്പഴം, മാങ്ങ തുടങ്ങിയ പഴങ്ങൾ രക്തത്തിലെ മർദ്ദം കുറയ്ക്കാൻ സഹായിക്കുന്ന പൊട്ടാസ്യം പോലുള്ള വിറ്റാമിനുകളും ധാതുക്കളും അടങ്ങിയിരിക്കുന്നതിനാൽ ഈ പഴങ്ങൾ കഴിക്കുന്നത് പ്രത്യേകിച്ചും നല്ലതാണ്. ഇലക്കറിയിൽ അടങ്ങിയിട്ടുള്ള ആന്റിഓക്‌സിഡന്റുകൾ, നൈട്രേറ്റുകൾ എന്നിവ ഉയർന്ന രക്തസമ്മർദ്ദത്തെ നിയന്ത്രിക്കാൻ സഹായിക്കുന്നു. 

ഒമേഗ -3 ഫാറ്റി ആസിഡുകളും വിറ്റാമിനുകളും ധാതുക്കളും മത്സ്യത്തിൽ ധാരാളം അടങ്ങിയിട്ടുണ്ട്. ഇത് രക്തസമ്മർദ്ദം കുറയ്ക്കുന്നതിനും ഒമേഗ 3 ഫാറ്റി ആസിഡുകളുടെ സഹായത്തോടെ ശരീരത്തിൽ വീക്കം കുറയ്ക്കുന്നതിനും സഹായിക്കുന്നു. 

ഫ്ളാക്സ് സീഡ് ഉയർന്ന രക്തസമ്മർദ്ദം കുറയ്ക്കാൻ സഹായിക്കുന്നു. ഒരു ടേബിൾ സ്പൂൺ പൊടിച്ച ഫ്ളാക്സ് സീഡ് ഒരു കപ്പ് തൈരിൽ ചേർത്ത് കഴിക്കുക എന്നതാണ്. ഇലക്കറികള്‍, പ്രത്യേകിച്ച് ചീരയില രക്തസമ്മര്‍ദ്ധം കുറയ്ക്കുന്നതിന് സഹായിക്കും. അയണ്‍, വിറ്റാമിന്‍ സി തുടങ്ങിയ പോഷകങ്ങള്‍ ഇതില്‍ അടങ്ങിയിട്ടുണ്ട്. 

പാല്‍ കൊഴുപ്പുണ്ടാക്കുന്ന ഒന്നാണ് എന്ന് പറയുമെങ്കിലും പാട നീക്കം ചെയ്ത പാല്‍ ഏതു പ്രായക്കാര്‍ക്കും അനുയോജ്യമാണ്. പാലില്‍ രക്തസമ്മര്‍ദ്ദം നല്ലതുപോലെ കുറയ്ക്കുന്ന കാല്‍സ്യം, വിറ്റാമിന്‍ ഡി എന്നിവ അടങ്ങിയിട്ടുണ്ട്. 

രക്തക്കുഴലുകളുടെ കനം വര്‍ദ്ധിപ്പിക്കുന്നതും അവയെ സംരക്ഷിക്കുന്നതുമായ ഒട്ടേറെ ഘടകങ്ങള്‍ വെളുത്തുള്ളിയില്‍ അടങ്ങിയിട്ടുണ്ട്.  ഇത് ബി പി കൂടാനുള്ള സാഹചര്യങ്ങളെ ചെറുക്കുന്നു.

• diet
• high blood pressure '
• ബി പി നിയന്ത്രിക്കാൻ