നമ്മൾ കഴിക്കുന്ന ഭക്ഷണം ദഹിക്കാൻ എടുക്കുന്ന സമയം, അതിൽ നിന്നുള്ള സംതൃപ്തി, ശരീരം പോഷകങ്ങളെ ആഗിരണം ചെയ്യുന്ന രീതി എന്നിവയെല്ലാം ദഹനാരോഗ്യവുമായി നേരിട്ട് ബന്ധപ്പെട്ടിരിക്കുന്നു.
നമ്മളിൽ ഭൂരിഭാഗം ആളുകളും ശരീരഭാരം കുറയ്ക്കുന്നതിനെക്കുറിച്ച് ചിന്തിക്കുമ്പോൾ കലോറി കുറയ്ക്കുക, കഠിനമായ വ്യായാമം ചെയ്യുക അല്ലെങ്കിൽ പ്രത്യേക ഡയറ്റുകൾ പിന്തുടരുക എന്നിവയിലാണ് ശ്രദ്ധ കേന്ദ്രീകരിക്കാറുള്ളത്. എന്നാൽ, ദഹനപ്രക്രിയയുടെ ആരോഗ്യം ശരീരഭാരം നിയന്ത്രിക്കുന്നതിൽ എത്രത്തോളം പ്രധാനമാണെന്ന് പലർക്കും അറിയില്ല. നമ്മൾ കഴിക്കുന്ന ഭക്ഷണം ദഹിക്കാൻ എടുക്കുന്ന സമയം, അതിൽ നിന്നുള്ള സംതൃപ്തി, ശരീരം പോഷകങ്ങളെ ആഗിരണം ചെയ്യുന്ന രീതി എന്നിവയെല്ലാം ദഹനാരോഗ്യവുമായി നേരിട്ട് ബന്ധപ്പെട്ടിരിക്കുന്നു. ഫൈബർ അടങ്ങിയ ഭക്ഷണങ്ങൾ കഴിക്കുന്നതും, ശ്രദ്ധയോടെ ഭക്ഷണം കഴിക്കുന്ന ശീലവും വിശപ്പ് നിയന്ത്രിക്കാനും ശരീരഭാരം കുറയ്ക്കാനും സഹായിക്കുമെന്ന് വിദഗ്ദ്ധർ പറയുന്നു. ഈ ശീലങ്ങൾ പതിവാക്കൂ.
1. ഫൈബർ അടങ്ങിയ ഭക്ഷണങ്ങൾ ധാരാളമായി കഴിക്കുക
ശരീരഭാരം കുറയ്ക്കാൻ സഹായിക്കുന്ന ഒന്നാണ് ഫൈബർ അടങ്ങിയ ഭക്ഷണങ്ങൾ. ഇതിനെ ശരീരം പൂർണ്ണമായി ദഹിപ്പിക്കില്ല. ഇത് ദഹനപ്രക്രിയയെ പതുക്കെയാക്കുകയും കൂടുതൽ സമയം വിശപ്പില്ലാതെ നിലനിർത്താൻ സഹായിക്കുകയും ചെയ്യും. അതിനാൽ വിശപ്പ് നിയന്ത്രിക്കുന്നതിലും ശരീരഭാരം കുറയ്ക്കുന്നതിലും ഫൈബറിന് വലിയ പങ്കുണ്ട്. കൂടാതെ ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാനും കൊളസ്ട്രോൾ കുറയ്ക്കാനും സഹായിക്കും.
ഫൈബർ ലഭിക്കുന്ന സ്രോതസ്സുകൾ
Related Articles
ഓട്സ്, ആപ്പിൾ, ഓറഞ്ച്, ചിയ സീഡുകൾ, ഫ്ലാക്സ് സീഡുകൾ , ബീൻസ്, പരിപ്പ് വർഗ്ഗങ്ങൾ, പച്ചക്കറികൾ എന്നിവയിൽ ഫൈബർ ധാരാളമുണ്ട്.
ഫൈബർ എങ്ങനെ സഹായിക്കുന്നു?
- വയറ്റിൽ നിന്നും ഭക്ഷണം ദഹനനാളത്തിലേക്ക് നീങ്ങുന്ന പ്രക്രിയയെ സാവധാനത്തിലാക്കുന്നു.
2. രക്തത്തിലെ പഞ്ചസാരയുടെ അളവ് പെട്ടെന്ന് കൂടുന്നത് തടയുന്നു.
3. വിശപ്പ് നിയന്ത്രിക്കുന്ന ഹോർമോണുകളുടെ ഉത്പാദനത്തെ ഉത്തേജിപ്പിക്കുന്നു.
4. ഫൈബർ പ്രീബയോട്ടിക്സ് ആയി പ്രവർത്തിച്ച് കുടലിലെ നല്ല ബാക്ടീരിയകളെ വളർത്തുന്നു.
5. ദിവസേനയുള്ള ഭക്ഷണത്തിൽ ഫൈബർ ഉൾപ്പെടുത്തേണ്ട രീതികൾ
6. സൂപ്പ്, സലാഡുകൾ, കറികൾ എന്നിവയിൽ ബീൻസോ പരിപ്പ് വർഗ്ഗങ്ങളോ ചേർക്കുക.
7. മൈദയ്ക്ക് പകരം ഗോതമ്പ് ബ്രെഡ്, ഗോതമ്പ് പാസ്ത അല്ലെങ്കിൽ തവിടുള്ള അരി എന്നിവ ഉപയോഗിക്കുക.
8. ഓട്സ്, തൈര്, സ്മൂത്തികൾ എന്നിവയിലേക്ക് ചിയാ സീഡുകളോ ഫ്ലാക്സ് സീഡുകളോ ചേർക്കുക.
9. ദിവസവും പലതരത്തിലുള്ള പഴങ്ങളും പച്ചക്കറികളും കഴിക്കുക.
ശ്രദ്ധിക്കേണ്ടത്
ഫൈബർ അടങ്ങിയ ഭക്ഷണങ്ങൾ പെട്ടെന്ന് അമിതമായി കഴിക്കാതെ, ദഹനവ്യവസ്ഥയ്ക്ക് പൊരുത്തപ്പെടാൻ പാകത്തിൽ പടിപടിയായി ഭക്ഷണത്തിൽ ഉൾപ്പെടുത്താൻ ശ്രദ്ധിക്കുക.
2. കുടലിലെ ബാക്ടീരിയകളുടെ ആരോഗ്യം സംരക്ഷിക്കുക
നമ്മുടെ ദഹനനാളത്തിൽ ദശലക്ഷക്കണക്കിന് ബാക്ടീരിയകളും സൂക്ഷ്മാണുക്കളും ജീവിക്കുന്നുണ്ട്. ഇവയെയാണ് ഗട്ട് മൈക്രോബയോം എന്ന് വിളിക്കുന്നത്. ഇവ ഭക്ഷണത്തെ ദഹിപ്പിക്കാനും മെറ്റബോളിസം പ്രവർത്തനങ്ങളെ ഉത്തേജിപ്പിക്കാനും സഹായിക്കുന്നു. കുടലിലെ നല്ല ബാക്ടീരിയകളുടെ അളവിലുണ്ടാകുന്ന വ്യത്യാസങ്ങൾ ശരീരത്തിലെ നീർക്കെട്ട്, രക്തത്തിലെ പഞ്ചസാരയുടെ അളവ്, ശരീരഭാരം എന്നിവയെ സ്വാധീനിക്കാറുണ്ട്. എന്നാൽ ശരീരഭാരം നിയന്ത്രിക്കുന്നതിൽ ജനിതക ഘടകങ്ങൾ, വ്യായാമം, ഉറക്കം, ജീവിതശൈലി എന്നിവയും തുല്യ പ്രാധാന്യമുള്ളവയാണ്.
3. മൈൻഡ്ഫുൾ ഈറ്റിംഗ്
ഭക്ഷണം സാവധാനം കഴിക്കുക, നന്നായി ചവച്ചരച്ച് കഴിക്കുക, ടിവി അല്ലെങ്കിൽ ഫോൺ പോലുള്ള ശ്രദ്ധ തിരിക്കുന്ന കാര്യങ്ങൾ പൂർണ്ണമായി ഒഴിവാക്കുക എന്നിവയാണ് മൈൻഡ്ഫുൾ ഈറ്റിംഗിലൂടെ ഉദ്ദേശിക്കുന്നത്. ഇത് അമിതമായി ഭക്ഷണം കഴിക്കുന്നത് ഒഴിവാക്കാനും ഭക്ഷണവുമായുള്ള നല്ലൊരു ബന്ധം രൂപപ്പെടുത്താനും സഹായിക്കും.
4. പെട്ടെന്നുള്ള ഡയറ്റ് വേണ്ട
ശരീരഭാരം കുറയ്ക്കാനോ ദഹന പ്രശ്നങ്ങൾ പരിഹരിക്കാനോ വേണ്ടി കഠിനമായ ഡയറ്റുകളോ പ്രത്യേക സപ്ലിമെന്റുകളോ സ്വീകരിക്കുന്നത് പലപ്പോഴും ഗുണത്തേക്കാളേറെ ദോഷം ചെയ്യും. ഒരു കാരണവുമില്ലാതെ ഇഷ്ടപെട്ട ഭക്ഷണങ്ങൾ ഡയറ്റിൽ നിന്ന് പൂർണ്ണമായി ഒഴിവാക്കുന്നത് പോഷകാഹാരക്കുറവിന് കാരണമാകും.
