കൊവിഡ് 19 എന്ന മഹാമാരി ലോകം മുഴുവൻ മരണം വിതച്ചുകൊണ്ടിരിക്കുന്ന ഈ സാഹചര്യത്തിൽ നമ്മുടെ ജീവിതശൈലിയും സാമൂഹ്യ ഇടപെടൽ ശീലങ്ങളും മാറി കഴിഞ്ഞു. ഈ സാഹചര്യത്തില്‍ ആരോ​ഗ്യ സംരക്ഷണത്തിന്റെ പ്രാധാന്യം ഓർമ്മപ്പെടുത്തുകയാണ് നടി കനിഹ. 

ഗർഭകാലത്തിന് ശേഷം താൻ പഴയ രൂപത്തിലേക്ക് തിരിച്ചു വന്നതിനെ കുറിച്ചും കനിഹ തന്‍റെ ഇന്‍സ്റ്റഗ്രാം പോസ്റ്റിലൂടെ വ്യക്തമാക്കുന്നു. ആരോഗ്യകരമായി ഭക്ഷിക്കാനും ആരോ​ഗ്യത്തോടെ  ഇരിക്കാനും കനിഹ ആരാധകരെ ഓര്‍മ്മിപ്പിച്ചു.  'ആരോ​ഗ്യകരമായ ഭാവി ഇന്ന് നിങ്ങളുടെ കയ്യിലാണ്. ഒരു ദിവസം കുറഞ്ഞത് ഒരു മണിക്കൂർ മാത്രമേ ഇതിനായി വേണ്ടിവരൂ. നിങ്ങൾ നിങ്ങൾക്ക് നല്ല ആരോ​ഗ്യം സമ്മാനിക്കൂ'- കനിഹ കുറിച്ചു.  

കനിഹയുടെ കുറിപ്പില്‍ പറയുന്നത് ഇങ്ങനെ: 

'അതേ, എനിക്ക് വലിയ കുഞ്ഞായിരുന്നു.. ഗർഭകാലത്ത് എനിക്ക് കുറച്ചധികം വലിയ വയറായിരുന്നു.  അത് ഞാൻ അഭിമാനത്തോടെ തന്നെ കൊണ്ടു നടന്നിരുന്നു. പല അമ്മമാരെയും പോലെ പ്രസവ ശേഷം പഴയ രൂപത്തിലേക്ക് തിരിച്ച് വരാനുള്ള അവസരം എനിക്കുണ്ടായിരുന്നില്ല. കാരണം എന്റെ കുഞ്ഞിന് ജനിച്ചയുടനെ തന്നെ തുറന്ന ഹൃദയ ശസ്ത്രക്രിയയ്ക്ക് വിധേയനാവേണ്ടി വന്നു. 

ജീവിതത്തില്‍ ചിലപ്പോള്‍ അത്ഭുതങ്ങൾ സംഭവിക്കും.  എന്‍റെ മകൻ  അതിജീവിച്ചവനാണ്. അവൻ ജീവിതം തിരഞ്ഞെടുത്തു. ഈ പോസ്റ്റ് അതിനെക്കുറിച്ചല്ല. ഞാന്‍ എങ്ങനെയാണ് പഴയ രൂപത്തിലേക്ക് തിരിച്ചെത്തിയത് എന്നതിനെക്കുറിച്ചാണ്. 

ഒരേ ഒരു വഴിയാണ് ഞാൻ പിന്തുടർന്നത്. നിങ്ങളുടെ ജീവിതം, നിങ്ങളുടെ ശരീരം, നിങ്ങളുടെ അവകാശം. ഈ നിമിഷം വരെ എന്റെ ശരീരത്തെക്കുറിച്ചോ ഞാൻ കുഞ്ഞിനെ നോക്കുന്ന രീതിയെക്കുറിച്ചോ ആളുകളുടെ കമന്റുകൾക്ക്  ഞാൻ ചെവി കൊടുത്തിട്ടില്ല. എനിക്കെന്താണോ നേടേണ്ടത് അതിനായി ഞാന്‍ നിശബ്ദമായി പ്രയത്നിച്ചു.

ഇന്നും പലരും ചിന്തിക്കുന്നുണ്ടാകും, കമന്‍റ് ചെയ്യുന്നുണ്ടാകും എന്തുകൊണ്ട് ഞാൻ ഫിറ്റ്നസ് തിര‍ഞ്ഞെടുത്തു എന്ന്.  എന്‍റെ കരിയറിന് വേണ്ടിയാണ് ഞാന്‍ അത് തിര‍ഞ്ഞെടുത്തത് എന്നാണ്  പലരും കരുതുന്നത്. പക്ഷേ എന്റെ ഉത്തരം 'അല്ല' എന്നാണ്. എന്റെ ആരോ​ഗ്യകരമായ ഭാവിക്കായി ഞാൻ കരുതുന്ന സമ്പാദ്യമാണത്. 

അതുകൊണ്ട് ആരോഗ്യകരമായി ഭക്ഷിക്കൂ, ആരോ​ഗ്യത്തോടെ  ഇരിക്കൂ.  ആരോ​ഗ്യകരമായ ഭാവി ഇന്ന് നിങ്ങളുടെ കയ്യിലാണ്. ഒരു ദിവസം കുറഞ്ഞത് ഒരു മണിക്കൂർ മാത്രമേ ഇതിനായി വേണ്ടിവരൂ. നിങ്ങൾ നിങ്ങൾക്ക് നല്ല ആരോ​ഗ്യം സമ്മാനിക്കൂ. എനിക്ക് കഴിയുമെങ്കില്‍ എന്തുകൊണ്ട് നിങ്ങൾക്കായിക്കൂടാ?'- കനിഹ കുറിച്ചു.

 

 
 
 
 
 
 
 
 
 
 
 
 
 

Yes I had a big baby..I had an over sized,over flowing pregnant belly which I flaunted with pride. I din't have the luxury of recovering post delivery like many moms 'coz my child had to undergo an open heart surgery soon after birth.Miracles do happen and my little one is a survivor and He chose life. This post is not about that though..It's about how I managed to get back to my normalcy..I followed 1 simple rule. Your life, Your body ,Your right. Till date I never let people's comments about my looks or my parenting ways bother me.I silently keep working on what I wanna achieve. Even today many of you may think/comment why do I pursue fitness?? Many of you think I do it for the sake of my career etc ..But the answer is NO.I do it for myself.It's an investment I am making for my healthier future.. So guys try to eat healthy, stay fit!! A healthy future lies in your hands today. All it takes is less than an hour everyday. You are definitely worthy so gift yourself good health. If I can do it,why can't you? #stayfit #kaniha #motherhood

A post shared by Kaniha (@kaniha_official) on May 15, 2020 at 9:32pm PDT

 

Also Read: ബാഹ്യ സൗന്ദര്യമല്ല, മനസ്സിന്റെ നന്മയാണ് പ്രധാനം, സമ്മര്‍ദ്ദം അനുഭവിക്കുന്നവര്‍ക്കായി കനിഹയുടെ വീഡിയോ...