സോറിയാസിസ് രോഗത്തിന്റെ ക്യത്യമായ കാരണങ്ങള് ഇന്നും വ്യക്തമല്ലെങ്കിലും പ്രതിരോധ സംവിധാനത്തിന്റെ തകരാറും ജനിതക ഘടകങ്ങളുമെന്നാണ് പൊതുവേ കരുതുന്നത്. സ്ത്രീകളെയും പുരുഷന്മാരെയും കുട്ടികളെയും ഏത് പ്രായക്കാരെയും ഏത് തരം ചര്മ്മമുള്ളവരെയും ഇത് ബാധിക്കാം.
ചര്മ്മത്തിന്റെ പുറംപാളിയായ എപ്പിഡെര്മിസിന്റെ വളര്ച്ച ശരീരത്തിന്റെ ചില ഭാഗങ്ങളില് മാത്രം വര്ധിക്കുതാണ് സോറിയാസിസ്. തൊലി അസാധാരണമായ രീതിയില് കട്ടി വയ്ക്കുന്ന അവസ്ഥയാണ് സോറിയാസിസില് ഉണ്ടാകുന്നത്. വെറും നാല് ദിവസം കൊണ്ട് പുതിയ കോശങ്ങള് ചര്മപ്രതലത്തില് എത്തി കുന്നുകൂടുന്നു.ഇത് വേഗത്തില് ഇളകുന്ന ശല്ക്കങ്ങളായി കാണപ്പെടും.
ത്വക്കില് പാടുകള് ഉണ്ടാകുകയും അതില് ചുവപ്പോ കറുപ്പോ നിറത്തിലുള്ള അടയാളങ്ങള് പ്രത്യക്ഷപ്പെടുകയും അസഹ്യമായ ചൊറിച്ചില് ഉണ്ടാകുകയും ശല്ക്കങ്ങള് ഉണ്ടാകുകയും ചെയ്യുന്നതാണ് സോറിയാസിസിന്റെ പ്രധാന ലക്ഷണങ്ങള്. നഖങ്ങളില് നിറവ്യത്യാസം, ചെറിയ കുത്തുകള്, കേട് എന്നിവയും ചിലരില് കാണാം. തൊലി വല്ലാതെ വരണ്ടുപോവുകയും ഇതിനിടയില് വിള്ളല് വന്ന് രക്തം വരികയും ചെയ്യുന്നത്, തൊലിപ്പുറത്ത് പൊള്ളുന്നത് പോലുള്ള അനുഭവം, ചൊറിച്ചില്, വേദന എന്നിവ അനുഭവപ്പെടുന്നതൊക്കെ ഇതിന്റെ ലക്ഷണമാകാം. സന്ധികളില് വീക്കമോ വേദനയോ അനുഭവപ്പെടുന്നതും നഖങ്ങളില് വിള്ളലോ പൊട്ടലോ തുടര്ച്ചയായി ഉണ്ടാകുന്നതും ചിലരില് രോഗ ലക്ഷണമാകാം.
സോറിയാസിസ് രോഗത്തിന്റെ ക്യത്യമായ കാരണങ്ങള് ഇന്നും വ്യക്തമല്ലെങ്കിലും പ്രതിരോധ സംവിധാനത്തിന്റെ തകരാറും ജനിതക ഘടകങ്ങളുമെന്നാണ് പൊതുവേ കരുതുന്നത്. സ്ത്രീകളെയും പുരുഷന്മാരെയും കുട്ടികളെയും ഏത് പ്രായക്കാരെയും ഏത് തരം ചര്മ്മമുള്ളവരെയും ഇത് ബാധിക്കാം. സോറിയാസിസ് ഒരാളില്നിന്ന് മറ്റൊരാളിലേക്ക് പകരുന്ന രോഗമല്ല. സോറിയാസിസ് വീണ്ടും ആവര്ത്തിക്കുന്ന രോഗമായതിനാല് തുടര്ചികിത്സയും പരിചരണവും അനിവാര്യമാണ്. സോറിയാസിസിന് ആധുനിക വൈദ്യശാസ്ത്രത്തില് ഫലപ്രദമായ ചികിത്സാരീതികള് ലഭ്യമാണ്. ലക്ഷണങ്ങളെ ശമിപ്പിക്കുക, രോഗത്തിന്റെ തീവ്രത കുറയ്ക്കുക, രോഗശമന കാലയളവ് ദീര്ഘിപ്പിക്കുക എന്നിവയാണ് ചികിത്സയുടെ പ്രധാന ലക്ഷ്യങ്ങള്.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
Also Read: വണ്ണം കുറയ്ക്കണോ? ഡയറ്റില് ഉള്പ്പെടുത്താം ഈ രണ്ട് പഴങ്ങളും പാനീയങ്ങളും...
