കൂർക്കംവലി, പകൽ ഉറക്കം, ഉറക്കമില്ലായ്മ എന്നിവയെല്ലാം ഗ്ലോക്കോമയുടെ ഉയർന്ന സാധ്യതയുമായി ബന്ധപ്പെട്ടിരിക്കുന്നുവെന്നും ഗവേഷകർ പറഞ്ഞു. പകൽസമയത്ത് കൂർക്കം വലിച്ച് ഉറങ്ങുന്നവരിൽ ഗ്ലോക്കോമ ഉണ്ടാകാനുള്ള സാധ്യത 10 ശതമാനം കൂടുതലാണ്. ഉറക്കമില്ലായ്മ ഉള്ളവർക്ക് 13 ശതമാനം കൂടുതലാണെന്നും ഗവേഷകർ പറയുന്നു.
ഉറക്കക്കുറവ് ഗ്ലോക്കോമ ഉണ്ടാകാനുള്ള സാധ്യത വർദ്ധിപ്പിക്കുമെന്ന് പുതിയ പഠനം. ബിഎംജെ ഓപ്പൺ ജേണലിലാണ് പഠനം പ്രസിദ്ധീകരിച്ചത്. മോശം ഉറക്കം ഗ്ലോക്കോമ വികസിക്കുന്നതുമായി ബന്ധപ്പെട്ടിരിക്കുന്നതായി പഠനത്തിൽ പറയുന്നു. സ്ലീപ്പ് തെറാപ്പിയുടെ ആവശ്യകതയെക്കുറിച്ചും ഗവേഷകർ സൂചിപ്പിക്കുന്നു.
ദശലക്ഷക്കണക്കിന് ആളുകളെ ബാധിക്കുന്ന അന്ധതയ്ക്കുള്ള പ്രധാന കാരണങ്ങളിലൊന്നാണ് ഗ്ലോക്കോമ. 2040 ആകുമ്പോഴേക്കും 112 ദശലക്ഷം ആളുകൾ ഈ രോഗം ബാധിക്കുമെന്ന് കണക്കാക്കപ്പെടുന്നു. ഒപ്റ്റിക് നാഡികളിലെ പ്രകാശ-സെൻസിറ്റീവ് കോശങ്ങൾക്ക് കേടുപാടുകൾ സംഭവിക്കുന്ന ഒരു നേത്രരോഗമാണ് ഗ്ലോക്കോമ.
നേരത്തെ ചികിത്സിച്ചില്ലെങ്കിൽ രോഗം വഷളാകും. ഇത് മാറ്റാനാവാത്ത അന്ധതയിലേക്ക് നയിക്കുന്നു. ഉയർന്ന അപകടസാധ്യതയുള്ള വ്യക്തികൾക്ക് ഗ്ലോക്കോമ ഉണ്ടോയെന്ന് പരിശോധിക്കണമെന്ന് ഗവേഷക സംഘം വ്യക്തമാക്കി.
യുകെ ബയോബാങ്ക് ഗവേഷണത്തിന്റെ ഭാഗമായിരുന്നു ഈ പഠനം. യുകെ പങ്കാളികളിൽ നിന്നുള്ള ആരോഗ്യ വിവരങ്ങൾ ഉൾക്കൊള്ളുന്ന ബയോമെഡിക്കൽ ഡാറ്റാ പഠനത്തിന്റെ ഭാഗമായി പരിശോധിച്ചു. 409,053 പേരിലാണ് പഠനം നടത്തിയത്. പഠനത്തിൽ പങ്കെടുത്തവരെ 2021 മാർച്ച് വരെ നിരീക്ഷിച്ചു. 2006-2010 കാലയളവിൽ 40 നും 69 നും ഇടയിൽ പ്രായമുള്ളവരിലായിരുന്നു പഠനം നടത്തിയത്.
Read more കണ്ണുകളുടെ ആരോഗ്യം കാക്കാൻ കഴിക്കേണ്ട ഏഴ് ഭക്ഷണങ്ങൾ
ഏഴ് മുതൽ ഒമ്പത് മണിക്കൂർ വരെ ഉറക്കം ഉൾക്കൊള്ളുന്ന സ്ലീപ്പ് പാറ്റേണുകൾ സാധാരണ വേരിയബിളായി കണക്കാക്കപ്പെട്ടിരുന്നു. അതേസമയം ഈ പരിധിക്ക് പുറത്തുള്ള എന്തും അമിതമായോ കുറഞ്ഞതോ ആയ ഉറക്കമായി കണക്കാക്കപ്പെടുന്നു.
ഏകദേശം 11 വർഷത്തെ നിരീക്ഷണ കാലയളവിൽ 8,690 ഗ്ലോക്കോമ കേസുകൾ ഗവേഷകർ കണ്ടെത്തി. ഗ്ലോക്കോമ രോഗനിർണയം ഇല്ലാത്തവരെ അപേക്ഷിച്ച് ഈ രോഗം ബാധിച്ചവർ പ്രായമായവരും പുരുഷന്മാരും വിട്ടുമാറാത്ത പുകവലിക്കാരും ആയിരിക്കാനുള്ള സാധ്യത കൂടുതലും ഉയർന്ന രക്തസമ്മർദ്ദമോ പ്രമേഹമോ ഉള്ളവരുമാണെന്ന് പഠനത്തിൽ പറയുന്നു.
കൂർക്കംവലി, പകൽ ഉറക്കം, ഉറക്കമില്ലായ്മ എന്നിവയെല്ലാം ഗ്ലോക്കോമയുടെ ഉയർന്ന സാധ്യതയുമായി ബന്ധപ്പെട്ടിരിക്കുന്നുവെന്നും ഗവേഷകർ പറഞ്ഞു. പകൽസമയത്തെ ഉറക്കം, കൂർക്കംവലി, ഉറക്കമില്ലായ്മ, ഉറക്കത്തിന്റെ ദൈർഘ്യം എന്നിവ ഉൾപ്പെടുന്ന ഉറക്ക പെരുമാറ്റങ്ങൾ പഠനം വിലയിരുത്തി.
സ്ലീപ്പിംഗ് പാറ്റേൺ ക്രോണോടൈപ്പ് ഒഴികെ മറ്റ് നാല് ഉറക്ക സ്വഭാവങ്ങളും ഗ്ലോക്കോമയുടെ ഉയർന്ന അപകടസാധ്യതയുമായി ബന്ധപ്പെട്ടിരിക്കുന്നു. പകൽസമയത്ത് കൂർക്കം വലിച്ച് ഉറങ്ങുന്നവരിൽ ഗ്ലോക്കോമ ഉണ്ടാകാനുള്ള സാധ്യത 10 ശതമാനം കൂടുതലാണ്, ഉറക്കമില്ലായ്മ ഉള്ളവർക്ക് 13 ശതമാനം കൂടുതലാണെന്നും ഗവേഷകർ പറയുന്നു. ഉയർന്ന അപകടസാധ്യതയുള്ള വ്യക്തികളിൽ നേരത്തെയുള്ള സ്ക്രീനിംഗിന്റെയും രോഗനിർണയത്തിന്റെയും പ്രാധാന്യം ഈ പഠനം ചൂണ്ടിക്കാട്ടുന്നു. ചില പ്രതിരോധ മാർഗങ്ങളിലൂടെ ഗ്ലോക്കോമ തടയാൻ കഴിയുമെന്നും ഗവേഷകർ പറഞ്ഞു.
എന്താണ് ഗ്ലോക്കോമ? ലക്ഷണങ്ങൾ എന്തൊക്കെ?
60 വയസ്സിന് മുകളിലുള്ളവരിൽ അന്ധതയ്ക്കുള്ള പ്രധാന കാരണമാണ് ഗ്ലോക്കോമ. എന്നിരുന്നാലും ഇത് ഏത് പ്രായക്കാരെയും ബാധിക്കാം. ആഗോളതലത്തിൽ അന്ധതയ്ക്ക് കാരണമാകുന്ന രോഗങ്ങൾ രണ്ടാം സ്ഥാനത്താണ് ഗ്ലോക്കോമ. ഗ്ലോക്കോമയെക്കുറിച്ച് ബോധവത്ക്കരണം നടത്തുന്നതിനായി മാർച്ച് ആറ് മുതൽ 12 വരെ ലോക ഗ്ലോക്കോമ വാരാചരണം ആചരിച്ച് വരുന്നു.
ഒപ്റ്റിക് നാഡിയെ തകരാറിലാക്കുന്ന ഒരു കൂട്ടം നേത്രരോഗമാണ് ഗ്ലോക്കോമ. ഒപ്റ്റിക് നാഡി കണ്ണിൽ നിന്ന് തലച്ചോറിലേക്ക് ദൃശ്യ വിവരങ്ങൾ അയയ്ക്കുകയും നല്ല കാഴ്ചയ്ക്ക് അത്യന്താപേക്ഷിതവുമാണ്. ഒപ്റ്റിക് നാഡിക്ക് ഉണ്ടാകുന്ന കേടുപാടുകൾ പലപ്പോഴും കണ്ണിലെ ഉയർന്ന മർദ്ദവുമായി ബന്ധപ്പെട്ടിരിക്കുന്നു.
രോഗത്തിൽ തുടക്കത്തിൽ തന്നെ കണ്ടുപിടിച്ച് ചികിത്സ നൽകിയാൽ കാഴ്ച നഷ്ടം മന്ദഗതിയിൽ ആക്കുകയോ തടയുകയോ ചെയ്യാം. കഠിനമായ തലവേദന, കടുത്ത കണ്ണ് വേദന, ഓക്കാനം അല്ലെങ്കിൽ ഛർദ്ദി, മങ്ങിയ കാഴ്ച, കണ്ണിന് ചുവപ്പ് നിറം വരിക എന്നിവയാണ് ഗ്ലോക്കോമയുടെ പ്രധാനപ്പെട്ട ലക്ഷണങ്ങൾ.
Read more ഈ ശീലങ്ങള് നിങ്ങളുടെ കണ്ണുകളുടെ ആരോഗ്യത്തെ ബാധിക്കാം...
