Asianet News MalayalamAsianet News Malayalam

പ്രതിരോധശേഷി വർദ്ധിപ്പിക്കാം, അണുബാധകൾക്കെതിരെ പോരാടാം; നിങ്ങൾ ചെയ്യേണ്ടത് ...

' വിറ്റാമിൻ സി നിങ്ങളുടെ രോഗപ്രതിരോധ ശേഷിയെ ശക്തമാക്കുന്നു. വിറ്റാമിൻ സി അടങ്ങിയ ഭക്ഷണങ്ങളായ നെല്ലിക്ക, നാരങ്ങ, കിവി, മാമ്പഴം, ഓറഞ്ച് മുതലായവ നിങ്ങൾ കഴിക്കുന്നുണ്ടെന്ന് ഉറപ്പാക്കുക' - പോഷകാഹാര വിദഗ്ധ ഡോ. രോഹിണി സോംനാഥ് പറയുന്നു.

May increase immunity fight infections these vitamins and minerals in your diet
Author
Delhi, First Published Jun 19, 2020, 7:39 PM IST
  • Facebook
  • Twitter
  • Whatsapp

ഓരോ നിമിഷവും രോഗങ്ങളുമായി പൊരുതാന്‍ ശരീരത്തിന് ആവശ്യമായവയാണ് വിറ്റാമിനുകളും ധാതുക്കളും. '' മനുഷ്യായുസ്സും ആരോഗ്യവും നിലനിര്‍ത്താന്‍ വിറ്റാമിനുകളും ധാതുക്കളും അത്യാവശ്യമാണ്. ഇവ രണ്ടും വൈറസ് പ്രതിരോധിക്കുന്ന സൂപ്പർഹീറോ ആണെന്നും ഇത് നിങ്ങളുടെ ശരീരത്തിനും മൊത്തത്തിലുള്ള ആരോഗ്യത്തിനും വളരെയധികം ഗുണം ചെയ്യും-'' പോഷകാഹാര വിദഗ്ധ ഡോ. രോഹിണി സോംനാഥ് പറയുന്നു. പ്രതിരോധശേഷി വർദ്ധിപ്പിക്കാനും അണുബാധകൾക്കെതിരെ പോരാടാനും സഹായിക്കുന്ന പ്രധാനപ്പെട്ട ചില വിറ്റാമിനുകളെയും ധാതുക്കളെയും കുറിച്ചാണ് ഡോ. രോഹിണി പറയുന്നത്.

വിറ്റാമിന്‍ സി...

'വിറ്റാമിന്‍ സി' എന്നത് ഒരു പ്രധാന മൈക്രോ ന്യൂട്രിയന്‍റും ഒരു ആന്‍റിഓക്സിഡന്‍റുമാണ്. വിറ്റാമിന്‍ സി മുറിവുകള്‍ ഉണങ്ങുന്നതിനും, അമിനോ ആസിഡിന്‍റെയും കാര്‍ബോഹൈഡ്രേറ്റിന്‍റെയും പരിണാമത്തിനും ചില ഹോര്‍‌മോണുകളുടെ സമന്വയത്തിനും സഹായിക്കുന്നു.

'' വിറ്റാമിൻ സി നിങ്ങളുടെ രോഗപ്രതിരോധ ശേഷിയെ ശക്തമാക്കുന്നു. വിറ്റാമിൻ സി അടങ്ങിയ ഭക്ഷണങ്ങളായ നെല്ലിക്ക, നാരങ്ങ, കിവി, മാമ്പഴം, ഓറഞ്ച് മുതലായവ നിങ്ങൾ കഴിക്കുന്നുണ്ടെന്ന് ഉറപ്പാക്കുക. വിറ്റാമിൻ സിയെ അസ്കോർബിക് ആസിഡ് (ascorbic acid) എന്നും അറിയപ്പെടുന്നു. പുളിപ്പുള്ള പഴങ്ങളിൽ മിക്കതിലും ഇത് കാണപ്പെടുന്നു'' - ഡോ. സോംനാഥ് പറയുന്നു.

വിറ്റാമിൻ ഇ...

'വിറ്റാമിൻ ഇ' ഒരു ശക്തമായ ആന്റിഓക്‌സിഡന്റാണ്, ഇത് നിങ്ങളുടെ ശരീരത്തെ അണുബാധകളെ ചെറുക്കാൻ സഹായിക്കുന്നു. ബദാം, നിലക്കടല, പച്ചനിറത്തിലുള്ള ഇലക്കറികൾ, അവാക്കാഡോ, ബ്ലാക്ക് ബെറി എന്നിവയിൽ വിറ്റാമിൻ ഇ ധാരാളമായി അടങ്ങിയിരിക്കുന്നു. 

മഗ്നീഷ്യം, സിങ്ക്...

'' വിറ്റാമിൻ ഡി, സി എന്നിവയ്‌ക്കൊപ്പം മഗ്നീഷ്യം, സിങ്ക് എന്നിവ നമ്മുടെ ശരീരത്തിലെ എൻസൈമാറ്റിക്  (enzymatic) പ്രവർത്തനം നിർണായകമാക്കുന്നതിൽ പങ്ക് വഹിക്കുന്ന ധാതുക്കളാണ്. വിറ്റാമിൻ ഡിയെ അതിന്റെ സജീവമായ ഉപയോഗയോഗ്യമായ രൂപമാക്കി മാറ്റാൻ മഗ്നീഷ്യം സഹായിക്കുന്നു. സിങ്ക് നമ്മുടെ ശരീരത്തെ സംരക്ഷിക്കുകയും രോഗപ്രതിരോധ കേടുപാടുകൾക്ക് പ്രതികരിക്കുകയും ചെയ്യുന്നു. '' - ഡോ. രോഹിണി പറയുന്നു.

സെലിനിയം...

കാൻസറുകളോടുള്ള ശരീരത്തിന്റെ അമിത പ്രതികരണങ്ങളെ മന്ദഗതിയിലാക്കാനുള്ള കഴിവ് ഉൾപ്പെടെ, രോഗപ്രതിരോധവ്യവസ്ഥയിൽ സെലിനിയം ശക്തമായ സ്വാധീനം ചെലുത്തുന്നുവെന്ന് ഡോ.രോഹിണി പറയുന്നു. വെളുത്തുള്ളി, ബ്രൊക്കോളി, മത്തി, ട്യൂണ, ബാർലി തുടങ്ങിയ ഭക്ഷണങ്ങളിൽ സെലിനിയത്തിന്റെ അളവ് കൂടുതലാണ്.

ഈ വര്‍ഷം അവസാനത്തിന് മുന്‍പ് കൊവിഡിന് വാക്സിന്‍ ലഭ്യമായേക്കും: ലോകാരോഗ്യ സംഘടന...


 

Follow Us:
Download App:
  • android
  • ios