അമിത വണ്ണവും മസ്തിഷ്കത്തിലെ തകരാറുകളും തമ്മിൽ ബന്ധമുണ്ടെന്ന് പഠനം
അമിതവണ്ണം തലച്ചോറിന്റെ പ്രവർത്തനത്തെ പ്രതികൂലമായി ബാധിച്ചേക്കാമെന്ന് 'മോളിക്യുലർ സൈക്കിയാട്രി ' എന്ന ജേണലിൽ പ്രസിദ്ധീകരിച്ച പഠനത്തിൽ പറയുന്നു.
അമിത വണ്ണവും മസ്തിഷ്കത്തിലെ തകരാറുകളും തമ്മിൽ ബന്ധമുണ്ടെന്ന് പഠനം. ' മേജർ ഡിപ്രസീവ് ഡിസോർഡർ' ( Major depressive disorder) എന്ന അവസ്ഥയിലൂടെ കടന്നുപോകുന്നവരിലും അമിതവണ്ണം ബന്ധപ്പെട്ടിരിക്കുന്നുവെന്ന് ഗവേഷകർ പറയുന്നു. അമിതവണ്ണത്തിന്റെ അപകടസാധ്യത തലച്ചോറിന്റെ ഉപരിതല വിസ്തീർണ്ണവുമായി ബന്ധപ്പെട്ടിരിക്കുന്നുവെന്ന് പഠനത്തിൽ വ്യക്തമാക്കുന്നു.
അമിതവണ്ണം തലച്ചോറിന്റെ പ്രവർത്തനത്തെ പ്രതികൂലമായി ബാധിച്ചേക്കാമെന്ന് 'മോളിക്യുലർ സൈക്കിയാട്രി' എന്ന ജേണലിൽ പ്രസിദ്ധീകരിച്ച പഠനത്തിൽ പറയുന്നു. മിക്ക പഠനങ്ങളിൽ കാണപ്പെടുന്ന ഏറ്റവും പ്രധാനപ്പെട്ട കണ്ടെത്തലുകളിൽ ഒന്ന്, അമിതവണ്ണമുള്ളവർക്ക് മസ്തിഷ്ക ചാരനിറത്തിലുള്ള പദാർത്ഥങ്ങൾ കുറവാണ് എന്നുള്ളതാണ്.
ഈ പഠനങ്ങൾ 'ബി‌എം‌ഐ'യും (ബോഡി മാസ് ഇൻഡെക്സും) മസ്തിഷ്ക ഘടനയും തമ്മിലുള്ള ബന്ധത്തിന് ശക്തമായ തെളിവുകൾ നൽകുന്നുണ്ടെങ്കിലും, ഇവ തമ്മിലുള്ള ബന്ധത്തെക്കുറിച്ചുള്ള നിലവിലെ ധാരണ വളരെ പരിമിതമാണെന്ന് ഗവേഷകർ പറയുന്നു.
അമിതവണ്ണവും മസ്തിഷ്ക ഘടനാപരമായ അസാധാരണത്വവും ജനിതക ഘടകങ്ങളുടെ സാധ്യമായ സംഭാവനയും തമ്മിലുള്ള ബന്ധത്തെക്കുറിച്ച് പര്യവേക്ഷണം ചെയ്യാൻ ഒരു അന്താരാഷ്ട്ര ടീം ENIGMA MDD വർക്കിംഗ് ഗ്രൂപ്പിന്റെ ഭാഗമായ ഒരു കൂട്ടം വ്യക്തികളിൽ പഠനം നടത്തുകയായിരുന്നു. പഠനത്തിൽ പങ്കെടുത്തവരിൽ അമിതവണ്ണവും സാധാരണ ഭാരവും ഉള്ളവർ ഉണ്ടായിരുന്നു.
തലച്ചോറിലെ ഘടനാപരമായ അസാധാരണതകളുമായി അമിതവണ്ണം ശക്തമായി ബന്ധപ്പെട്ടിരിക്കുന്നുവെന്ന് പഠനത്തിൽ കണ്ടെത്തി. അമിതവണ്ണവുമായി ബന്ധപ്പെട്ട ഏറ്റവും കൂടുതൽ ഘടനാപരമായ വൈകല്യം മസ്തിഷ്ക കോർട്ടക്സിന്റെ (brain cortex) കനം കുറയ്ക്കുന്നതാണ്. ഇത് വ്യത്യസ്ത ന്യൂറോ സൈക്കിയാട്രിക് ഡിസോർഡേഴ്സ് (neuropsychiatric disorders) ഉള്ളവരിൽ സാധാരണയായി കാണപ്പെടുന്ന ഘടനാപരമായ അസാധാരണതകളെ ശക്തമായി സാമ്യപ്പെടുത്തുന്നു.
സംസാരം, ചിന്ത, ഓർമ്മ തുടങ്ങിയ പ്രവർത്തനങ്ങളെ നിയന്ത്രിക്കുന്ന തലച്ചോറിന്റെ ബാഹ്യ മേഖലയാണ് കോർട്ടെക്സ് (Cortex). അമിതവണ്ണവും മസ്തിഷ്ക കോർട്ടിക്കൽ കനവും തമ്മിലുള്ള ബന്ധത്തിന് പ്രായം മധ്യസ്ഥത വഹിക്കുന്നതായും ഗവേഷകർ കണ്ടെത്തി. പ്രായമായ വ്യക്തികൾക്ക് അമിതവണ്ണത്താൽ കോർട്ടിക്കൽ കനം കുറയുന്നതായി പഠനത്തിൽ പറയുന്നു.
ആരോഗ്യകരമായ ആളുകളിലും വിഷാദരോഗികളായ രോഗികളിലും അമിതവണ്ണവും മസ്തിഷ്ക ഘടനാപരമായ അസാധാരണത്വവും തമ്മിലുള്ള സമാന ബന്ധമാണ് ഇപ്പോഴത്തെ കണ്ടെത്തലുകൾ കാണിക്കുന്നതെന്ന് ഗവേഷകർ ചൂണ്ടിക്കാട്ടി.
