ആഹാരത്തിലൂടെ അകത്തു കടക്കുന്ന പല വിഷം കലർന്ന പദാർത്ഥങ്ങളെയും കരൾ നിരുപദ്രവകാരികളാക്കി മാറ്റുന്നു. ശരീരത്തിന് ആവശ്യമായ തോതിൽ കൊളസ്ട്രോൾ നിർമ്മിക്കുന്നത് കരളിലാണ്. കരൾ രോഗങ്ങൾ പലതരത്തിലുള്ള അസുഖങ്ങളാകും ഉണ്ടാക്കുക. കരളിനുണ്ടാകുന്ന പ്രശ്നങ്ങള് ഗുരുതരമായ അസുഖങ്ങള്ക്ക് കാരണമാകുകയും മരണം വരെ സംഭവിക്കാനിടയാക്കുകയും ചെയ്യാം
മനുഷ്യശരീരത്തിലെ നിരവധി അവയവങ്ങളിൽ ഏറ്റവും പ്രധാനപ്പെട്ട അവയവമാണ് കരൾ. നമ്മൾ കഴിക്കുന്ന ആഹാരം വയറ്റിലും കുടലിലും ദഹിക്കുന്നു. പിന്നീട് രക്തത്തിലേക്ക് പ്രവേശിച്ച് നേരേ കരളിലേക്കാണ് എത്തുന്നത്. ശരീരത്തിന് വേണ്ട പോഷക വസ്തുക്കളായി ഭക്ഷണത്തെ മാറ്റുന്നത് കരളാണ്. കൂടാതെ പ്രോട്ടീനുകൾ വിഘടിക്കുമ്പോൾ ഉണ്ടാകുന്ന അമോണിയ എന്ന വസ്തു യൂറിയയാക്കി മാറ്റി വൃക്കകൾ വഴി മൂത്രത്തിലൂടെ പുറത്തു കളയുന്നു.
ആഹാരത്തിലൂടെ അകത്തു കടക്കുന്ന പല വിഷം കലർന്ന പദാർത്ഥങ്ങളെയും കരൾ നിരുപദ്രവകാരികളാക്കി മാറ്റുന്നു. ശരീരത്തിന് ആവശ്യമായ തോതിൽ കൊളസ്ട്രോൾ നിർമ്മിക്കുന്നത് കരളിലാണ്. കരൾ രോഗങ്ങൾ പലതരത്തിലുള്ള അസുഖങ്ങളാകും ഉണ്ടാക്കുക. കരളിനുണ്ടാകുന്ന പ്രശ്നങ്ങള് ഗുരുതരമായ അസുഖങ്ങള്ക്ക് കാരണമാകുകയും മരണം വരെ സംഭവിക്കാനിടയാക്കുകയും ചെയ്യാം.
എന്നാല് തുടക്കത്തിലെ കരളിന്റെ അനാരോഗ്യം സംബന്ധിച്ച് ലഭിക്കുന്ന സൂചനകള് മനസിലാക്കി ചികിത്സ തേടിയാല്, അപകടം ഒഴിവാക്കാനാകും. അമിത മദ്യപാനവും പുകവലിയും പലപ്പോഴും കരള് രോഗത്തിന് കാരണമാകും. കരളിന്റെ ആരോഗ്യം അപകടത്തിലാകുന്നതിന്റെ പ്രാരംഭ സൂചനകള് ഇവയൊക്കെ...
ക്ഷീണം, തളർച്ച...
എപ്പോഴും ക്ഷീണം, തളർച്ച അനുഭവപ്പെടുന്നുണ്ടെങ്കിൽ ശ്രദ്ധിക്കുക. കരളിന്റെ ആരോഗ്യം അപകടത്തിലാകുന്നതിന്റെ പ്രാരംഭ സൂചനകളിലൊന്നാണ്. വൃക്കയുടെ പ്രവർത്തനത്തിൽ ഗുരുതരമായ കുറവ് കാരണം രക്തത്തിൽ വിഷവസ്തുക്കളും മാലിന്യങ്ങളും ഉണ്ടാകുന്നു. ഇത് ആളുകളെ ക്ഷീണിതവും ബലഹീനവും അനുഭവിക്കാൻ ഇടയാക്കുന്നു.
ശരീരത്തിലെ നിറം മാറ്റം...
കരളിന്റെ ആരോഗ്യം മോശമായി തുടങ്ങുമ്പോള് ചര്മ്മം, കണ്ണിലെ വെള്ളഭാഗം എന്നിവയൊക്കെ മഞ്ഞനിറമായി മാറും. കരളിന്റെ അനാരോഗ്യം കാരണം സംഭവിക്കുന്ന മഞ്ഞപ്പിത്തം എന്ന അസുഖത്തിന്റെ പ്രധാന ലക്ഷണമാണിത്. പരിധിയില് അധികം ബിലിറൂബിന് ഉല്പാദിപ്പിക്കപ്പെടുമ്പോഴാണ് ഇത്തരത്തില് മഞ്ഞനിറം വരുന്നത്.
വിഷപദാര്ത്ഥങ്ങള് അടിഞ്ഞുകൂടും...
കരളിന്റെ പ്രവര്ത്തനം താറുമാറാകുമ്പോള്, ശരീരത്തിലെ വിഷപദാര്ത്ഥങ്ങള് അടിഞ്ഞുകൂടും. പ്രധാനമായും മൂത്രത്തിന്റെ നിറവ്യത്യാസമാണ് ഇതിന്റെ പ്രധാന ലക്ഷണം. മൂത്രം കടുംനിറത്തിലായിരിക്കും. ചിലപ്പോള് കടും ചുവപ്പ് നിറത്തിലും മൂത്രം കാണപ്പെടും.
തടിപ്പും നീര്ക്കെട്ടും...
ശരീരത്തില് പെട്ടെന്നുണ്ടാകുന്ന തടിപ്പും, നീര്ക്കെട്ടും കരള്രോഗത്തിന്റെ ലക്ഷണമാകാം. വയര്, കാല് എന്നിവിടങ്ങളില് വെള്ളംകെട്ടി നില്ക്കുന്നതുകൊണ്ടാണ് നീര്ക്കെട്ട് ഉണ്ടാകുന്നത്.
