ചെറുപ്പക്കാരില് പോലും ഹാര്ട്ട് അറ്റാക്ക് ഉണ്ടാവുകയും മരണം വരെ സംഭവിക്കുകയും ചെയ്യുന്നു. ഹൃദയാഘാതത്തിന്റെ സൂചനകള് എന്തൊക്കെയാണെന്ന് നോക്കാം.
ഹാര്ട്ട് അറ്റാക്ക് അഥവാ ഹൃദയാഘാതം സംഭവിക്കുന്നവരുടെ എണ്ണം ഇന്ന് കൂടിവരുകയാണ്. ചെറുപ്പക്കാരില് പോലും ഹാര്ട്ട് അറ്റാക്ക് ഉണ്ടാവുകയും മരണം വരെ സംഭവിക്കുകയും ചെയ്യുന്നു. ഹൃദയാഘാതത്തിന്റെ സൂചനകള് എന്തൊക്കെയാണെന്ന് നോക്കാം.
1. ശ്വാസതടസം
ശ്വസിക്കാനുള്ള ബുദ്ധിമുട്ട് അനുഭവപ്പെടുന്നത് ചിലപ്പോള് ഹൃദയാഘാതത്തെ സൂചിപ്പിക്കാം. നടക്കുമ്പോഴോ ഉറക്കത്തിലോ ഉള്ള ശ്വാസതടസം ഹൃദയാഘാതവുമായി ബന്ധപ്പെട്ട ഒരു പ്രധാന ലക്ഷണമാണ്.
2. നെഞ്ചുവേദന
നെഞ്ചുവേദനയാണ് ഹൃദയാഘാതത്തിന്റെ ഏറ്റവും പ്രധാനപ്പെട്ട ലക്ഷണം. നെഞ്ചിന്റെ മധ്യഭാഗത്തോ ഇടത് വശത്തോ ഉണ്ടാകുന്ന ഈ വേദന ചിലപ്പോള് തോളിലും കഴുത്തിലും വയറിലും നടുവിലുമൊക്കെ പടര്ന്നേക്കാം.
3. വിയർക്കുക
അമിതമായി വിയർക്കുന്നതാണ് മറ്റൊരു പ്രധാന ലക്ഷണം. ഉത്കണ്ഠ, ഭയം, തുടങ്ങിയ വൈകാരിക ലക്ഷണങ്ങളും ചിലപ്പോൾ ഹൃദയാഘാതത്തിന്റെ സൂചനയായി ഉണ്ടാകാം.
4. കാലില് നീര്
കാലില് നീര്, ഓക്കാനവും ഛര്ദ്ദിയും നെഞ്ചെരിച്ചിലും ചിലപ്പോള് ഹാര്ട്ട് അറ്റാക്കിന്റെ സൂചനയായി ഉണ്ടാകാം. അതുപോലെ അമിത ക്ഷീണമോ, തളർച്ചയോ തലക്കറക്കമോ അനുഭവപ്പെടുന്നതും ഹൃദയാഘാതത്തിന്റെ സൂചനയായിരിക്കാം.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും നിങ്ങളുടെ ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
