ലിവര് ക്യാന്സറിന് കാരണങ്ങള് പലതുണ്ട്. മദ്യപാനവും പുകവലിയും കൂടുതലാകുന്നത്, മഞ്ഞപ്പിത്തം ഗുരുതരമാകുന്നതും മറ്റു കരള് രോഗങ്ങളും, അമിതവണ്ണം, അമിതമായ പ്രമേഹം, ചില മരുന്നുകള് എന്നിവയെല്ലാം ലിവര് ക്യാന്സറിനുള്ള സാധ്യത കൂട്ടുന്നു എന്നാണ് വിദഗ്ധര് പറയുന്നത്.
തുടക്കത്തില് കണ്ടെത്തിയാല് ഒട്ടുമിക്ക ക്യാന്സറുകളും ഭേദമാകും. ക്യാന്സര് ശരീരത്തിന്റെ ഏത് അവയവത്തെ വേണമെങ്കിലും ബാധിക്കാം. കരളിനെ ബാധിക്കുന്ന അര്ബുദ്ദമാണ് ലിവര് ക്യാന്സര്. ലിവര് ക്യാന്സറിന് കാരണങ്ങള് പലതുണ്ട്. മദ്യപാനവും പുകവലിയും കൂടുതലാകുന്നത്, മഞ്ഞപ്പിത്തം ഗുരുതരമാകുന്നതും മറ്റു കരള് രോഗങ്ങളും, അമിതവണ്ണം, അമിതമായ പ്രമേഹം, ചില മരുന്നുകള് എന്നിവയെല്ലാം ലിവര് ക്യാന്സറിനുള്ള സാധ്യത കൂട്ടുന്നു എന്നാണ് വിദഗ്ധര് പറയുന്നത്.
കരളിലുണ്ടാകുന്ന ക്യാന്സറിന്റെ പ്രാഥമിക ലക്ഷണങ്ങള് എന്തൊക്കെയാണെന്ന് നോക്കാം.
ഒന്ന്...
അമിതമായ ക്ഷീണം തോന്നുക, ഒന്നും ചെയ്യാന് പറ്റാത്ത അവസ്ഥയുണ്ടാവുക എന്നിവയൊക്കെ പല രോഗങ്ങളുടെയും ലക്ഷണമാകാം എങ്കിലും കരള് ക്യാന്സറിനും ഇത്തരമൊരു ലക്ഷണം കണ്ടേക്കാം.
രണ്ട്...
ഒരു കാരണവുമില്ലാതെ പെട്ടെന്ന് ശരീരഭാരം കുറയുക. പെട്ടെന്ന് അമിതമായി ശരീരഭാരം കുറയുന്നത് കരള് രോഗവുമായി ബന്ധപ്പെട്ടിരിക്കുന്നു.
മൂന്ന്...
ഇടയ്ക്കിടയ്ക്കുള്ള ഛര്ദ്ദിയാണ് മറ്റൊരു ലക്ഷണം. ഭക്ഷണം കഴിച്ചാലും ഇല്ലെങ്കിലും ഇടയ്ക്കിടയ്ക്കുണ്ടാകുന്ന ഛര്ദ്ദി ശ്രദ്ധിക്കുന്നത് നല്ലതാണ്.
നാല്...
ശരീരത്തിനും കണ്ണിനും മഞ്ഞ നിറം ഉണ്ടാവുന്നതും ശ്രദ്ധിക്കണം. ചര്മ്മം അകാരണമായി ചൊറിയുന്നതും ഒരു ലക്ഷണമാകാം.
അഞ്ച്...
ഒരു കാരണവുമില്ലാതെ അടിവയറിന് വേദന അനുഭവപ്പെടുക.
ആറ്...
അല്പം ഭക്ഷണമേ കഴിച്ചുള്ളുവെങ്കിലും വയര് നിറഞ്ഞതായി തോന്നുന്നുണ്ടെങ്കില് അല്പം സൂക്ഷിക്കേണ്ടതാണ്. കാരണം ഭക്ഷണം കഴിച്ച് കഴിയുന്നതിനു മുന്പ് തന്നെ വയര് നിറയുന്നതും വേദന അനുഭവപ്പെടുന്നതും കരളുമായി ബന്ധപ്പെട്ടിരിക്കുന്നു.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
Also Read: ഹൃദയാഘാതം; അവഗണിക്കരുത് ഈ ഏഴ് ലക്ഷണങ്ങളെ...
