ഈ ലെെംഗിക രോഗം കെനിയക്കാരുടെ പ്രത്യുത്പാദന ശേഷി കുറയ്ക്കുന്നു ; മുന്നറിയിപ്പുമായി ആരോഗ്യ വിദഗ്ധർ
' ഇതൊരു മറഞ്ഞിരിക്കുന്ന രോഗമാണ്. ക്ലമീഡിയ ബാധിച്ച 70 ശതമാനം സ്ത്രീകൾക്കും രോഗലക്ഷണങ്ങൾ ഇല്ലായിരിക്കാം. ഈ ലക്ഷണമില്ലാത്ത ഗ്രൂപ്പാണ് ഞങ്ങളെ ആശങ്കപ്പെടുത്തുന്നത്...' - ഡോ മുരുഗി പറയുന്നു.
ലൈംഗികമായി പകരുന്ന രോഗമായ 'ക്ലമീഡിയ' (Chlamydia) കെനിയക്കാരുടെ പ്രത്യുത്പാദന ശേഷി കുറയ്ക്കുന്നതായി ആരോഗ്യവിദഗ്ധർ. ഈ രോഗം ബാധിച്ചവർക്ക് ചികിത്സ ലഭിക്കുന്നില്ലെന്നും വിദഗ്ധർ പറയുന്നു. ക്ലമീഡിയ വന്ധ്യതയ്ക്കും മറ്റ് സങ്കീർണതകൾക്കും കാരണമാകുമെന്ന് നാഷണൽ സിൻഡമിക് ഡിസീസ് കൺട്രോൾ കൗൺസിലിലെ (എൻഎസ്‌ഡിസിസി) ഡോ. മുരുഗി മിചെനി പറയുന്നു.
'ഇതൊരു മറഞ്ഞിരിക്കുന്ന രോഗമാണ്. ക്ലമീഡിയ ബാധിച്ച 70 ശതമാനം സ്ത്രീകൾക്കും രോഗലക്ഷണങ്ങൾ ഇല്ലായിരിക്കാം. ഈ ലക്ഷണമില്ലാത്ത ഗ്രൂപ്പാണ് ഞങ്ങളെ ആശങ്കപ്പെടുത്തുന്നത്...'- ”ഡോ മുരുഗി പറയുന്നു.
രോഗലക്ഷണങ്ങളില്ലാത്തവർക്ക് ലൈംഗിക സമ്പർക്കത്തിലൂടെ മറ്റുള്ളവരിൽ ക്ലമീഡിയ ബാധിക്കാം. അതേസമയം രോഗലക്ഷണങ്ങളുള്ളവർക്ക് മൂത്രമൊഴിക്കുമ്പോഴോ ഉദരഭാഗത്തോ വേദന അനുഭവപ്പെടുകയോ അസാധാരണമായ സ്രവമോ രക്തസ്രാവമോ അനുഭവപ്പെടുകയോ ചെയ്യുന്നു. സ്ത്രീകൾക്ക് സെർവിക്സിലോ മലാശയത്തിലോ തൊണ്ടയിലോ ക്ലമീഡിയ ഉണ്ടാകാം. പുരുഷന്മാരിൽ ഇത് മൂത്രനാളിയിലും മലാശയത്തിലോ തൊണ്ടയിലോ പ്രത്യക്ഷപ്പെടുന്നു.
'ഫ്ലേവേഡ് കോണ്ടം' ഉപയോഗിക്കുന്നത് നല്ലതല്ലെന്ന് ഡോക്ടർമാർ ; കാരണം ഇതാണ്
ലബോറട്ടറി പരിശോധനകൾക്ക് ക്ലമീഡിയ നിർണ്ണയിക്കാൻ കഴിയും. എന്നാൽ പരിശോധനകൾ ചെലവേറിയതാണ്.
യുവാക്കൾക്കിടയിൽ വർധിച്ചുവരുന്ന എസ്ടിഡി നിരക്ക് ആശങ്കാജനകമാണ്. കിലിഫിയിലെ കെനിയൻ യുവാക്കളിൽ 2020-ൽ നടത്തിയ ഒരു പഠനത്തിൽ എട്ടിൽ ഒന്നിലധികം പെൺകുട്ടികൾ ഗൊണോറിയയ്ക്ക് പോസിറ്റീവ് ആണെന്ന് കണ്ടെത്തി.
ക്ലമീഡിയ അണുബാധ ഏറ്റവും സാധാരണമാണ്. കെനിയൻ കൗമാരക്കാരായ പെൺകുട്ടികൾക്കിടയിൽ ലെെംഗികരോഗങ്ങൾ കൂടുതലായി പകരുന്നതായി മുമ്പും കണ്ടെത്തിയിരുന്നു. 'ചികിത്സയില്ലാത്ത എസ്ടിഡികൾ പെൽവിക് ഇൻഫ്ലമേറ്ററി ഡിസീസ്, വിട്ടുമാറാത്ത വേദന, വന്ധ്യത, നവജാതശിശുക്കളിൽ അന്ധത എന്നിവയിലേക്കും നയിക്കുന്നു...' -ഡോ. മുരുഗി കൂട്ടിച്ചേർത്തു.
ചെറുപ്പക്കാർക്കിടയിൽ തൊണ്ടയിലെ ഗൊണോറിയയെക്കുറിച്ച് നടത്തിയ ഒരു പഠനത്തിൽ യുഎസിൽ എസ്ടിഡികളുടെ വ്യാപനത്തിലെ സമീപകാല വർദ്ധനവ് തൊണ്ടയിലെ അണുബാധയുടെ അപകടസാധ്യതകളെക്കുറിച്ച് നന്നായി മനസ്സിലാക്കേണ്ടതിന്റെ ആവശ്യകതയെ എടുത്തുകാണിക്കുന്നതായി ഗവേഷകർ പറഞ്ഞു. യുവാക്കളിൽ തൊണ്ടയിലെ ഗൊണോറിയ താരതമ്യേന സാധാരണമാണെന്ന് പഠനം കണ്ടെത്തി.
ഗൊണോറിയ, ക്ലമീഡിയ, തൊണ്ടയിൽ സംഭവിക്കുന്ന മറ്റ് എസ്ടിഡികൾ എന്നിവ ഉൾപ്പെടുത്തുന്നതിനായി കൗൺസിലിംഗ്, സ്ക്രീനിംഗ് എന്നിവ വിപുലീകരിക്കണമെന്ന് ഗവേഷകർ പറയുന്നു. തൊണ്ടയിലെ ഗൊണോറിയ തടയാൻ ആന്റിസെപ്റ്റിക് മൗത്ത് വാഷിന്റെ ഉപയോഗത്തിന്റെ പ്രാഥമിക ഫലപ്രാപ്തിക്കും സ്വീകാര്യതയ്ക്കും തെളിവുകളുണ്ടെന്നും ഗവേഷകർ പറയുന്നു.
സെക്സും പുകവലിയുമെല്ലാം തലവേദനയുണ്ടാക്കുമോ? അറിയേണ്ട 10 കാര്യങ്ങള്‍...
'കൗമാരക്കാർക്കിടയിൽ ഓറൽ സെക്‌സാണ് ഗർഭധാരണം ഒഴിവാക്കാനുള്ള ഒരു മാർഗമായി തിരഞ്ഞെടുക്കപ്പെടുന്നതെന്നും ചിലർക്ക് ഇത് അപകടരഹിതമായ രീതിയാണെന്ന് കരുതുന്നു...'- നെയ്‌റോബിയിലെ ആഗാ ഖാൻ യൂണിവേഴ്‌സിറ്റി ഹോസ്പിറ്റലിലെ ഒബ്‌സ്റ്റെട്രിക്‌സ് ആൻഡ് ഗൈനക്കോളജി കൺസൾട്ടന്റായ ഡോ. ജോവാൻ ഒകെമോ പറഞ്ഞു.
ബാക്ടീരിയ, സിഫിലിസ്, ഹെർപ്പസ്, ഗൊണോറിയ, ക്ലമീഡിയ, ഹെപ്പറ്റൈറ്റിസ് എ, ബി, സി, എച്ച്പിവി, തൊണ്ട കാൻസറുകൾ തുടങ്ങിയ ചില അർബുദങ്ങൾക്കും കാരണമാകുന്ന എച്ച്പിവി ഉൾപ്പെടെ നിരവധി രോഗങ്ങളുണ്ടാക്കുന്ന ബഗുകൾ ഓറൽ സെക്സിലൂടെ പകരാമെന്ന് ഡോ. ജോവാൻ പറഞ്ഞു.
എന്താണ് ക്ലമീഡിയ?
ലൈംഗികമായി പകരുന്ന ഏറ്റവും സാധാരണമായ അണുബാധകളിൽ (എസ്ടിഐ) ഒന്നാണ് ക്ലമീഡിയ. ലൈംഗിക ബന്ധത്തിൽ നിന്നോ മലദ്വാരത്തിൽ നിന്നോ ഓറൽ സെക്സിൽ നിന്നോ ക്ലമീഡിയ പകരാം. ക്ലമീഡിയ പലപ്പോഴും രോഗലക്ഷണങ്ങൾ പ്രകടമാക്കുന്നില്ല. അത് കൊണ്ട് തന്നെ പലരും ഈ രോഗം പിടിപ്പെട്ടിട്ടുണ്ടോ എന്നുള്ളത് അറിയാതെ പോകുന്നു. പതിവ് പരിശോധനകൾ ക്ലമീഡിയയുടെ വ്യാപനം കുറയ്ക്കാൻ സഹായിക്കും.
ഒരിക്കൽ ഒരു വ്യക്തിക്ക് രോഗം ബാധിച്ചാൽ ലൈംഗിക ബന്ധത്തിലൂടെയോ ഓറൽ സെക്സിലൂടെയോ ക്ലമീഡിയ അവരുടെ പങ്കാളികളിലേക്ക് പകരാം. ക്ലമീഡിയയ്ക്ക് കാരണമായ ബാക്ടീരിയകളാൽ ലൈംഗിക കളിപ്പാട്ടങ്ങൾ പങ്കാളികൾ പങ്കിടുമ്പോഴും അണുബാധകൾ ഉണ്ടാകാം.
ക്ലമീഡിയ അണുബാധ ചികിത്സിക്കാവുന്നതും ഭേദമാക്കാവുന്നതുമാണ്. എന്നാൽ എത്രയും വേഗം ചികിത്സ തേടേണ്ടത് പ്രധാനമാണ്. ചികിത്സിച്ചില്ലെങ്കിൽ, ക്ലമീഡിയ ഗുരുതരമായ സങ്കീർണതകളിലേക്ക് നയിച്ചേക്കാം. ക്ലമീഡിയയ്ക്ക് കാരണമാകുന്ന ബാക്ടീരിയകൾ യോനിയിലെ ദ്രാവകത്തിലൂടെയും ശുക്ലത്തിലൂടെയും കൈമാറ്റം ചെയ്യപ്പെടുന്നു.
കൊവിഡിന് ശേഷം വ്യായാമം തുടങ്ങുമ്പോള്‍ ശ്രദ്ധിക്കേണ്ട കാര്യങ്ങള്‍...
ബാക്ടീരിയ മൂലമുണ്ടാകുന്ന ഏറ്റവും സാധാരണമായ എസ്ടിഐ ആണ് ക്ലമീഡിയ. 2019-ൽ ഏകദേശം 2 ദശലക്ഷം ക്ലമീഡിയ കേസുകൾ സിഡിസി റിപ്പോർട്ട് ചെയ്യപ്പെട്ടിട്ടുണ്ട്. മുൻ വർഷങ്ങളുമായി താരതമ്യപ്പെടുത്തുമ്പോൾ 2019-ലെ അണുബാധ നിരക്ക് വർദ്ധിച്ചതായാണ് റിപ്പോർട്ടുകൾ സൂചിപ്പിക്കുന്നത്.
