'ഫ്ലേവേഡ് കോണ്ടം' ഉപയോ​ഗിക്കുന്നത് നല്ലതല്ലെന്ന് ഡോക്ടർമാർ ; കാരണം ഇതാണ്

' സു​ഗന്ധമുള്ള കോണ്ടം ഇന്ന് ലഭ്യമാണ്. ലൈംഗിക ബന്ധത്തിന് അവയുപയോഗിച്ചാൽ സ്ത്രീകൾക്ക് യോനിയിൽ യീസ്റ്റ് അണുബാധ ഉണ്ടാകാനുള്ള സാധ്യത കൂടുതലാണ്. ചോക്ലേറ്റ്, വാനില, സ്ട്രോബെറി എന്നിവ മുതൽ ഇഞ്ചി, വെളുത്തുള്ളി ഇങ്ങനെ വിവിധ സു​ഗന്ധത്തിലുള്ള കോണ്ടം ലഭ്യമാണ്. മണമില്ലാത്ത സാധാരണ കോണ്ടം മാത്രം ലൈംഗിക ബന്ധത്തിന് ഉപയോഗിക്കുക...'- ഡോ.ഷഹബാസ് പറഞ്ഞു.

condom

ഗർഭനിരോധന മാർഗ്ഗങ്ങളിൽ ഇന്ന് കൂടുതൽ പേരും ഉപയോ​ഗിച്ച് വരുന്ന ഒന്നാണ് കോണ്ടം. സുരക്ഷിതമായ സെക്സ് ലൈംഗികമായി പകരുന്ന അണുബാധയ്ക്കുള്ള സാധ്യത കുറയ്ക്കുന്നു. മാത്രമല്ല അതുമായി ബന്ധപ്പെട്ട യുടിഐ പ്രശ്നങ്ങളും. ലൈംഗിക ബന്ധത്തിന് ശേഷം യുടിഐ പിടിപെടാനുള്ള സാധ്യത കുറയ്ക്കണമെങ്കിൽ ചെയ്യേണ്ട ചില കാര്യങ്ങളുണ്ട്. 

ദമ്പതികൾ കുട്ടികൾ ആസൂത്രണം ചെയ്യുന്നില്ലെങ്കിൽ ഉചിതമായ ഗർഭനിരോധന മാർഗ്ഗങ്ങൾ ഉപയോഗിക്കണമെന്ന് ഡെറാഡൂണിലെ മാക്‌സ് സൂപ്പർ സ്‌പെഷ്യാലിറ്റി ഹോസ്പിറ്റലിലെ ഒബ്‌സ്റ്റട്രിക്‌സ് ആൻഡ് ഗൈനക്കോളജി വിഭാഗം അസോസിയേറ്റ് കൺസൾട്ടന്റ് ഡോ. പ്രിയങ്ക ചൗഹാൻ ഗാർഗ് പറഞ്ഞു, 

ഗർഭനിരോധന മാർഗ്ഗങ്ങൾ ഉപയോഗിക്കുന്നതിനുള്ള മറ്റൊരു പ്രധാന കാരണം, ലൈംഗികമായി പകരുന്ന രോഗങ്ങൾ (എസ്ടിഐ) പകരുന്നത് തടയുക എന്നതാണ്. ആൺ അല്ലെങ്കിൽ സ്ത്രീ കോണ്ടം ഉപയോ​ഗിക്കാം. ശരിയായി ഉപയോഗിച്ചാൽ ഫലപ്രാപ്തി ഏകദേശം 96% മുതൽ 98% വരെയാണെന്ന് ഡോ. പ്രിയങ്ക പറഞ്ഞു.

' ഓറൽ സെക്‌സ് സമയത്തും പുരുഷ കോണ്ടം, ഡെന്റൽ ഡാമുകൾ തുടങ്ങിയ മാർഗങ്ങൾ ഉപയോഗിക്കണമെന്ന് വിദഗ്ധർ ഊന്നിപ്പറയുന്നു. ഇത് എസ്ടിഐകൾ പകരുന്നതിനും ബാധിക്കുന്നതിനുമുള്ള സാധ്യത കുറയ്ക്കുന്നു...' - മുംബൈ സിറ്റി സെക്‌സ് കൗൺസിലിംഗ് ആൻഡ് തെറാപ്പി സെന്ററിലെ സെക്സോളജിസ്റ്റ് ഡോ.ഷഹബാസ് സെയ്ദ് പറഞ്ഞു.

യോനിയിൽ നിന്നും ലിംഗത്തിൽ നിന്നും സ്രവിക്കുന്നത് വായിലെ അണുബാധയ്ക്ക് കാരണമാകുമെന്നതിനാൽ ഓറൽ സെക്‌സിനിടെ ഗർഭനിരോധന ഉറകൾ ഉപയോഗിക്കണമെന്ന് ന്യൂഡൽഹിയിലെ എലാന്റിസ് ഹെൽത്ത്‌കെയറിലെ മാനേജിംഗ് ഡയറക്ടറും ഗൈനക്കോളജിസ്റ്റുമായ ഡോ. മന്നൻ ഗുപ്ത പറഞ്ഞു. ഇല്ലെങ്കിൽ അത് കാൻഡിഡിയസിസ്, ഹെർപ്പസ്, സിഫിലിസ്, ഗൊണോറിയ, ഹ്യൂമൻ ഇമ്മ്യൂണോ ഡെഫിഷ്യൻസി വൈറസ് (എച്ച്ഐവി), ഇമ്മ്യൂണോ ഡിഫിഷ്യൻസി സിൻഡ്രോം (എയ്ഡ്സ്) എന്നിവയിലേക്ക് നയിച്ചേക്കാമെന്ന് അദ്ദേഹം പറഞ്ഞു.

' കോണ്ടം എന്ന ആശയം പ്രാവർത്തികമാകുന്നത്, അവ എസ്ടിഐയുടെ സാധ്യത കുറയ്ക്കുക മാത്രമല്ല, ലൈംഗിക സുഖം വർദ്ധിപ്പിക്കുകയും ചെയ്യുന്നു. സു​ഗന്ധമുള്ള കോണ്ടം ഇന്ന് ലഭ്യമാണ്. ലൈംഗിക ബന്ധത്തിന് അവയുപയോഗിച്ചാൽ സ്ത്രീകൾക്ക് യോനിയിൽ യീസ്റ്റ് അണുബാധ ഉണ്ടാകാനുള്ള സാധ്യത കൂടുതലാണ്. ചോക്ലേറ്റ്, വാനില, സ്ട്രോബെറി എന്നിവ മുതൽ ഇഞ്ചി, വെളുത്തുള്ളി ഇങ്ങനെ വിവിധ സു​ഗന്ധത്തിലുള്ള കോണ്ടം ലഭ്യമാണ്. മണമില്ലാത്ത സാധാരണ കോണ്ടം മാത്രം ലൈംഗിക ബന്ധത്തിന് ഉപയോഗിക്കുക. ' - ഡോ.ഷഹബാസ് പറഞ്ഞു.

സു​ഗന്ധമുള്ള കോണ്ടം ഉപയോ​ഗിക്കുന്നത് യോനിയിൽ പ്രശ്‌നങ്ങൾ സൃഷ്‌ടിക്കാം. കാരണം, ഇത് യോനിയിലെ പിഎച്ച് നിലയെ ബാധിക്കുകയും യീസ്റ്റ് അണുബാധയ്ക്ക് വരെ കാരണമാവുകയും ചെയ്യുമെന്നും അദ്ദേഹം പറഞ്ഞു. സുഗന്ധമുള്ള കോണ്ടം പെൻട്രേറ്റീവ് സെക്‌സിനായി ഉപയോഗിച്ചാൽ ഒരു സ്ത്രീയുടെ യോനിയിലെ പിഎച്ച് അളവ് മാറ്റാൻ കഴിയും. ഇത് പങ്കാളിയിൽ യീസ്റ്റ് അണുബാധയ്ക്ക് കാരണമാകും. 

കോണ്ടം വാങ്ങുമ്പോൾ ചില കാര്യങ്ങൾ ശ്രദ്ധിക്കണം...

1. ഒരു സമയം ഒന്നിൽ കൂടുതൽ കോണ്ടം ഉപയോഗിക്കരുത്. കാലവധി കഴിഞ്ഞ കോണ്ടം വാങ്ങതിരിക്കുക. 
2. ഉപയോഗത്തിന് ശേഷം, അത് ശരിയായി വിനിയോഗിക്കാൻ മറക്കരുത്.
3. ഒരിക്കലും ചൂടുള്ള സ്ഥലങ്ങളിൽ കോണ്ടം സൂക്ഷിക്കരുത്. മിതമായ തരത്തിൽ തണുപ്പുള്ള സ്ഥലങ്ങളിൽ സൂക്ഷിക്കുന്നതാണ് കൂടുതൽ നല്ലത്.
4. കോണ്ടം നിറം മാറുകയോ കേടുപാടുകൾ സംഭവിക്കുകയോ ചെയ്താൽ അത് ഉപയോഗിക്കാൻ പാടില്ല.
5. നിങ്ങൾക്ക് അനുയോജ്യമായ നല്ല നിലവാരമുള്ള കോണ്ടം വാങ്ങിക്കുക. അനാവശ്യ ഗർഭധാരണം തടയുന്നതിന് ഇവ സഹായിക്കും.
6. കോണ്ടത്തിൽ ചെറിയ ദ്വാരങ്ങൾ ചിലപ്പോൾ ഉണ്ടായേക്കാം. ഇത് ​ഗർഭധാരണ സാധ്യത വർദ്ധിപ്പിക്കുകയും ലെെം​ഗിക രോ​ഗങ്ങൾ പിടിപെടാനുള്ള സാധ്യതയും വർദ്ധിപ്പിക്കുകയും ചെയ്യും.