കൊറോണ വൈറസ് മനുഷ്യ നിർമ്മിതമാണെന്നും ഇത് ചൈനയിലെ വുഹാൻ ലാബിലാണ് വികസിപ്പിച്ചെടുത്തതെന്നും പറഞ്ഞ ചൈനീസ് വൈറോളജിസ്റ്റായ ഡോ ലീ മെങ് യാനിന്‍റെ അക്കൗണ്ട് ട്വിറ്റർ താൽക്കാലികമായി മരവിപ്പിച്ചു. ഡെയ്ലി മെയില്‍ റിപ്പോര്‍ട്ട് ചെയ്ത പ്രകാരം ചൊവ്വാഴ്ചയാണ് ലി മിങിന്റെ അക്കൗണ്ട് ട്വിറ്റര്‍ സസ്‌പെന്‍ഡ് ചെയ്തത്. 'അക്കൗണ്ട് താൽക്കാലികമായി നിർത്തിവച്ചിരിക്കുന്നു' എന്ന സന്ദേശം കാണിച്ചുകൊണ്ടാണ് ട്വിറ്റർ അക്കൗണ്ട് താൽക്കാലികമായി നിർത്തിവച്ചിരിക്കുന്നത്.

വൈറസ് വ്യാപനത്തെക്കുറിച്ച് സര്‍ക്കാരിന് മുന്നേതന്നെ അറിവുണ്ടായിരുന്നുവെന്നും എന്നാല്‍ വിവരം മൂടിവയ്ക്കാന്‍ ശ്രമങ്ങള്‍ നടന്നിരുന്നവെന്നും ഡോ. ലീ ഒരു അഭിമുഖത്തില്‍ പറഞ്ഞിരുന്നു. ചൈനീസ് സർക്കാരിന്റെ നിയന്ത്രണത്തിലുള്ള വുഹാനിലെ ലാബിൽ നിർമ്മിച്ചതാണ് കൊറോണ വൈറസ്. ഇതിന്റെ ശാസ്ത്രീയ തെളിവുകൾ ഹാജരാക്കാമെന്നും ലീ  ബ്രിട്ടീഷ് ടോക്ക് ഷോ ആയ 'ലൂസ് വുമണി'ല്‍ പങ്കെടുത്തുകൊണ്ട് പറഞ്ഞു.

ചൈനീസ് അധികൃതരോട് വൈറസിനെപ്പറ്റി മുന്നറിയിപ്പ് നൽകിയപ്പോൾ അവർ അത് ചെവിക്കൊണ്ടില്ലെന്നും ലി പറയുന്നു. സ്വന്തം സുരക്ഷയ്ക്കായി തനിക്ക് യുഎസിലേക്ക് പലായനം ചെയ്യേണ്ടിവന്നുവെന്നും ഇപ്പോൾ തന്റെ കണ്ടെത്തലുകൾ ലോകത്തിന് മുന്നിൽ അവതരിപ്പിക്കാൻ തീരുമാനിച്ചുവെന്നും ഡോ. ​​ലി അവകാശപ്പെടുന്നു. 'ഈ വൈറസ് പ്രകൃതിയിൽ നിന്നുള്ളതല്ല.  തെളിവുകൾ ഉപയോഗിച്ച് ചൈനയിലെ ലാബിൽ നിന്ന് ഇത് എന്തിനാണ് വന്നതെന്നും എന്തുകൊണ്ടാണ് അവർ ഇത് നിർമ്മിച്ചതെന്നും ആളുകളോട് ഞാൻ പറയും. ബയോളജിയിൽ പരിജ്ഞാനം ഇല്ലാത്തവര്‍ക്കും ഇല്ലാത്തവർക്കും ഇത് മനസ്സിലാക്കാൻ കഴിയും'- ലി പറഞ്ഞതിങ്ങനെ. 

ഹോങ്കോംഗ് സ്‌കൂള്‍ ഓഫ് പബ്ലിക്ക് ഹെല്‍ത്തില്‍ ജോലി ചെയ്തിരുന്ന ഡോ. ലീ കഴിഞ്ഞ ഒരു വര്‍ഷമായി കൊറോണ വൈറസിനെപ്പറ്റിയുള്ള ഗവേഷണത്തിലായിരുന്നു. 

Also Read: കൊറോണ വൈറസ് നിർമ്മിച്ചത് വുഹാൻ ലാബിൽ, ശാസ്ത്രീയ തെളിവുകൾ തന്റെ പക്കലുണ്ടെന്ന് ചൈനീസ് ഗവേഷക